27 Maj 2020

Shkencëtarët shpallin emergjencën e klimës

Paris, 6 nëntor - Mbi 11 mijë shkencëtarë nga më shumë se 150 vende kanë shpallur emergjencën lidhur me klimën dhe kanë paralajmëruar për pasojat, në qoftë se njerëzimi nuk arrin të trajtojë problemet e ndryshimeve klimatike.

Ky veprim pason fillimin zyrtarisht prej ShBA-së të procesit të tërheqjes nga Marrëveshja e Parisit.

ShBA-ja është vendi i vetëm që ka shpallur largimin nga marrëveshja e klimës, e nënshkruar nga afro 200 vende.

Zëdhënësja e BE-së Mina Andreeva shprehu keqardhjen për vendimin e ShBA-së.

Qeveria e Trump-it ka shfuqizuar rregullat mjedisore të epokës së Obamës, për t'i dhënë një mbështetje industrisë së qymyrgurit, duke e lejuar të lëshojë më shumë gazra serrë në ajër. 

Kalendari

Ngjarjet e datës 27 Maj 2020 - Komisioni për Buxhet dhe Transfere shqyrton kërkesën e Fondit të Kursimeve Pensionale të Kosovës për miratimin e taksave vjetore, shqyrton po ashtu Programin e Shpenzimeve të Radiotelevizionit të Kosovës, etj. (Ndërtesa e Kuvendit, salla C 203, ora 10:00 - pa prezencën e mediave)
 
- Komisioni për Shëndetësi dhe Mirëqenie Sociale shqyrton Raportin e Ministrisë së Shëndetësisë. (Ndërtesa e Kuvendit, N 302, ora 10:00 - pa prezencën e mediave)

- Komisioni për Qeverisje Lokale, Administratë Publike, Zhvillim Rajonal dhe Media shqyrton Raportin vjetor të Komisionit të Pavarur për Media. (Ndërtesa e Kuvendit, salla N10, ora 11:00 - pa prezencën e mediave)

- Disa Organizata Jo Qeveritare dorezojn  Peticionin - 'Mos na helmoni!' - kundër deponisë së hirit të Korporatës Energjetike të Kosovës. (Tek Ministria e Infrastrukturës dhe Ambientit, ora 13:00)

- Komuna e  Rahovecit, organizon debat publik me qytetarët për Taksa Komunale. (Salla e mbledhjeve të Kuvendit Komunal, Rahovec, ora 13:30)

- Me hapjen e një përkujtimore të dedikuar viktimave të vetëvrasjes përmbyllet kampanja 'Linja e Jetës'. (Mbrapa Rektoratit në kampusin e Universitetit të Prishtinës, ora 16:00)