15 Dhjetor 2019

Lëshimi i gazit serrë shënon rekord të ri

Paris, 26 nëntor - Organizata Botërore e Meteorologjisë (WMO) u shpreh se nivelet e lëshimit të tre gazrave kryesore serrë si dioksid karboni, metan dhe oksidi i azotuar kanë arritur një rekord të ri.

Lidhur me lëshimin e dioksidit të karbonit, sekretari i përgjithshëm i WMO-s Peteri Talas u shpreh se "Kemi thyer përsëri rekordet e dendësisë së dioksidit të karbonit të lëshuar, duke kaluar 400 ppm, një nivel kritik. Kjo ndodhi para dy vjetësh dhe rritja e këtij lëshimi vijoi dhe vitin e kaluar, sasia e shtuar ishte sa nivelin mesatar që kemi parë në dhjetë vjetët e kaluar".

Profesori Talas shtoi se qeveritë e ndryshme duhet të bëjnë më shumë për të pakësuar varësinë e lëndëve djegëse fosile për të prodhuar energji.

"Tani, prodhojmë 85% të energjisë globale në bazë të lëndëve djegëse fosile si qymyrgur, naftë dhe gaz, kurse vetëm 15% nga burimet bërthamore, hidro dhe të tjera të përtëritshme. Për të korrur sukses në zbatimin e Marrëveshjes së Parisit, duhet t'i përmbysim këto shifra në dekadat e ardhme", tha Talas.

WMO-ja tha gjithashtu se ka pasur një rritje prej 43% të forcës totale rrezatuese – efekti i ngrohjes së klimës – në gazrat serrë afatgjatë.

Ndër të gjitha gazrat, dioksidi i karboni zë afro 80%. 

Kalendari

Ngjarjet e datës 14 dhjetor 2019 - Aleanca Franceze e Prishtinës me mbështetjen e Ambasadës Franceze organizon një punëtori gatimi për fëmijë me kuzhinierin francez Christophe Dovergne. (Aleanca Franceze, ora 10:30)

- Projekti i Tech Heroes organizon takimin e të rinjëve për të punuar në idetë e tyre me mbështetjen e ekipës së Akademisë jCoders dhe ekspertëve tjerë në fushën e IT. (Pylli i Arinjëve në Prishtinë, ora 10:30 - kontaktoni Fiona Shehu në 049 589 685 ose Besarta Muhaxheri 049 600 962)

- Mbahet mbledhja e Kryesisë së Lidhjes Demokratike te Kosovës. (Selia e LDK-së, ora 11:00 - mediat mund të marrin pamje në fillim të takimit)

- Qendra Kosovare për Studime të Sigurisë organizon konferencën për media ku do të bëhet publikimi i gjetjeve të Edicionit të nënte vjetor - Barometrit Kosovar të Sigurisë 2019. (Hotel Sirius, ora 11:00)

- Mbahet Akademi Përkujtimore  për Dëshmorët e Kombit Mujë Krasniqin dhe 40 Dëshmorët e tjerë të rënë ne kufirin Shqiptaro - Shqipëtar. (Pallati i rinisë Prishtinë, ora 16:00)

- Kryeministri në detyrë, Ramush Haradinaj, merr pjesë në Akademinë Përkujtimore për heroin Mujë Krasniqi - Kapuqi dhe 40 bashkëluftëtarët e tij. (Pallati i Rinisë, ora 16:00)