Prishtinë, 4 tetor - Në parashikimin e motit për sot  Instituti Hidrometerologjik i Kosovës ka bërë të ditur se do të mbajë mot i vranët dhe me intervale me diell.

Në pjesën veriperëndimore dhe veriore të vendit parashihen reshje shiu, situatë e cila do të ndikoj dukshëm në rënien e fushave termike në atë pjesë të Dukagjinit, deri sa pjesa tjetër e territorit mbetet në ndikimin e vranësirave dhe intervaleve me diell.

Temperaturat minimale do të lëvizin ndërmjet 9-12 gradë Celsius, ndërsa maksimalet e ditës parashihen të lëvizin ndërmjet 18-27 gradë Celsius.

Do të fryjë erë nga drejtimi i verilindjes dhe jugperëndimit me shpejtësi 1-18 m/s.