19 Nëntor 2019

MMPH mbështetë Skenderajn, Istogun, Vitin dhe Deçanin me tre milion euro

Prishtinë, 15 maj – Ministri i Mjedisit dhe Planifikimit Hapësinor, Fatmir Matoshi së bashku me kryetarët e komunave: Skenderaj, Istog, Viti dhe Deçan, kanë nënshkruar disa memorandume bashkëpunimi për realizimin e projekteve në fushën e mjedisit.

“Jam i përkushtuar që si ministër i një dikasteri të rëndësishëm për komunat dhe qytetarët, tu dal në ndihmë gjithë kryetarëve të komunave për t’i shtyrë përpara projektet që kanë të bëjnë me mjedisin. Vetëm gjatë vitit 2019, MMPH-ja  ka planifikuar 84 projekte që përfshijnë edhe komunat e Kosovës, e në mesin e këtyre edhe komunat Skenderaj, Istog, Viti e Deçan”, deklaroi ministri Matoshi.

Ministri Matoshi tha se këto projekte do të financohen nga Ministria e Mjedisit dhe Planifikimit Hapësinor në vlerë rreth 3 milion euro.

“Të gjitha këto projekte janë edhe një hap më shumë në angazhimin tonë të përbashkët për përmirësimin e gjendjes së mjedisit dhe ngritjen e mirëqenies së qytetareve të vendit. Besoj që këto projekte do të realizohen me kohe dhe do të kenë një menaxhim efikas nga komunat përkatëse”, u shpreh ministri Matoshi.

I pari i MMPH-së, Matoshi, kërkoi nga kryetarët e komunave një angazhim më të madh në fushën e mjedisit duke përfshirë dhe zbatimin e Udhëzimit Administrativ për ndëshkime me Gjoba Mandatore.

Projektet për të cilat u nënshkruan memorandumet e bashkëpunimit me komunën e Skenderajt janë: “ Kanalizimi në Bashkësinë Lokale Qirez-Likoc- Skenderaj”,  në  vlerë prej 230 mijë euro; “Kanalizimi në fshatin  Llaushë- Skenderaj”, në  vlerë prej 200 mijë euro; “Rregullimi i lumit Klina nga Fshati Kuqicë deri në Skenderaj”, në  vlerë prej 300 mijë euro; “Rrjeti i kanalizimit ne Prekaz-Mikushnicë-Skenderaj, në  vlerë prej 200 mijë euro.
Këtë vit MMPH  në Skenderaj realizon 7 projekte të cilat kapin vlerën rreth 1.5 milion euro.

Me komunën e Istogut janë nënshkruar dy marrëveshje për projekte: “Ndërtimi i parkut të qytetit në lokacionin e ish ndërmarrjes publike Radusha”, në vlerë prej 100 mijë euro dhe “Ndërtimi i  kanalit të ujitjes në fshatin Storadran”, në vlerë prej 100 mijë euro.

Ministri Matoshi me komunën e Vitisë ka nënshkruar memorandum bashkëpunimi për projektin ”Renovimi dhe ndërtimi i Infrastrukturës Mbrojtëse përgjatë lumit Morava e Binçes”, ku këtë vit do të ndahen 400 mijë euro.

Me komunën e Deçanit janë nënshkruar këto projekte : “ Kanalizimi i ujërave të zeza në zonën urbane në Deçan”, në vlerë prej 50 mijë euro; “Kanalizimi i ujërave të zeza në Rastavicë”, në vlerë prej 31 mijë e 500 euro; “Rregullimi i shtratit të Lumbardhit  në Deçan, në  vlerë prej 400 mijë euro dhe “Ndërtimi i shtratit të lumit në Irzniq në lagjet Berisha, Mushkolaj dhe Dodaj”, në  vlerë prej 50 mijë euro, për vitin buxhetor 2019.

Kryetari i Komunës së Skenderajt, Bekim Jashari, kryetari i komunës së Istogut, Haki Rugova, kryetari i komunës së Vitisë, Sokol Haliti dhe kryetari i komunës së Deçanit, Bashkim Ramosaj, falënderuan ministrin Matoshi për bashkëpunim dhe investim në fushën e mjedisit duke i vlerësuar këto projekte si të domosdoshme për komunat përkatëse dhe qytetaret e tyre.

 

Kalendari

Ngjarjet e datës 19 nëntor 2019 - Banka Qendrore e Republikës së Kosovës organizon konferencën ndërkombëtare të nivelit të lartë me titull: “Rreziqet dhe mundësitë në një sektor financiar dinamik-rruga zhvillimore”, që do të mbahet në kuadër të shënimit të 20 vjetorit të themelimit të BQK-së. (Hotel Swiss Diamond, ora 8:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të themelimit të BQK-së. (Hoteli Swiss Diamond, ora 9:00)

- Punëtorët teknik të qendrës studentore, punëtorët teknik të disa shkollave që menaxhohen nga komuna e Prishtinës, punëtorë teknik të Universitetit të Prishtinës, punëtorë të sigurimit fizik të UP-së dhe QMF-ve, punëtorët teknik të disa shkollave në Gjilan do të ndalin punën e tyre në shenjë pakënaqësie për pagën e tyre të ulët. (Protesta mbahet ne vendete e tyre te punës, ora 10:00)

- Komuna e Rahovecit mban mbledhjen e njëmbëdhjetë e rregullt e Komiteti për Politik dhe Financa. (Objekti i Komunës së Rahovecit, ora 10:00)

- Zyra e BE-së në bashkëpunim me Këshillin Gjyqësor të Kosovës do të organizojë një vizitë në Gjykatën Themelore në Prishtinë në të cilën do të diskutojë për zhvillimet dhe arritjet në operacionalizimin dhe digjitalizimin e bazës kombëtare të të dhënave të evidencës penale, e zbatuar nga Sistemi qendror kombëtar i evidencës penale. (Gjykata Themelore e Prishtinës, ora 10:15)

- Mbahet ceremonia e ndërrimit të komandës në mes të Komandantit në largim të KFOR-it, gjeneralmajor Lorenzo D’addario dhe Komandantit në ardhje të KFOR-it, gjeneralmajor Michele Risi. (Kampi i Shtabit të Përgjithshëm të KFOR-it Film City, ora 10:30 - mediet duhet të arrijnë tek Porta kryesore e Kampit Film City jo më vonë se ora 9:30)

- Presidenti Thaçi dhe Kryeministri në detyrë, Ramush Haradinaj, merr pjesë në ceremoninë e ndërrimit të Komandës së KFOR-it. (Film City, ora 10:25)

- Guvernatori i Bankës Qendrore të Republikës së Kosovës, Fehmi Mehmeti dhe Zëvendësdrejtori i Fondi Monetar Ndërkombëtar, Tao Zhang mbajnë konferencë për media. (Swis Diamand Hotel, ora 10:45)

- Zyra e UNICEF-it në Kosovë do të mbajë aktivitet me fëmijët në kuadër të shënimit te 30 vjetorit të Konventës për të Drejtat e Fëmijës. (Sheshin “Zahir Pajaziti”, ora 14:00)

- Kryeministri në detyrë, Ramush Haradinaj, pret në takim ministrin e Mbrojtjes të Italisë, Lorenzo Guerini. (Ndërtesa e Qeverisë, ora 14:00)

- Forumi për Iniciativa Qytetare FIQ organizon publikimin e analizës së Legjislacionit të Kosovës lidhur me Filantropinë dhe OJQ-të, me autor Qerkin Berisha. (Zyret e FIQ, Resource Center në Pejton, ora 14:00)

- Ambasadorja e Francës, Marie-Christine organizon pritje ku do të dekorojë znj.Blerta Zeqiri, ''Kalorëse në Urdhrin e Artit dhe Letërsisë''. (Rezidenca e Francës, ora 18:30)

- HANDIKOS organizon ceremoninë e hapjes së  ekspozitës me fotografi  “EmbraceMe-Kosovo”, me portrete nga jeta e nëntë personave nga Kosova, të punuara nga fotografja holandeze Karin Brongers. (Shtëpia e Evropës, ora 19:00)