24 Mars 2019

Nga sot nis ngritja e temperaturave

Prishtinë, 2 mars - Pas kësaj vale të acart të këtyre ditëve të fundit të muajit shkurt, vendi ynë do të ndikohet nga masat e ajrit me origjinë nga juglindja, të cilat do të ndikojnë në ngritjen e temperaturave në të dy vlerat ekstreme.

Kështu ka bërë të ditur Instituti Hidrometeorologjik i Kosovës sipas të cilit shtypja atmosferike do  të shënoj rënie duke i ruajtur vlerat e normales.

Kjo situatë ndryshe e motit do të jetë gjithnjë në  përmirsim sa i përket gjendjes termike.  Temperaturat  minimale do të lëvizin ndërmjet -5 deri-3 gradë Celsius.

Ndërsa maksimalet e ditës parashihet të lëvizin nërmjet 3-4 gradë Celsius. Këto vlera të temperaturave  pozitive do të ndikojnë në shkrirjen e ngadalshme të borës gjatë ditës derisa gjatë natës dukuria e shkrirjes do të jetë më e ngadalt  meqë do të ketë vlera negative të temperaturave.

Moti do të mbetet kryesisht i vranët dhe kohë pas kohe do të ketë reshje shiu dhe bore të intensitetit të dobët deri mesatar, kurse në viset malore parashihet të ketë reshje bore të intensitetit të dobët. 

Në mëngjes do të ketë ngrica të cilat do të vështirësojnë komunikacionin  kurse në shumë territore do të paraqitet edhe mjegulla si dukuri meteorologjike.

Kalendari

Ngjarjet e datës 24 mars 2019

- Kryeministri Ramush Haradinaj në kuadër të manifestimit qendror “Epopeja e Dukagjinit”, bënë homazhe në Kompleksin Memorial në Gllogjan. (Gllogjan, ora 10:00)

- Në 20 vjetorin e rënies së atdhetarëve Prof. Latif Berisha dhe Agim Hajrizi, Kryesia e LDK-së bashkë me Kryetarin e Degës së LDK-së në Mitrovicë, Safet Kamberi dhe struktura të degës, bëjnë homazhe te varri i Prof. Latif Berisha. (Fshati Smrekonic, ora 11:00)

- Presidenti i Republikës së Kosovës, Hashim Thaçi, merr pjesë në manifestimin shtetëror “Epopeja e UÇK-së në Dukagjin”. (Gllogjan, ora 12:00)

- Kryeministri Ramush Haradinaj merr pjesë në tubimin qendror në përkujtim të Betejës së Gllogjanit dhe të gjithë dëshmorëve dhe të rënëve për liri. (Gllogjan, ora 12:00)