24 Tetor 2018

Rrjet i ri elektrik në rrugën Pejë-Prishtinë

Prishtinë, 30 nëntor - KEDS ka punuar në segmetin e ri rrugor të hyrjes dhe daljes së rrugës Pejë-Prishtinë. Kompania Kosovare për Distribuim dhe Furnizim me Energji Elektrike (KEDS) ka shtrirë shtatë kilometra rrjet të ri nëntokësorë dhe 1,500 metra rrjet të ri ajror për tension të ulët.

Projekti përshkon zonat dhe fshatrat e Pejës që nga hyrja e qytetit, (nga Gorenje) deri në fshatin Ramun. Me këtë projekt KEDS ka përmbushur pritjet e qytetarëve të këtij rajoni, Pejës.

Zëdhënës i KEDS-it, Viktor Buzhala thotë se në këtë rast ka pasur rilokim të shtyllave dhe rilokim të rrjetit nga ajor në nëntokësor, sipas projeksionit të ri të këtij segmenti rrugor që po realizohet nga Ministria e Infrastrukturës. Buzhala thotë se investimi në fjalë nga ana e KEDS-it, ndikon në përmirësimin e cilësisë në furnizim e që pashmangshëm eliminon humbjet.

“Shtatë kilometra të ndërtuara nga ajror në rrjet nëntokësor, një mijë e 500 metra rrjet ajror të ri për tension të ulët dhe poashtu rilokim i shtyllave të reja të betonit duke ju përshtatur standardeve të segmentit të ri rrugor, tashmë janë realizuar nga ana e KEDS-it. Ky investim eliminon humbjet, zvogëlon në miminum mundësinë e defekteve dhe poashtu ndikon në cilësi”, tha Buzhala.

Qytetarët e kësaj ane mbeten të kënaqur për këtë punë të KEDS-it, meqë sipas tyre përfitimet janë të shumta. Blerim Nikqi banor në njërin nga këto fshatëra, thotë se një gjë e tillë është mirëpritur nga të gjithë banorët por edhe të gjithë të tjerët që frekuentojnë këtë segment nacional të rrugës.

“KEDS së pari ka rivendosur shtyllat e reja sipas kushteve të reja të krijuara nga segmenti i ri rrugor dhe për këtë meriton kompliment meqë ka qenë kërkesë që i ishte paraqitur edhe kryeministrit Haradinaj më herët. Së dyti KEDS ka punuar me shumë dinamikë në ndërtimin e rrjetit nëntokësor dhe kjo gjë eliminon rrezikun, e rritë cilësinë e furnizimit. Pra është diçka shumë moderne që po ndodhë në këtë anë”, tha Nikqi.

Me realizimin e këtij projekti KEDS ka përmirësuar furnizimin me energji për një numër të madh konsumatorësh dhe qytetarësh në këtë pjesë të segmentit rrugor që përshkon disa fshatra të Pejës, siç janë Qyshku, Pavlani, Zahaqi e deri në Ramun

Kalendari

Ngjarjet e datës 24 tetor 2018 - Kryeministri i Republikës së Kosovës, Ramush Haradinaj gjatë vizitës zyrtare në Shkodër, do të zhvillojë homazhe te shtatorja e Isa Boletinit. (Shkodër, ora 9:00)

- Universiteti i Prishtinës “Hasan Prishtina” dhe Zyra e UNICEF-it në Kosovë organizojn konferencën me titull “Ndërtimi i partneritetit për ndryshime pozitive sociale në Kosovë”. (Swiss Diamond Hotel, ora 9:15)

- Kryeministri i Republikës së Kosovës, Ramush Haradinaj viziton Bashkinë e Shkodrës në Shqipëri ku do te takohet me kryetaren e Bashkisë, Voltana Ademi. (Bashkinë e Shkodrës, ora 9:30)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët formimi i grupit punues për monitorimin e Ligjit për Produkte dhe Pajisje Medicinale. (Ndërtesa e Kuvendit, salla N 303, ora 10:00)

- Ministria e Kulturës, Rinisë dhe Sportit organizon një ceremoni solemne në të cilën do të bëjë ndarjen e Çmimit Kombëtar për Veprimtari Jetësore “Niketë Dardani” për vitin 2017 dhe çmimeve tjera vjetore për muzikë. (Kabineti i ministrit, ora 11:00)

- Ministri i Ministrit të Arsimit, Shkencës dhe Teknologjisë, Shyqiri Bytyqi raporton para Komisionit për të Drejtat, Interesat e Komuniteteve dhe për Kthim lidhur me çështjen e regjistrimit të pjesëtarëve të komunitetit shumicë për vendet e rezervuara të studentëve të komunitetit joshumicë dhe vendeve të rezervuara në Qendrën e Studentëve. (Ndërtesa e Kuvendit, salla N204, ora 11:00)

- Ministri i Infrastrukturës Pal Lekaj merr pjesë në përurimin e rrugës  Gjakovë-Ponoshec dhe fillimin e punimeve në rrugën Smolicë-Nivokaz. (Ura e Erenikut në dalje të Gjakovës, ora 11:00)

- Mbahet mbledhja e Komisionit për Mbikëqyrjen e Financave Publike në të cilën do të behë shqyrtimi dhe miratimi i rekomandimeve nga raporti i auditimit për Pasqyrat Vjetore Financiare të Stacionit të Autobusëve Prishtinë. (Ndërtesa e Kuvendit, salla N 225, ora 11:00)

- Komisioni për Shëndetësi, Punë dhe Mirëqenie Sociale i Kuvendit të Kosovës, do ta vizitoj Kliniken e Onkologjisë në QKUK, dhe do të takohet me Ekrem Hyseni, drejtor i klinikes. (Kliniken e Onkologjisë, ora 11:30)

- Bëhet promovimi i librit monografik “Nëna ime Mihane Lama” i gjeneralit të mirënjohur, Kudusi Lama. (Instituti Albanologjik, ora 12:00)

- Ministria e Tregtisë dhe Industrisë do të bëj asgjësimin e lodrave të konfiskuara nga inspektorati i MTI-së.  (Kishnicë, Komuna e Graçanicës, ora 13:00)

- Qendra për Paqe dhe Tolerancë në përkrahje nga OSBE dhe në bashkëpunim me Komunën e Gjilanit dhe me shkollat e mesme në këtë komunë, organizon aktivitetin e pastrimit të Parkut të Qytetit në Gjilan. (Parku i Qytetit në Gjilan, ora 13:00)

- Let’s Do It Kosova në bashkëpunim me Organizatën “Paqja studentore” organizojn aksion pastrimi në hapësirat e Kampusit të Universitetit të Prishtinës “Hasan Prishtina”. (Kampusi i Universitetit të Prishtinës, ora 13:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin e varrezave të heronjve  në Dubovikë. (Dubovikë, pra 15:30)

- Organizata për Rritjen e Cilësisë në Arsim bën publikimin e analizës për menaxhimin e financave lidhur me pagesat që i bëhen stafit akademik në UP. (Hotel Sirius, ora 15:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin memorial "Dëshmorët e Kombit" në Gllogjan. (Gllogjan, ora 16:00)

- Brendi vendor i veshjeve për gra dhe burra Mr.Rex në bashkëpunim me rrjetin e grave të Kosovë organizon mbremja e bamirësisë për gruan me ç’rast në event do mblidhet një donacion i cili do t’iu shkojë në ndihmë grave të prekura nga kanceri I gjirit. (Hotel Emerald, ora 18:00)