22 Shkurt 2019

Qendra e trajnimit në KEK me mbi 1000 kandidat në vit

Prishtinë, 3 dhjetor - Qendra  Trajnimeve në KEK fillimisht është themeluar vetëm për  zhvillimin e kapaciteteve të korporatës, pra për nevojat e punëtorëve. Mirëpo me zhvillimin e kapaciteteve të Qendrës tani ofrohen trajnime për lëmi të ndryshme edhe për të gjithë kandidatët e interesuar të Kosovës.

“Trajnimi që ofron kjo Qendër mundëson që kandidatët të zhvillojnë pjesën praktike të elektrikes, pra kandidati mund ti prekë gjërat, ta sheh punën e tij dhe çdo karakteristikë të çdo elementi elektrik si funksionon” u shpreh trajneri Avdullah  Mehmeti.

Ndërsa, udhëheqësi I Qendrës së Trajnimeve të KEK-ut, Safet Ymeri sqaroj procedurat për ata të cilët janë të interesuar  për tu bërë pjesë e këtyre kurseve, pjesë e të cilave brenda vitit janë mesatarisht 1000 -1200 kandidat.

“Fillimisht bëhet kërkesa për trajnim, të cilën stafi menaxhues i Qendrës  e analizon dhe i përgatit ofertë kërkuesit, dhe nëse pajtohen atëherë nënshkruhet kontrata për mbajtjen e trajnimit i cili zgjat 2 deri në 3 javë, varësisht prej moduleve sepse janë të shumëllojshme.

Pas përfundimit të suksesshëm të trajnimit e që vlerësohet nga stafi menaxhues,  kandidatët i nënshtrohen testit përfundimtar ku duhet të arrijnë kalueshmërinë në mënyrë që të pajisen me certifikatë e cila pastaj miratohet në autoritetin kombëtar të kualifikimeve."

"Për më tepër certifikatat  pranohen edhe në nivel ndërkombëtar për shkak të bashkëpunimit të kësaj Qendre me organizata ndërkombëtare siç është kompania Amerikane HEVICERT, dhe bashkëpunimi me odën gjermane në Dortmund”, vazhdoj Ymeri.

Qendra e Trajnimeve në KEK, pavarësisht se ka një numër të konsiderueshëm të interesuarve, ka kapacitet për të pranuar edhe më shumë kandidat sepse është e vetmja në rajon  të cilës i njihet certifikata edhe jashtë kufijve.

 

Kalendari

Ngjarjet e datës 22 shkurt 2019  - Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të​ takohet me Kryetarin e Federatës së Shahut, Nysret Avdiu (Objekti i Kryeministrisë, kati VIII, zyra 806, ora 8:30)

-  Kryetari i Odës Ekonomike të Kosovës, Berat Rukiqi, Shefi i Ambasadës Japoneze në Kosovë, Mitsunori Ogasawara dhe Drejtori gjeneral i kompanisë Jetro Vjenë, Satoshi ABE vizitojnë kompaninë Gjirafa. (Kompania Gjirafa, Dragodan, ora 9:30)

- Let’s Do It do të mbajë konferencën “Efiçienca e energjisë dhe Ruajtja e ujit”, në bashkëpunim me Oden e Gjelbër Ekonomike te Amerikës. (Hotel Swiss Diamond, ora 10:00)

- Koordinatori  Nacional për Kulturë, Rini dhe Sport në Qeverinë e Republikës së Kosovës Rexhep Hoti do të mbajë takim me drejtorët e shkollave të komunitetit boshnjak në Komunën e Prizrenit ku do të prezantohet Programi Nacional për Rininë. (Drejtoria Komunale e Arsimit, Prizren, ora 10:00)

- Mbahet mbledhja e komisionit për Mbikëqyrjen e Financave Publike në të cilën do të shqyrtohet raporti i auditimit për pasqyrat vjetore financiare të ZKM-së, etj. (Ndërtesa e Kuvendit, salla N 302, ora 10:00)

- Ministrja e Integrimit Evropian, Dhurata Hoxha, mban konferencë për media. (Ndërtesa e Qeverisë, ora 11:00)

- Ministri i Kulturës, Rinisë dhe Sportit, Kujtim Gashi i shoqëruar nga kryetari i Komunës se Rahovecit, Smajl Latifi do të vizitojë Palestrën e Sportit, ku do të shohë punimet e realizuara deri më tani në këtë objekt sportiv, projekt kapital në të cilin MKRS-ja ka investuar. (Komuna e Rahovecit, ora 11:00)

- Mbahet debati publik me temën 'Transparenca e punës së komunës së Graçanicës'. (Qendra Mediale në Çagllavicë, ora 11:00)

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet projektligjit për pijet e forta alkoolike, etj. (Ndërtesa e Kuvendit, salla N 303, ora 11:00)

- Ambasada Norvegjeze në Prishtinë, IPKO Foundation dhe RIT Kosova organizojn ngjarjen për projektin KosLift i cili ka për qëllim të mbështesë deri në 1000 student të Universitetit të Prishtinës dhe RIT Kosovë si dhe 60 biznese kosovare në sektorët e energjisë, TIK-ut dhe prodhimit në ngritjen e aftësive të nevojshme dhe kapaciteteve për të rritur konkurrueshmërinë e tyre në sektorin e biznesit në Kosovë dhe rajon. (Residenca Norvegjeze në Fshatin Ndërkombëtar, ora 12:00)

- Lëvizja Vetëvendosje mban konferencë për media. (Zyret qendrore të Vetëvendosjes, ora 13:00)

- Koordinatori Nacional për Kulturë, Rini dhe Sport në Qeverinë e Republikës së Kosovës Rexhep Hoti i shoqëruar nga Drejtori Komunal i Arsimit, Agim Blakçori do të vizitojë shkollat “Ibrahim Rugova”, “Naim Frashëri”, dhe “Aleksandër Xhuvani”, në Podujevë për të përcjellë mbarëvajtjen e garës. (Podujevë, ora 13:30)

- Kryeministri Ramush Haradinaj vizitë pune në Komunën e Mamushës. (Fshati Mamushë, ora 14:00)

- Kryeministri Ramush Haradinaj viziton disa sera në Komunën e Mamushës. (Fshati Mamushë, ora 14:40)

 - Kryeministri Ramush Haradinaj vizitë pune kompanisë “Liri” në Prizren. (Prizren, ora 17:00)