13 Prill 2021

Numër i madh i projekteve të KEK-ut në ndryshimin e gjendjes në ambient

Prishtinë, 2 mars - Me gjithë vështirësitë e trashëguara nga e kaluara, Korporata Energjetike e Kosovës po vazhdon të ketë pjesë të rëndësishme të saj, investimet e vazhdueshme në përmirësimin e ambientit.

Dhe ky vit pritet të jetë i mbushur me realizimin e një numër të madh të projekteve, përmes të cilave do të ndryshohet rrënjësisht pamja e rëndë e krijuar për dekada.

Drejtori i njësisë për menaxhimin e projekteve mjedisore dhe rikultvim të tokave, Rasim Veseli ka thënë se në bashkëpunim me Qeverinë e Kosovës dhe me donatorët e ndryshëm do të vazhdojnë edhe këtë vit investimet në përmirësimin e ambientit, i cili do të kthehet në shfrytëzim të banorëve.

Ai ka bërë të ditur se në një nga shumë projektet e rëndësishme që KEK-u parashikon ta realizoj këtë vit është shndërrimi i deponisë në fshatin Balaj që shtrihet në një hapësirë 90 hektarëshe në një zonë atraktive si për qytetarët ashtu edhe për prodhimin e energjisë së pastër nga KEK-u.

"Sipërfaqja e tërësishme e këtyre tri fushave ku mendohet të vendosen panelet solare, është afërsisht 25 hektarë dhe me këtë mendojmë të gjenerojmë një sasi të konsiderueshme të energjisë elektrike, pa u bazuar në qymyrin ose linjitin, të cili naktualisht e bëjmë si KEK", deklaroi Veseli.

Projekt tjetër që pritet të realizohet këtë vit është brezi i gjelbër në Obiliq.

Përmes këtij projekti do t'i mundësohet Komunës së Obiliqit që të mbjellë drunj, shtigje bicikletash dhe ecjesh për njerëz.

Një projekt tjetër me rëndësi është edhe zgjidhja përfundimtare që do t'i jepet deponisë së djerrinës dhe liqeni vasilevës që është në pronësi të KEK-ut.

"Me Komunën e Obiliqit, me Komunën e Drenasit dhe me Ministrinë e Ekonomisë dhe Ambientit, në mënyrë që ti shohim edhe planet e tyre zhvillimore në atë hapësirë. Edhe këtu është ideja që këto sipërfaqe të valorizohen për KEK-un, sikurse është djerrina në Palaj. Për shkak se sipërfaqja aq e madhe është potencial për të krijuar të hyra. Varësisht se cila do të jetë zgjidhja projektuese për liqenin, do të shohim tani se cila do të jenë mundësitë për të shikuar valorizimin si pasuri e cila është në pronësi të KEK-ut", tha tutje Veseli.

Ai ka bërë të ditur se falë bashkëpunimit me qeverinë dhe donatorët, është arritur që 259 hektarë të deponisë së hirit të Termocentealit Kosova A të mbulohet tërësisht.

Gjithashtu deponia do të trajtohen edhe rreth 17 hektar në kuadër të fazës së parë, ndërsa synohet që deri në finalizim të saj, të trajtohen rreth 80 hektarë të sipërfaqes së djerrinës në Dardhshtë.

Në bashkëpunim me Komunën e Obliqit po punohet në treajtimin e 20 hektarëve që gjenden përballë hyrjes së Termocentralit Kosova A, ku rreth 60% të sipërfaqes do të gjelbërohet, kurse pjesa tjetër do të ketë hapësira të ndryshme rekreative dhe pellgje ujore.

Një projekt shumë me rëndësi është ai i nisur me Komisionin Evropian për dekomisionimin e tri fabrikave: e azotikut, gazifikimit dhe ngrohtorja, që shtrihen në rreth 60 hektarë.

Po ashtu pritet të nis edhe trajtimi i mbetjeve me përmbajtje të azbestit dhe i vajrave me bifenile të poliklonuara.

Kalendari

Ngjarjet e datës 13 Prill 2021

- Mbahet mbledhja e Komisionit për Ekonomi, Industri, Ndërmarrësi dhe Tregti në të cilën do të behët konstituimi i Komisionit. (Ndërtesa e Kuvendit, salla N303, ora 10:00)

- Mbahet seanca gjyqësore kundër të pandehurit Basri Maksuti për vepren penale 'Falsifikimi i rezultateve të votimit'. (Gjykata Themelore në Ferizaj, ora 10:00)

- Mbahet mbledhja e Komisionit për Qeverisje Lokale, Zhvillim Rajonal dhe Media në të cilën do të behët konstituimi i Komisionit. (Ndërtesa e Kuvendit, salla N204, ora 10:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N302, ora 10:00)

- Rolling Film Festivali i cili organizohet nga OJQ Roma Versitas Kosovo dhe Romawood mban konferencën për media. (Kino Armata, ora 11:00)

- Mbahet mbledhja konstituive e komisionit për Integrim Evropian. (Ndërtesa e Kuvendit, salla N10, ora 11:00)

- Mbahet mbledhja konstituive e komisionit për Shëndetësi. (Ndërtesa e Kuvendit, salla N302, ora 11:00)

- Fondi i Sfidave të Kosovës organizon eventin online për shpalljen e thirrjes së parë për shprehje interesi, në mbështetje të projekteve të trajnimit bashkëpunues. (Platforma Zoom, ora 11:00)

- Akademia Diplomatike e Ministrisë së Punëve të Jashtme dhe Diasporës dhe Ambasada e Republikës së Francës në Republikën e Kosovës, nënshkruajnë Memorandum Mirëkuptimi. (Ministria e Punëve të Jashtme dhe Diasporës, ora 11:30)

- Mbahet mbledhja konstituive e komisionit për Bujqësi, Pylltari, zhvillim Rural, Mjedis dhe Infrastrukturë. (Ndërtesa e Kuvendit, salla N303, ora 13:00)

- Partia Liberale Egjiptiane do të dorëzojë ankesë në Gjykatën Kushtetuese lidhur me te drejtën e tyre të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit Serb në zgjedhjet e parakohshme të 14 Shkurtit. (Gjykata Kushtetuese, ora 13:00)

- Mbahet mbledhja konstituive e komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N302, ora 13:00)

- Aleanca Kosovare e Bizneseve mban konferencën për media lidhur me një studim hulumtues për qytetarët kosovar që vizituan Shqipërin dhe Malin e Zi, si pasojë e kufizimit dhe mbylljes në Kosovë e që këto patën pasoja ekonomike dhe financiare për vendin tonë. (Zyret e AKB-së, ora 13:30)