10 Dhjetor 2018

Mungesa e Energjisë Elektrike është duke dëmtuar rëndë bizneset

Prishtinë, 20 nëntor - Ndër shumë probleme me të cilat përballen bizneset e kësaj komune ishin mungesa madhe e energjisë elektrike e cila po i shkakton humbje të mëdha bizneseve, mungesa e të mbjellave vjen si pasoj e mungesës së subvencioneve për bujqit, u tha ndër të tjera në takimin që Oda e Afarizmit të Kosovës realizoi me Kryetarin e Komunës së Malishevës, Ragip Begaj.

Gjatë takimit anëtari i Bordit të OAK, Hysni Zogaj falënderoi Kryetarin Ragip Begaj për pritjen dhe i prezantoi atij shërbimet dhe aktivitetet që Oda e Afarizmit të Kosovës ofron.

Në anën tjetër Kryetari i Komunës së Malishevës Ragip Begaj, e përgëzoi Odën e Afarizmit të Kosovës për misionin e saj të rëndësishëm dhe për vizitën atje. Z.Begaj ndër shumë probleme me të cilat përballen bizneset e kësaj komune theksoi si problem qenësor mungesën e madhe të energjisë elektrike e cila po u shkakton humbje të mëdha bizneseve. Njëherësh, kryetari potencoi se nuk ka të mbjella ngase mungojnë subvencionet për bujqit.

Zogaj u interesua edhe për çështje të tjera të këaj komune, ndër to për numrin e vogël të femrave të punësuara në këtë komunë.

Lidhur me këtë, kryetari Begaj njoftoi që tani ka përmiresime dhe se janë punësuar 7 (shtatë) drejtore të reja femra në shkollat e Malishevës.

Ai po ashtu përmendi punësimin e tre personave me aftësi të kufizuara në Komunën e Malishevës, dy meshkuj dhe një femër.

Ndërsa Kryetarja e Shoqatës së Bizneseve të Komunës së Malishevës, Adelina Berisha shprehi shqetësimin për vjedhjen që po i bëhet kohët e fundit bizneseve në këtë anë.

Në fund të këtij takimi Komuna e Malishevës dhe Oda e Afarizmmit të Kosovës lanë të hapura mundësitë e bashkëpunimit.

Në këtë takim Oda e Afarizmit të Kosovës u përfaqësua nga: anëtari i bordit të OAK, Hysni Zogaj dhe zyrtaret Mirjeta Shala dhe Rreze Cana.

Kryetari njoftoi se për çështjen e vjedhjes së bizneseve kishte takuar Komandantin e Policisë, Hazir Berisha.

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Kompania vendore 'Produktet Natyrale të Kosovës' organizon ceremoninë e inaugurimit të linjës së re me teknologji të avancuar për përpunimin e farave të kungullit. (Fabrika 'Produktet Natyrale të Kosovës' në fshatin Loxhë në Pejë, ora 11:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)