16 Janar 2018

Serbia nuk lejon linjën 400kw te energjisë elektrike Shqipëri - Kosovë

Tiranë, 8 janar - Konfindustria shpreh shqetësimin për vazhdimësinë e moslejimit nga ana e Serbisë të vënies në punë të linjes 400kw të ndërlidhjes se energjisë elektrike Shqipëri - Kosovë, duke i dhënë natyrë të qartë të një lufte të pandershme tregtare dhe ekonomike.

Gjergj Buxhuku Administrator i Përgjithshëm i Kondindustrisë ka thënë se Qeveritë e Shqipërisë dhe Kosovës duhet te shqyrtojnë me shpejtësi marrjen e masave kundërvepruese ndaj Serbisë, lidhur me çështjen e mësipërme.

Konfindustria vlerëson, se masat kundërpërgjigjese mund te jene te tipit tregtar dhe ligjor, duke patur parasysh demin financiar, qe bllokimi i paarsyeshëm nga Serbia e vënies ne pune te linjës 400kw i shkakton te dy vendeve tona.

"Shqipëria dhe Kosova importojnë nga Serbia prodhime me vlere deri 500 milion euro/vit. Traktatet ndërkombëtare parashikojnë marrjen e masave ndëshkuese si kundërpërgjigje ndaj politikave ekonomike dhe tregtare te pandershme te një vendi", ka theksuar Buxhuku.

Investimi për linjën 400 KW ka kushtuar mbi 75milion euro te kredituara nga banka gjermane KFW.

Buxhuku thekson se mosvënia ne pune jo vetëm i shkakton një dem financiar prej miliona euro/vit, rrezikon sigurinë energjetike te Shqipërisë dhe Kosovës, si edhe pamundëson, krijimin e Tregut Rajonal te Energjisë.

"Njëkohësisht, qëndrimi i Serbisë për linjën e energjisë Shqipëri-Kosovë ka edhe natyre te qarte kundërshtuese politike ndaj procesit te krijimit te Tregut te Përbashkët te Ballkanit Perëndimor te kërkuar nga BE ne Takimet e Berlinit dhe Triestes", ka theksuar ne fund Buxhuku.



 

Kalendari

Ngjarjet e datës 16 Janar 2018 - Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Raportit me Rekomandime për Projektligjin nr.06/L-019 për Standardizim, shqyrtimi i Vendimit të Qeverisë për emërimin e anëtarëve të Bordit të Zyrës së Rregullatorit të Energjisë, etj.. (Ndërtesa e Kuvendit, salla N 302, ora 11:00)

- Shoqata Down Syndrome Kosova organizon hapjen e hapësirave të renovuara për ofrimin e shërbimeve terapeutike për fëmijët me sindromë Down pranë qendrës Down Syndrome Kosova në Prishtinë. (Zyrat e Down Syndrome Kosova, ora 11:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të behët shqyrtimi i Planit të punës së Komisionit për vitin 2018. (Ndërtesa e Kuvendit, salla S-I, ora 11:00)

- Instituti Demokratik i Kosovës organizon konferencën për media lidhur me vazhdimin e Dialogut Kosovë-Serbi. (Zyrat e KDI-së, ora 13:00)

- Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi i Projektligjit nr. 06/L-004 për ndryshimin dhe plotësimin e Ligjit nr. 03/L-094 për Presidentin e Republikës së Kosovës. (Ndërtesa e Kuvendit, salla N 302, 13:00)

- Mbahet ceremonia zyrtare e fillimit të zhvillimit të kurseve trajnuese për pjesëtarët e FSK-së në Komandën e Doktrinës dhe Stërvitjes të FSK-së. (Kazerma e FSK-së "Skënderbeu" në Ferizaj, ora 13:00)

- Ministria e Integrimit Evropian organizon takimin politik për Instrumentin e Para Anëtarësimit për vitet programuese 2018 dhe 2019”. (Ndërtesa e Qeverisë, salla P-38, ora 13:30)

- Drejtori i Misionit të USAID-it James Hope, i shoqëruar nga Kryetarja e Gjykatës Kushtetuese Arta Rama-Hajrizi, do të flasë me rastin e përurimit zyrtar të faqes së re të internetit të Gjykatës Kushtetuese. (Sheshi 21, ora 15:30)