25 Maj 2019

Mbahet konferenca për ruajtjen e ujit dhe efiçiencën e energjisë

Prishtinë, 22 shkurt - Let’s Do It ka bërë të ditur se sot do të mbajë konferencën “Efiçienca e energjisë dhe Ruajtja e ujit”, në bashkëpunim me Odën e Gjelbër Ekonomike të Amerikës.

Në këtë konferencë përveç përfaqësuesve nga Let’s Do It, do të marrin pjesë edhe ministri i Mjedisit dhe Planifikimit Hapësinor, Fatmir Matoshi, drejtoresha e US Green Chamber of Commerce, Znj.  Michelle Thatcher, përfaqësues nga Ballkan Green Foundation, përfaqësues nga Drejtoria e Energjisë Alternative në Kosovë, përfaqësues të CDI-së, drejtori i Autoritetit Rajonal të Pellgjeve Lumore si dhe akterë të tjerë të rëndësishëm.

Kjo konferencë përveç që ka për qëllim ngritjen e vetëdijes për ruajtjen e ujit dhe efiçiencën e energjisë, tregon edhe për fillimin e bashkëpunimit të Let’s Do It me US Green Chamber of Commerce.

Kalendari

Ngjarjet e datës 25 maj 2019 - Vazhdon dita e dytë e konferencës ekonomike të diasporës shqiptare nga Evropa më B2B me temë 'Diaspora si agjent ndërmjetësues për të bërit biznes në tregjet e huaja'. (Hotel Emerald, ora 9:00)

- Kryetari i Odës Ekonomike të Kosovës, Berat Rukiqi pret në takim delegacionin e Kryetarëve të Odave të Ballkanit Perendimor, anëtarë të Bordit Menaxhues të CIF-it. (Objekti i OEK-ut, ora 9:15)

- Delegacioni i kryetarëve të Odave Ekonomike të Ballkanit Perëndimor do ta vizitoj Kosovën. (Parku i Inovacionit dhe Trajnimeve në Prizren, ish kampi i KFOR-it, ora 11:00)

- Kryetari i Komunës së Vushtrisë organizon drekë pune për delegacionin nga Diaspora në Komunën e Vushtrisë. (Vushtrri, ora 12:15)

- Kompanitë e konferencës ekonomike të diasporës shqiptare nga Evropa më B2B vizitojnë showroom të kompanisë nga Kosova, Ciao Berto. (Ciao Berto, Magjistralja Pishtine - Mitrovice, kilometri i dytë, ora 14:25)

- Kompanitë e Diasporës vizitojnë showroom të kompanisë nga Kosova, Tiki Mosaic. (Objekti i kompanisë Tiki MosaicMagjistralja Prishtinë - Ferizaj, afër Grand Strore, ora 15:30)

- Kompanitë e Diasporës zhvillojnë vizitë përmbyllëse në showroom të kompanisë Binni e cila do të jetë nikoqir i një kokteji me rastin e mbylljes së Konferencës Ekonomike të Diasporës Shqiptare nga Evropa. (Objekti i kompanisë Bini, magjistralja Prishtinë - Ferizaj, ora 16:15)