19 Korrik 2018

Ministrja Reshitaj e Ambasadori Heldt bashkë për mbrojtjen e mjedisit

Prishtinë, 9 nëntor - Në një atmosferë mirënjohëse dhe tejet falënderuese Ministrja e Mjedisit dhe Planifikimit Hapësinor Albena Reshitaj takoi ambasadorin e ri të Republikës Federale të Gjermanisë në Kosovë, Christian Heldt.

Duke falënderuar shtetin gjerman për kontributin e dhënë për Kosovën në rrugën e saj për liri, pavarësi e shtet ndërtim Ministrja Reshitaj njoftoj Ambasadorin gjerman me prioritetet dhe projektet që planifikon të realizojë ministria që ajo drejton.

Trajtimi i mbeturinave dhe shndërrimi i tyre në gaz, energji dhe ngrohje qendrore, krijimi zonave të gjelberta, mbrojtja dhe rehabilitimi i shtretërve te lumenjve, reduktimi i ndotjes së ajrit, trajtimi i ujërave të zeza, ruajtja e trashëgimisë, legalizimi i ndërtimeve pa leje e zbatimi i kornizës ligjore të kësaj ministre janë disa nga projektet që do ti realizojmë deklaroj ministrja Reshitaj. Reshitaj vlerësoj lartë edhe kontributin e fondacioneve gjermane si GIZ-in në fushën e mbeturinave dhe KFW-në ne fushën e trajtimit të ujerave të zeza.

Duke marrë parasysh nivelin e ndotjes së ajrit në Kosovë, e sidomos në Kryeqytet, ministrja Reshitaj e njoftoj ambasadorin me kampanjën mbi reduktimin e ndotjes së ajrit e cila do të fillojë gjatë kësaj javë, sipas së cilës planifikohen shumë aktivitete që do të reduktojnë ndotjen e ajrit.

Nga ana tjetër Ambasadori gjerman falënderoi ministren për te gjitha informacionet dhe shprehu gatishmërinë e tij dhe të shtetit që përfaqëson në përkrahjen e pa rezervë në realizimin e këtyre projekteve.

Ai u shpreh i gatshëm që të merr pjesë në kampanjën për reduktimin e ndotjes së ajrit dhe  ne aksione të tjera  që kanë synim krijimin e një mjedisi të pastër, të një shteti me bukuri te shumta natyrore siç është Kosova.

Kalendari

Ngjarjet e datës 20 Korrik 2018  - Në Universitetin “Kadri Zeka ” në Gjilan mbahen provimet pranuese. (Universiteti “Kadri Zeka” në Gjilan, ora 9:00)

- Ministri i Kulturës, Rinisë dhe Sporti, Kujtim Gashi merr pjesë në vendosjen e gurthemelit të Pishinës Olimpike në në Prizren, investim i Ministrisë së Kulturës, Rinisë dhe Sportit. (Palestra Sportive “Sezai Surroi” Prizren, ora 10:30)

- Nisin punimet për ndërtimin e rrugës  në fshatin historik - turistik Belle. (Kilometri i-të  përgjatë rrugës në grykën e Deçanit  afër hotel Kalaja, ora 10:00)

- Policia e Kosoves fillon shpërndarjen e broshurave sipas projektit "Për një vit më të sigurt në trafik” me qëllim të sensibilizimit të pjesëmarrësve në trafikun rrugor, qoftë ata vendor, bashkatdhetarët dhe të huajt që hyjnë dhe qarkullojnë npër rrugët e Kosovës. (Pikë Kalimi Kufitar në Merdar, ora 11:00)

- Grupi Parlamentar i Lidhjes Demokratike të Kosovës mban konferencën për media (Ndërtesa e Kuvendit, para sallës C301, ora 13:00)

- Ministri i Punëve të Jashtme i Republikës së Kosovës, Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov. (Ndërtesa e MPJ-së, ora ora 13:15 - vetëm pamje)

- Ministri i Financave Bedri Hamza dhe menaxheri i Bankës Botërore për Kosovën Marco Mantovanelli nënshkruajn marrëveshje për financimin e projektit të Ekonomisë Digjitale në Kosovë në vlerë prej  20.7 milion euro. (Ndërtesa e Qeverisë, kati 11, ora 14:00)

- Ministri i Punëve të Jashtme i Republikës së Kosovës, z. Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov mbajn konferencë për media do të mbahet. (Ndërtesa e MPJ-së, ora 14:00)

- Në përkujdesjen e Komunës së Deçanit Kryetarit, Bashkim Ramosaj në bashkëpunim më zyrën e diasporës organizohet hapja e  panairit - verorë  2018. (Qendra e qytetit të Deçanit, ora 16:00)

- Asociacioni i Agjencive për Zhvillim Rajonal organizon ceremoninë përmbyllëse të dhënies së Granteve. (Hotel Sirius, ora 17:00)

- Rritja e vetëdijës mbi migrimin, refugjatët dhe viktimat e konfliktit, si dhe eksplorimi i kulturës dhe identitetit përmes artit publik, bisedave dhe tregimeve, janë karakteristikat kryesore të ngjarjes 'Arti i Migrimit' që do të mbahet në Prishtinë. (Miqt Pub pranë Swiss Diamond Hotel, ora 17:00)