21 Shtator 2019

Mbyllen hetimet për tenderin e KEK-ut

Prishtinë, 20 maj - Hetimet e filluara në tetor të vitit 2012 rreth dyshimeve të pabazuara për keqpërdorime në tenderin e sigurimit fizik të Korporatën Energjetike të Kosovës është mbyllur sot.

Gjykata  Themelorë në Prishtinë ka thënë fjalën e fundit me të cilën është vërtetuar se nuk ka pasur asnjë shkelje ligjore dhe nuk është vërtetuar asnjë provë e pretenduar se zyrtarët e KEK-ut të kenë bërë shkelje ligjore apo çfarëdo çofshin ato.

Ky vendim edhe një herë vërteton pastërtinë dhe përkushtimin e zyrtarëve të KEK-ut qe me përgjegjësi të lartë juridike i kryem obligimet dhe detyrat tona siç parashihen me ligj dhe në të mirë të Korporatës, qytetarëve dhe shtetit të Kosovës.

E kemi sqaruar me dhjetëra herë se e gjithë akuza e ngritur është e pabazuar dhe nuk ka pasur asnjë shkelje gjatë këtij procesi, por në vazhdimësi jemi sulmuar dhe kritikuar njëanshëm me spekulime nga me të ulëtat. Prandaj sot ndjehemi mirë dhe e kemi mirëpritur këtë vendim të Gjykatës për përfundimin e kësaj çështje.

Opinioni publik dhe gjithë akterët në proces, përfshire edhe ata të drejtësisë ndërkombëtarë, tashme e kanë të vërtetuar me verdikt të Gjykatës se asnjë zyrtar i KEK-ut nuk ka qenë i përfshirë në afera apo shkelje ligjore siç është spekuluar me qindra herë gjatë këtyre 6 viteve të fundit.

Mbetemi të përkushtuar që në çdo proces të jemi transparent dhe të ofrojmë bashkëpunimin e pa rezervë me të gjitha institucionet vendore e ndërkombëtare ligjvënëse në Kosovë.

 

Kalendari

Ngjarjet e datës 21 shtator 2019 - Kryetari i Lëvizjes Vetëvendosje Albin Kurti merr pjesë në manifestimin tradicional Kulturor e Shkencor "Ditet e Dom Mikelit", Stubëll të Epërme të Vitisë. (Subëll e Epërme, ora 9:00)

- Fillon Dita e Pastrimit të Botës në Kosovë ku do të marrin pjesë ministri i Mjedisit dhe Planifikimit Hapësinor, Fatmir Matoshi, ministri i Mbrojtjes, Rrustem Berisha, Forca e Sigurisë së Kosovës, Kompania “Pastrimi”, përfaqësues nga Komuna e Prishtinës, figura të rëndësishme diplomatike, studentë e vullnetarë të shumtë. (Stadiumi “Fadil Vokrri”’ në Prishtinë, ora 10:00)

- Me rastin e përvjetorit të Ahmet Krasniqit, kandidatja e LDK-së për Kryeministre, Dr. Vjosa Osmani bën homazhe te varri i Presidentit Historik Dr. Ibrahim Rugova dhe te varri i ish Ministrit të Mbrojtjes së Republikës së Kosovës, Ahmet Krasniqi. (Velani, ora 10:00)

- Vazhdon kampionati ekipor në pingpong. (Shkolla Tefik Qanga në Ferizaj, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it mban konferencë për media, në të cilën do publikohet raporti: “Krimet e Rënda në Kosovë, ligji VS praktika: Analizë e politikës së ndjekjes dhe dënimeve në rastet e trajtuara në Departamentet e Krimeve të Rënda të Gjykatave Themelore në Republikën e Kosovës, analizë e veçantë e trajtimit të rasteve të veprave penale të terrorizmit”. (Hotel Sirius, ora 10:30)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:00)

- Aksionet e pastrimit mbahet në komunën e Podujevës. (Podujevë, ora 11:00)

- Mbahet një aksion me moton “Dita e pastrimit të Botës 2019” në Mitrovicë. (Para objektit të komunës së Mitrovicës, ora 11:00)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:15)

- Kandidatja e LDK-së për Kryeministre, Dr. Vjosa Osmani shpalosë programin e LDK-së për zhvillimin ekonomik, në Konventën për zhvillim dhe punësim. (Hotel Emerald, ora 12:00)

- Kryetari i Lëvizjes Vetëvendosje Albin Kurti zhvillon një vizitë në Gjilan. (Gjilan, ora 12:00)

- Aksionet e pastrimit mbahet në Komunën e Prizrenit. (Prizren, ora 14:00)

- Promovohet libri monografik “Nexhmije Pagarusha” i cili është një rrëfim origjinal dhe personal i një udhëtimi të mrekullueshëm nëpër jetën dhe krijimtarinë e këngëtares tonë të famshme, bilbilit të këngës shqipe në Kosovë, znj. Nexhmije Pagarusha. (Hotel Swiss Diamond, ora 19:00)

- Kryetari i Lëvizjes Vetëvendosje Albin Kurti mban tubim në Petrovë të Shtimës. (Fshati Petrovë, ora 19:00)

 - Kryetari i Lëvizjes Vetëvendosje Albin Kurti mban tubim në Hajvali të Prishtinës. (Restaurant "Ora", Hajvali, ora 21:00)