20 Tetor 2018

MMPH merr mbështetjeje nga Ambasadori Zviceran për sektorin e ujërave

Prishtinë, 10 nëntor - Qeveria Zvicerane ka dhënë dhe vazhdon të jap një kontribut jashtëzakonisht të madh në sektorin e ujërave, vlerësoi Ministrja e Mjedisit dhe Planifikimit Hapësinor Albena Reshitaj gjatë takimit me ambasadorin e Zvicrës në Kosovë Jean-Hubert Lebet.

Ministrja Reshitaj pasi falënderoi Ambasadorin Lebet për përkrahjen, sidomos në sektorin e furnizimit me ujë të pijshëm dhe trajtimit të ujërave të zeza, prezantoi prioritetet e ministrisë që ajo drejton, ku nga aspekti i mbrojtjes së resurseve ujore padyshim vend të veçantë zë edhe ndërtimi i impianteve për trajtimin e ujërave të zeza. 

"Përmes këtyre impianteve ne mbrojmë mjedisin nga ndotja dhe mbrojmë florën e faunën nga rrezikimi që atyre u bëhet nga shkarkimi i efluentëve në resurse ujore", vlerësoi ministrja Reshitaj.

Nga ana tjetër Ambasadori Lebet duke përgëzuar ministren për përkushtimin e saj në mbrojtje të mjedisit dhe gatishmërinë për bashkëpunim, potencoi që Zvicra ka investuar dhe po investon mjaft shumë në sektorin e ujërave, dhe falë bashkëpunimit me institucionet e Kosovës është arritur që të kemi furnizimin të ujit të pijshëm pothuajse te 90 % të qytetarëve të Kosovës.

Të dy palët u zotuan që të intensifikojnë bashkëpunimin në realizimin e projekteve konkrete në krijimin e një mjedisi të pastër në Kosovë. 

Kalendari

Ngjarjet e datës 20 tetor 2018 - Kryeministri Ramush Haradinaj pret në takim ministrin e Punëve të Jashtme të Turqisë, Mevlut Çavusoglu. (Ndërtesa e Qeverisë, ora 9:00)

- Oda e Fizioterapeutëve të Kosovë organizon ditë e dytë të Kongresit e I-rë Ndërkombëtar të  Fizioterapisë në Kosovë. (Hotel Emerald, ora 10:00)

- Aleanca Franceze e Prishtinës mirëpret një ekspozitë me titull "Studio Alix: një shekull fotografi të Pireneve", e propozuar nga shoqata franceze "Écrits de lumière". (Aleanca Franceze në Prishtinë, rruga Lah Nimani, ora 11:00)

- Zëvendëskryeministri i Kosovës, Fatmir Limaj, merr pjesë në vënien e gurthemelit të Qendrës së Banimit Social në Malishevë. (Lagjja Mirëdita në Malishevë, ora 14:00)

- Kryeministri Ramush Haradinaj merr pjesë në përurimin e fillimit të punimeve të sheshit të Obiliqit. (Qendra e qytetit në Obiliq, ora 14:00)

- Kryetari i Nismës Socialdemokrate, Fatmir Limaj, mban nesër (e shtune) takim me strukturat drejtuese të degëve të Nismës në Malishevë, Suharekë dhe Rahovec. (Restaurant Bimi 3 në Malishevë, ora 15:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një masterclass rreth historisë së fotografisë shqiptare për studentët dhe fotografët. (Kino Armata, ora 16:00)

- Në edicionin e Festivalit Ballkanik të pjekjes dhe promovimit të rakisë, 'Rakia Fest', mbahet tribunë shkencore 'Rakia si mundësi e rritjes se mireqenjes se ekonomive familjare në viset e pasura me pemë. Investimet në funksion të joshjes së popu tës rurale për prodhimin artizanal të rakisë'. (Etnokompleksit të fshatit Kukaj, ora 12:00)