29 Shkurt 2020

Skenderaj dhe MCC me projekt për rritjen e efiçiencës së energjisë në shtëpi

 Skenderaj, 10 shkurt - Kryetari i Komunës së Skenderajt, Bekim Jashari, ka pritur sot në takim udhëheqësin e projektit “SEEK – Subvencionet për Efiçiencë të Energjisë në Kosovë”, Marko Kosir, me të cilën ka nënshkruar  një memorandum bashkëpunimi për bashkëfinancimin e këtij projekti që ka për qëllim të zvogëlojë konsumin e energjisë elektrike në sektorin e banimit duke ndarë subvencione për njësitë e banimit që të investojnë në masa të Efiçiencës së Energjisë dhe në Burime të Ripërtërishme të Energjisë.

Me këtë rast Kryetari Jashari ka mirëpritur nënshkrimin e këtij memorandumi duke vlerësuar se nevojat në këtë fushë janë të mëdha dhe për këtë komuna jonë duhet të këtë përkrahje me të madhe bazuar ne faktin që si komune kemi pasur më së shumti dëme nga lufta e fundit.

Ai tutje ka thënë se renovimi i shtëpive duke rritur efiçiencën e energjisë  është projekt shumë i rëndësishëm dhe për këtë si komunë do të angazhohemi në vazhdimësi.

Nga ana tjetër udhëheqësi i  projektit “SEEK – Subvencionet për Efiçiencë të Energjisë në Kosovë”, Marko Kosir, ka thënë se ky projekt financohet nga Fondacioni i Mijëvjeçarit të Kosovës dhe në fazën fillestare parasheh renovimin e 18 shtëpive në komunën e Skenderajt e pastaj në fazën e dytë ky numër sipas tij do të rritet dukshëm.

Rreth detajeve tjera dhe mënyrës së aplikimit komuna e Skenderajt do të informojë me kohë opinionin publik.

Kalendari

Ngjarjet e datës 29 shkurt 2020 - Drejtoria e Shëndetësisë së bashku me Qendrën Kryesore të Mjekësisë Familjare, do të ofrojnë kontrolle të përgjithshme mjekësore pa pagesë për sëmundje të traktit urinar ku me pas do të ketë prononcim për media nga drejtori i Drejtorisë së Shëndetësisë, Visar Shehu. (Qendra Kryesore e Mjekësisë Familjare, ora 10:00)

- Federata e pingpongut të Kosovës do të organizojë Kampionatin Individual të Kosovës për Seniorë “Adem Jashari”. (Shkolla fillore Tefik Çanga në Ferizaj, ora 10:00)

- Mbahet Kuvendi i Punës i Federatës i Basketbollit i Kosovës (FBK). (Hotel International Prishtina & SPA, ora 10:00)

- Qendra e Levizjes në Prishtinë mban konferencë për media. (Zyret qendrore të Lëvizjes në Arbëri, ora 11:00)

Anibar International Animation Festival organizon bashkëlexim dhe diskutim në Klubin e Kinemasë “Jusuf Gërvalla” në Pejë. (Kinema “Jusuf Gërvalla”, në Pejë ora 12:00)

- Mbahet ceremonia përmbyllëse për Garën Kombëtare për Kitarë, ku do të shpallen rezultatet dhe fituesit që do ta përfaqësojnë Kosovën në Garën Ndërkombëtare që do të mbahet në Qershor 2020, në Monheim në Gjermani. (Amfiteatri i Pallatit të Rinisë, ora 18:00)