03 Mars 2021

MEA dhe Komuna e Gjilanit nënshkruajnë memorandum për efiçiencë të energjisë

Gjilan, 27 janar -Kryetari i Komunës së Gjilanit, Lutfi Haziri, ka nënshkruar memorandum mirëkuptimi me Ministrinë e Ekonomisë dhe Ambientit, përkatësisht zëvendësministrin Rexhep Kadriu, për realizimin e projektit të ndërrimit të poçave elektrikë, në kuadër të efiçiencës së energjisë elektrike.

Kryetari Haziri e ka falënderuar zëvendësministrin Kadriu për mbështetjen në këtë dhe projekte tjera për Gjilanin.

“Jam i lumtur që sot në Gjilan është zëvendësministri i Ekonomisë dhe Ambientit, ish-nënkryetari i Komunës dhe miku im, Rexhep Kadriu. Në marrëveshjen e sotme të mirëkuptimit, Gjilani përfiton nga programi i për efiçiencë të energjisë elektrike, për zonën urbane dhe rurale. Është një program i jashtëzakonshëm sepse ul kostot e shpenzimet dhe modernizon e standardizon infrastrukturën për ndriçim publik”, ka thënë Haziri, pas nënshkrimit të këtij memorandumi.

Ndërsa, zëvendësminitri i Ekonomisë dhe Ambientit, Rexhep Kadriu, bëri të ditur se vlera e investimit të përbashkët e këtij projekti është 428 mijë euro.

“Projekti ka të bëjë me ndërrimin e poçave elektrikë në komunën e Gjilanit, në qytet dhe fshatra. Janë afro 3 mijë trupa ndriçues të cilët do të ndërrohen në këtë faze. Investimi nga Ministria e Ekonomisë dhe Ambientit është 308 mijë euro, ndërkaq nga Komuna e Gjilanit është 120 mijë euro”, ka thënë zëvëndesministri Kadriu.

Ai ka thënë se ky nuk do të jetë projekti i fundit për Gjilanit, duke shtuar se së shpejti do të ndërrohet gypi i ujësjellësit që vjen nga Përplepnica në drejtim të Gjilanit.

“Krejt këto projekte të mëdha që Qeverisë për Gjilanin janë meritë e kryetarit Haziri, sepse fal angazhimit të tij të madh gjatë këtyre viteve, ka bërë që investimet qëndrore ta kenë prioritet Gjilanin”, tha Kadriu.

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)