14 Dhjetor 2018

Sot nis puna për prodhimin e shtuar në Termocentralet e Kosovës

Obiliq, 26 dhjetor - Zëdhënësi i Qeverisë së Republikës së Kosovës, këshilltar politik i kryeministrit Ramush Haradinaj, Arbër Vllahiu, së bashku me ministrin e Zhvillimit Ekonomik, Valdrin Lluka, dhe një pjesë e kabinetit të kryeministrit, kanë vizituar Korporatën Energjetike të Kosovës, për të parë nga afër fillimin e punës së ekskavatorëve në fshatin Shipitullë.

Para mediave të pranishme, zëdhënësi Vllahiu, tha se ky është lajm shumë i mirë për qytetarët e Kosovës që ndërlidhet me energjinë.

Ai tha se procesi i shpronësimit në Hade dhe Shipitullë sot ka marrë fund dhe banorët e fundit të këtyre fshatrave kanë nënshkruar kontratat me Korporatën Energjetike të Kosovës.

“Kryeministri Haradinaj dhe Qeveria e Kosovës kanë përmbyllur njërën nga çështjet më të mëdha të vendit që kanë mbajtur peng gjendjen energjetike prej më shumë se dhjetë vjetësh. E vlerësojmë angazhimin e menaxhmentit të KEK-ut në bashkëpunim me institucionet e vendit, për ta përfunduar këtë proces të vështirë dhe njëkohësisht emergjent për vendin dhe përkujdesjen e tij për banorët e fshatrave Hade e Shipitullë, të cilëve u janë shpronësuar pronat e tyre”, tha Vllahiu.

Zëdhënësi Vllahiu, po ashtu vlerësoi gatishmërinë e banorëve të fshatrave që të përmbyllin këtë proces të vështirë për ta, por të domosdoshëm për të ardhmen e vendit.

“Sot nis puna që do të mundësoj prodhimin e shtuar në Termocentralet e Kosovës, ndërkaq të gjitha objektet në zonë do të rrënohen para Vitit të Ri. Brenda pak kohësh Kosova nuk do të importojë më energji dhe nuk do të shpenzojë paratë e saj për këtë qëllim, por do të prodhojë vetë energjinë për qytetarët e vet”, u shpreh zëdhënësi Vllahiu.

Duke folur rreth punës 100 ditëshe të kryeministrit Haradinaj, zëdhënësi Vllahiu, tha se gjatë kësaj periudhe kryeministri i ka kushtuar rëndësi të jashtëzakonshme çështjes së energjisë dhe krijimit të kushteve të favorshme për prodhimin e energjisë nga Termocentralet e Kosovës.

Ai tha se, angazhimi i përditshëm i Kryeministrit Haradinaj në çështjen e energjisë ka parandaluar humbjet që mund të përjetonte Kosova në muajt e ardhshëm, dhe i jep fund edhe shpenzimeve enorme vjetore prej mbi 100 milionë euro, siç ka ndodhur në të kaluarën me blerjen e energjisë.

“E ripërsërisim edhe njëherë qëndrimin e kryeministrit Haradinaj se nuk do të ketë ndërprerje të energjisë dhe nuk do të ketë rritje të çmimit të energjisë elektrike. Periudhës emergjente dhe humbjeve po i vjen fundi”, tha Vllahiu, duke theksuar se në 100 ditëshin e parë të qeverisjes Haradinaj, është nënshkruar marrëveshja më e madhe që prej pasluftës në Kosovë, me kompaninë amerikane “Contour Global” për Termocentralin e ri në një vlerë prej mbi 1.3 miliard eurosh, që do të garantojë stabilitetin energjetik dhe njëkohësisht mirëqenien e qytetarëve dhe zhvillimin ekonomik.

Ministri i Zhvillimit Ekonomik, Valdrin Lluka, tha se mos funksionimi i këtyre ekskavatorëve për më shumë se 16 muaj kanë shkaktuar humbje enorme, diku rreth 1 milion euro në muaj, dhe kjo për shkak të neglizhencës së një qeverie e cila nuk i ka dhënë prioritet fushës së energjisë.

“Kjo është një e arritur e madhe që të sigurohet furnizimi i brendshëm i energjisë”, tha ministri Lluka, duke falënderuar kryeministrin Haradinaj për angazhimin maksimal dhe vendosmërinë e tij në zhbllokimin nga një krizë e mundshme energjetike.

Drejtori menaxhues i KEK-ut, Arben Gjukaj tha se sot përfundimisht po fillojnë aktivitetet.

“Përfundimisht në mëngjes kemi arritur marrëveshje me lagjen Mirena. Siç po e shihni pas nesh janë duke punuar dy ekskavatorë. Qëllimisht i kemi vendosur dy ekskavatorë për ta përshpejtuar dhe për ta evituar një krizë nëpër të cilën mund të kaloj vendi gjatë sezonit në të cilën po hyjmë”, tha drejtori Gjukaj.

 

Kalendari

Ngjarjet e datës 14 dhjetor 2018

- Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)  

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)