23 Tetor 2018

Qendra e trajnimeve në KEK, me standarde ndërkombëtare

Prishtinë, 8 tetor - Qendra e trajnimeve në Korporatën Energjetike të Kosovës (KEK) posedon laborator, simulator për makineri të rënda, pajisje të tjera për pjesën praktike dhe trajner me licenca ndërkombëtare.

Si rrjedhim, kjo qendër ofron disa lloje të trajnimeve profesionale sipas standardeve më të larta ndërkombëtare, një ndër këto trajnime profesionale është edhe saldimi i cili është shumë i kërkuar si në Kosovë po ashtu edhe në rajon.

Janë disa nga punëtorët e KEK-ut të cilët po trajnohen në mënyrë që të marrin certifikata për saldues profesional.

Muharrem Shala, i cili tërë jetën e kaloj duke i shërbyer  Korporatës pohoj se trajnimi ia bëri të  mundur të mësoj shumë më mirë saldimin.

Ai tha se “hapat e parë i kamë marrë këtu në Qendrën  e Trajnimit e cila më ka dhënë  njohuri shumë të mëdha” Ai po ashtu  tregon se  gjatë trajnimit mësohet edhe siguria në punë e cila është shumë e nevojshme për punën e salduesit.

“Për siguri në punë i  kem të gjitha pajisjet, si helmetën, teshat mbrojtëse, maskën që saldojmë,  dorëzat  mbrojtëse dhe të gjitha pajisjet që janë të nevojshme” ka shtuar Shala.

Sipas trajnerëve kjo qendër ka trajnuar mbi 150 kandidatë të interesuar të cilët më pas edhe janë certifikuar,  ata që duan të jenë pjesë e këtij kursi duhet së pari të kenë një bazë njohurie.

“Kemi trajnuar rreth 150 -  200 saldues  deri më  tani, në trajnim  kanë  marrë pjesë kryesisht  punëtorë të KEK-ut,  por në kohën e fundit marrin pjesë edhe saldues të kompanive tjera, paraprakisht bëjmë  vlerësimin e kandidatëve për me ditë çfarë niveli të shkathtësive dhe njohurie ata kanë, pastaj  e përzgjedhim një kurs saldimi që ju përshtatet nevojave të  tyre aty ku punojnë” ka thënë trajneri Remzi Selimi.

Me zhvillimin e kësaj qendre tani po u mundësohet trajnimi profesional të gjithë kandidatëve të interesuar në Kosovë, theksojnë udhëheqësit e qendrës.

“Qendra  Trajnimeve në KEK është hapur në vitin 2005, në fillim kjo qendër ka pas për qëllim vetëm  zhvillimin e kapaciteteve të korporatës, pra, për nevojat e punëtorëve të KEK-ut. Mirëpo me zhvillimin e qendrës ne  kemi filluar të ofrojmë trajnime për të gjithë kandidatët e interesuar të Kosovës."

"Në këtë drejtim, vlen të theksohet se ne jemi në bashkëpunim me odën gjermane të Dortmundit dhe sipas kërkesës së kandidatëve në lëshojmë edhe certifikata  ndërkombëtare sipas DVS” theksoi Skender Berisha, koordinatori i kësaj qendre.

Qendra e Trajnimit gjendet në Kastriot dhe për qëllim nuk ka vetëm trajnime në saldim por edhe në shumë profile të  tjera profesionale e të cilat janë shumë të kërkuara si në Kosovë po ashtu edhe në rajon.

Kalendari

Ngjarjet e datës 23 tetor 2018  - Presidenti i Republikës së Kosovës, Hashim Thaçi, pret në takim deputetin e Parlamentit të Gjermanisë, Peter Beyer. (Kabineti i Presidentit, ora 9:00 - vetëm pamje)

- Ministri i Mbrojtjes të Malit të Zi, Predrag Boshkoviç viziton Ministrinë për Forcën e Sigurisë të Kosovës. (Ministria për Forcën e Sigurisë të Kosovës në Prishtinë, ora 9:25)

- Misioni i OSBE-së organizon punëtori për gazetarët me titull mediat në gjykatore në Gjykatat Themelore. (Gjykata Themelore në Prizren, ora 9:30)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të behët formimi i grupeve punuese për Projektligjin për Ministrinë e Mbrojtjes, Projektligjin për Forcën e Sigurisë së Kosovës dhe Projektligjin për Shërbimin në Forcën e Sigurisë së Kosovës. (Ndërtesa e Kuvendit, salla N204, ora 10:00)

- Presidenti i Republikës së Kosovës, Hashim Thaçi pret në takim zëvendës-ndihmës sekretarin e shtetit amerikan, Matthew Palmer.  (Kabineti i Presidentit, ora 10:00 - vetëm pamje)

- Me rastin e vizitës së zotit Peter Beyer, deputet në Bundestag, në Kosovë, Ambasada Gjermane organizon një takim me gazetarë. (Ambasada Gjermane, ora 10:00)

- Policia e Kosovës organizon hapjen e  fushatës së titulluar “Dhuna nuk arsyetohet”.  (Sheshi ”Zahir Pajaziti”, ora 10:00)

 - Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të behët shqyrtimi i propozimit për mbështetjen e punës së AKI-së. (Ndërtesa e Kuvendit, salla N 10, ora 10:00)

- Grupi për Studime Juridike dhe Politike organizon panelin e diskutimit me temë “Performanca e sistemit gjyqësor dhe prokurorial sipas këndvështrimit dhe vlerësimit të qytetarëve". (Hotel Swiss Diamond, ora 10:30)

- Kryeministri i Republikës së Kosovës pret në takim zëvendës ndihmës Sekretarin e Shtetit Amerikan, Matthew Palmer. (Ndërtesa e Qeverisë, ora 10:45)

- Ministri për Forcën e Sigurisë të Kosovës, Rrustem Berisha dhe Ministri i Mbrojtjes të Malit të Zi, Predrag Boshkoviç mbajnë konferencë për media. (Ndërtesa e Ministrisë se FSK-së, ora 10:50)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Propozim - vendimit të Qeverisë për kandidatet për kryesues të Bordit të ZRRE-së. (Ndërtesa e Kuvendit, salla N 303, ora 11:00)

- Instituti Demokratik i Kosovës mban konferencën për media në të cilën do të paraqiten rekomandimet e KDI-së, lidhur me të drejtat e punëtorëve në sektorin privat dhe rreziqet me të cilat përballen në vendin e punës. (Zyrat e KDI-së, ora 11:00)

- Presidenti i Republikës së Kosovës, Hashim Thaçi, pret në takim Ministrin e Mbrojtjes të Malit të Zi,  Predrag Bošković. (Kabineti i Presidentit, ora 11:20 - vetëm pamje)

- Drejtoria Rajonale e Policisë në Pejë mban onferencën për media e cila i dedikohet rastit të ndodhur në fshatin Studenicë të Komunës së Istogut, vizita e pelegrinëve serb. (Drejtoria Rajonale e Policisë - Pejë  ora 13:00)

- Qendra për Paqe dhe Tolerancë në përkrahje nga OSBE dhe në bashkëpunim me Komunën e Vitisë dhe me shkollat e mesme në këtë komunë organizon aktivitetin e pastrimit të Parkut të Qytetit në Viti. (Parku i Qytetit në Viti, ora 13:00)

 - Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi i kërkesave të Këshillit Gjyqësor të Kosovës dhe Këshillit Prokurorial të Kosovës lidhur me Projektligjin për Pagat dhe Zyrtarët Publik. (Ndërtesa e Kuvendit, salla N204, ora 13:00)

- Lëvizja Vetëvendosje mban konferencë për media. (Zyrët qendrore të Vetëvendosjes, ora 14:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 14:00)

- Mbahet ceremonia e diplomimit të gjeneratës së parë të Shkollës së Lartë Profesionale - Cacttus Education. (Hotel Sirius, ora 15:00)