28 Tetor 2020

MMPH dhe HABITAT ndihmojnë komunat rreth planifikimit hapësinor

Prishtinë, 18 prill -  Ministria e Mjedisit dhe Planifikimit Hapësinor, me përkrahjen e Programit  për Zhvillim Gjithëpërfshirës, implementuar nga UN-HABITAT, në partneritet me PAX dhe CBM, financuar nga Qeveria Suedeze, ka mbajtur punëtorinë e vizionimit dhe planifikimit urban për komunat: Zubin Potok, Mitrovicë Veriore, Zveçan dhe Leposaviq, e cila po mbahet në Ohër të Maqedonisë së Veriut.

Me qëllim të shkëmbimit të përvojave  në hartimin e dokumenteve të planifikimit urban, pjesëmarrëse  në cilësinë e mysafirëve ishin edhe komuna e Kamenicës dhe Graçanicës.

Në hapje të kësaj punëtorie, Sekretari i Përgjithshëm i Ministrisë së Mjedisit dhe Planifikimit Hapësinor, Arben Çitaku, së bashku me ekipin e MMPH-së, Leutrim Sahiti, Këshilltar Politik dhe Servet Spahiu, Drejtor i DPHBN, në emër të ministrit, Fatmir Matoshi falendëroi UN-Habitat-in  për përkrahjen që po i japin komunave të Kosovës në hartimin e dokumenteve të planifikimit hapësinor në nivel komunal dhe u shpreh që MMPH do të mbeshtesë çdo herë komunat e Kosovës në këtë fushë dhe në fusha tjera që mbulon Ministria e Mjedisit dhe Planifikimit Hapësinor.

Drejtorja e UN-HABITAT-it në Kosovë, Gwendoline Mennetrier, theksoi se kjo punëtori ndihmon komunat tona partnere të gjenerojnë ide inovative dhe konstruktive, në drejtim të zhvillimit të planeve të tyre komunale të komunave respektive.  Ajo vlerësoi që kjo punëtori  është një hap qenësor në rritjen efikase të ofrimit të sherbimeve për qytetarët e komunave respektive si dhe në forcimin e bashkëpunimit nderkomunal dhe nderinstitucional. Ajo në fund u shpreh e impresionuar me punën e tyre.

Në emër të komunave pjesëmarrëse,  foli drejtori i Urbanizmit në komunën e Mitrovicës Veriore, Dejan Krsmanovic  i cili falënderoi MMPH-në dhe UN-HABITAT-in për realizimin e kësaj punëtorie që sipas tij është mjaft e rendësishme në rrugen e tyre të hartimit të dokumenteve të planifikimit hapësinor, e cila në veçanti do të jap drejtimin e zhvillimit për planet zhvillimore komunale, vlerësimin strategjik mjedisor dhe hartat zonale.

Gjatë  kësaj punëtorie, komunat kanë marrë njohuri nga zyrtarë të MMPH-së dhe UN-HABITAT-it mbi  procedurat e hartimit të  dokumenteve të planifikimit, duke përfshirë planin zhvillimor komunal, harten zonale,vlerësimet strategjike mjedisore dhe planet tjera sektoriale.

Në kuadër të punëtorisë komunat kanë paraqitur vizionet, qëllimet, objektivat dhe aktivitetet e ndërlidhura me legjislacionin e Kosovës për planifikimin hapësinor, përfshirë banimin, infrastrukturën, ekonominë dhe mjedisin që ngerthejnë në vete edhe fusha tematike tjera.

 

Kalendari

Ngjarjet e datës 28 Tetor 2020

- Qendra e parë shoqërore në Prishtinë “Termokiss” nisë programin pesë ditor “Krejt Ka Pak V - Me Zemër Ngat” me aktivitete të ndryshme. (Hapësira e Termokissit, ora 9:00)

- Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me përfaqësuesit e Divizionit të Skemave për Kategoritë e Luftës në Departamentin e Familjeve të Dëshmorëve dhe Invalidëve të Luftës pranë Ministrisë së Punës dhe Mirëqenies Sociale dhe përfaqësues të Komisionit Qeveritar për njohjen dhe verifikimin e statusit të viktimave të dhunës seksuale gjatë luftës çlirimtare të  Kosovës. (Ndërtesa e Kuvendit, salla N10, ora 10:00)

- Me rastin e shënimit të  “Muajit të mundësive të barabarta për personat me aftësi të kufizuara”, që është muaji tetor, kryetari i Komunës së Prizrenit, Mytaher Haskuka dhe drejtori i Drejtorisë së Administratës Osman Hajdari, do të vizitojnë personat me aftësi të kufizuara që janë të angazhuar në Administratën Komunale të Komunës së Prizrenit. (Objekti i Administratës Komunale në Qendrën për Shërbime të Integruara-One Stop Shop, ora 10:00)

- Ministri për Komunitete dhe Kthim, Dalibor Jevtiq raporton para Komisionit për të Drejtat dhe Interesat e Komuniteteve dhe Kthim lidhur me raportin e punës së ministrisë, për vitin 2020. (Ndërtesa e Kuvendit, salla N302, ora 10:00)

- Kryeministri Avdullah Hoti së bashku me Zëvendëskryeministrin Driton Selmanaj mbajnë tryezë konsultative me Organizata të Shoqërisë Civile për prioritetet e Agjendës së Reformave Evropiane. (Objekti i Qeverisë, ora 11:00)

- Ministri i Drejtësisë, Selim Selimi do të mbajë një konferencë për media. (Ministria e Drejtësisë, ish-objekti i Rilindjes, kati IX, salla 914, ora 11:00)

- Ministri i Tregtisë dhe industrisë, Vesel Krasniqi raporton para Komisionit për Ekonomi, Punësim, Tregti, Industri, Ndërmarrësi dhe Investime Strategjike lidhur me problemet që është duke u ballafaquar ministria në përgjithësi, në veçanti për prodhuesit dhe transportuesit vendor për CEFTA si dhe për subvencionet e ndara për biznese gjatë pandemisë. (Ndërtesa e Kuvendit, salla N10, ora 13:00)

- Kryeministri Avdullah Hoti viziton Komisionin Rregullativ të Prokurimit Publik. (Objekti i KRPP-së, ora 14:00)

- Ministrja e Financave Hykmete Bajrami raporton para Komisionit për Buxhet dhe Transfere lidhur me zhvillimet e fundit në Sistemin e Menaxhimit të Financave Publike në Kosovë. (Ndërtesa e Kuvendit, salla C203, ora 14:00)

- Forumi për Lidership dhe Diplomaci përmbyllë Projektin “Akademia për Lidership”. (Swiss Diamond Hotel, ora 14:00)

- Ambasada e Gjermanisë bashkë me Asociacioni për Evropën Juglindore dhe Instituti Aspen Gjermani organzojnë konferencën digjitale “Të rinjtë, migrimi dhe sfida demografike në Ballkanin Perëndimor”. (Onlne, ora 16:00)