17 Korrik 2019

MZHE e angazhuar që të eliminon humbjet në rrjetin e ujësjellësve

Prishtinë, 8 nëntor - Ministri i Zhvillimit Ekonomik, Vladrin Lluka, po merr pjesë në Konferencën dhe Ekspozitën Ballkanike për Ujra dhe Kanalizime “Uji dhe Natyra”, që po mbahet në Tiranë dhe e cila u organizua nga Shoqata e Ujësjellësit dhe Kanalizimit të Kosovës dhe Shoqata e Ujësjellësit dhe Kanalizimit të Shqipërisë.

Në hapje të konferencës, Ministri Lluka ka shpalosur projektet të cilat po realizohen në këtë sektor në Kosovë dhe reformat e ndërmarra, me theks të veçantë në regjionalizimin dhe konsolidimin e tërëisishëm të sektorit të ujërave dhe kanalizimeve.

Ministri Lluka, ka theksuar se një ndër prioritet e Ministrisë që ai drejton, është që të bëhet eliminimi i humbjeve në rrjetin e ujësjellësit, si dhe realizimin e impianteve për trajtimit e ujërave të zeza.

“Ne po anagzhohemi që të bëhet eliminimi i tërëisishëm i humbjeve në rrjetin e ujësjellësve dhe në krijimin e rezervourve natyrorë për ruajtje dhe mbledhjen e ujit, është prioritet kjo çështje marrë në konsideratë se uji është resursë jo i mjaftueshëm për plotësimin e nevojave njerëzore gjithandej globit, po ashtu po punohet edhe në realizimin e impianteve për trajtimin e ujërave të zeza”, u shpreh Ministri Lluka.

Tutje, Ministri Lluka tha se prioritet i tij tjetër në këtë sektor është investimi në ngritje e kuadrove profesionale të cilët do të jenë të aftë të realizojnë projekte dhe mirëmbajnë investimet e deritanishme duke vlerësuar se thellimi i bashkëpunimi me Shqipërinë në këtë drejtim për krijimin e programeve profesionale certifikuese të përbashkëta të bazuar në standardet më të larta evropiane është në interesin e të dyja palëve.

Gjatë kësaj konference, u bë edhe nënshkrimi i memorandumit të mirëkuptimit në mes  Ministrit Lluka dhe të parit të Ministrisë së Infrastrukturës dhe Energjisë së Shqipërisë, Damian Gjiknuri, memorandum ky i cili ka për qëllim krijimin e një programi të përbashkët për Trajnimin dhe Certifikimin me qëllim të rritjes së aftësive të fuqisë punëtore në sektorin e ujërave.

Të dy Ministrat vlerësuan lart rëndësinë e krijimit të këtij programi i cili do të unifikojë aftësitë dhe njohuritë e kërkuara për fuqinë punëtore bazuar në praktikat më të mira të Bashkimit Evropian.

 

Kalendari

Ngjarjet e datës 17 korrik 2019 - Koalicioni i OJQ–ve për Mbrojtjen e Fëmijëve në Kosovë organizon konferencë të jashtëzakonshme për media lidhur me rastin e fundit i vdekjes së fëmijës në rrethana të dyshimta në Fushë Kosovë. (Hotel Sirius, ora 10:00)

- Lansohet Plani i Integritetit të Ministrisë së Mbrojtjes të Republikës së Kosovës. (Ndërtesa e Ministrisë se Mbrojtjes, ora 10:00)

- Me rastin e shënimit të “Epopesë së Korrikut 1998’’ në Rahovec, Komuna e Rahovecit do të bëj homazhe dhe ndërim për të rënet. (Rahovec, ora 10:00)

- Kryetari i Gjykatës Themelore të Gjilanit, Ramiz Azizi do të mbajë konferencë për media. (Objekti i Gjykatës Themelore në Gjilan, Kati i III, Salla 306, ora 10:30)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi mban dëgjim publik lidhur me mbikëqyrjen e zbatimit të Ligjit për Trashëgiminë Kulturore. (Ndërtesa e Kuvendit, salla C 203, ora 11:00)

- Policia e Kosovës do të mbajë një konferencë për media, ku do prezantohet raporti gjashtëmujor  janar-qershor 2019 duke u fokusuar edhe në aktivitetet më të rëndësishme të policisë gjatë kësaj periudhe. (Stacioni policor Qendra në Prishtinë, ora 11:00)

- Kryeministri Ramush Haradinaj pret në takim Azgan Haklaj, president i Unionit Artistik të Kombit Shqiptar. (Ndërtesa e Qeverisë, ora 11:00)

- Ministria e Tregtisë dhe Industrisë organizon panairin “Gratë në Biznes dhe artizanate tradicionale” në të cilin do të marrin pjesë rreth 32 biznese dhe shoqata të grave ndërmarrëse nga komunitete të ndryshme të Kosovës. (Sheshi “Para Teatrit” në Gjilan, ora 11:00)      
 
- Ministria e Infrastrukturës dhe Transportit në bashkëpunim me Policinë e Kosovës lanson fushatën vetëdijësuese “10 Rregullat e Arta të Sigurisë Rrugore. (Pika kufitare e Merdares, ora 11:00)

- Partia Socialdemokrate mban konferencë për media. (Zyrët qendrore të PSD-së në lagjen Arbëria, ora 11:30)

- Komuna e Rahovecit organizon akadmi përkujtimore me rastin e 21 vjetorit shënimit të “17 korrikut - Epopesë së Rahovec’’. (Shtëpia e Kulturës 'Mentor Zyberaj" në Rahovec, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.48. (Hoteli Grand, ora 12:30)

- Mbledhja e komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për Inspektoratin e Punës. (Ndërtesa e Kuvendit, salla N 303, ora 13:00)

- Komuna e Rahovecit organizon dëgjim publik për përgatitjen e buxhetit për vitit 2020 më banorët e fshatit Hoçë e Madhe. (Shtëpia e Kulturës në fshatin Hoçë e Madhe, ora 14:00)

- Kryeministri Ramush Haradinaj zhvillonë një vizitë pune në Komunën e Malishevës. (Malishevë, ora 15:00)

- Komuna e Rahovecit organizon dëgjim publik për përgatitjen e buxhetit për vitit 2020 më banorët e lagjeve III- dhe IV të qytetit të Rahovecit. (Shkolla fillore “Isa Boletini” në Rahovec, ora 19:00)