09 Dhjetor 2019

Lansimi i SEEK, një ditë e madhe për gratë ndërmarrëse në Kosovë’

Prishtinë, 12 nëntor - Fondacioni i Mileniumit i Kosovës (MFK), si entitet implementues i Marrëveshjes 49 milion dollarëshe të Pragut, të nënshkruar në mes Qeverisë së Kosovës dhe Agjensionit Federal Amerikan, MCC, lansoi projektin $20.6 milionësh, të quajtur SEEK - Subvencionet për Efiçiencë të Energjisë në Kosovë, projekt që do të implementohet nga konsortiumi gjerman GFA dhe HPC.

Janna Fortmann, Udhëheqëse e projektit të Grave në Energji në SEEK, vlerësoi lansimin e SEEK si ditë të madhe për gratë ndërmarrëse.

Mospjesëmarrja e mjaftueshme e grave në ndërmarrësi, u cilësua si problem global nga znj. Fortmann, mirëpo me theks të veçantë në Kosovë, gjë që sipas saj bie në kundërshtim me faktin që gratë kosovare dijnë shumë për efiçiencën, janë përplotë energji dhe ide interesante të biznesit.

“Të fuqizojmë dhe mbështesim gratë në ndërmarrësi do të thotë të ndihmojmë familjet dhe ambientin biznesor, andaj përmes SEEK, ne do të shtyjmë gratë të marrin vendimet e tyre mbi investimet në efiçiencën e energjisë, që çojnë në biznese të qëndrueshme", shtoi ajo.

Folës kryesorë në lansimin e SEEK, ishte  Petrit Selimi, Drejtor Ekzekutiv i MFK, i cili shpjegoi më detajisht qëllimin e projektit SEEK, duke vënë në pah faktin se 2600 shtëpi dhe banesa kosovare do të përfitojnë nga masat e  eficiencës, si dhe Administratori i USAID, Mark Green, që ritheksoi përkushtimin e USAID për bashkëpunim dhe përpjekje drejt zhvillimit ekonomik të Kosovës.

SEEK synon të ofrojë stimuj financiarë dhe teknik për sektorin residencial që mundësojnë investime në masat e efiçencës së energjisë, si dhe të mbështesë gratë ndërmarrëse në energji dhe sektorë të tjerë.

Fokusi parësor teknik i ndërhyrjeve të SEEK-ut janë masat e efiçiencës së energjisë që do të zvogëlojnë konsumin e energjisë elektrike për ngrohje dhe promovojnë përdorimin e pajisjeve të ngrohjes me efiçiencë të energjisë, si dhe stimujt që synojnë rritjen e përfshirjes së grave në mundësitë e biznesit të sektorit energjetik, dhe investimet e efiçiencës për bizneset në pronësi të grave.

 

Kalendari

Ngjarjet e datës 9 dhjetor 2019 - Qendra Burimore për Persona të Zhdukur, QBPZH me mbështetjen e Ambasadës Britanike dhe Ambasadës Amerikane organizon diskutimin e tryezës së rrumbullakët, në shenjë të shënimit të Ditës Ndërkombëtare për të Drejtat e Njeriut. (Hotel Garden, ora 9:00)

- Oda Ekonomike Amerikane në Kosovë në bashkëpunim me Programin Aktiviteti për Drejtësi Komerciale të USAID, prezantojn te gjeturat e një studim të ri rreth Perceptimit të Korrupsionit sipas Bizneseve. (Hotel Swiss Diamond, ora 10:00)

- Koalicioni i OJQ-ve për Javën Kundër Korrupsion 2019  mban konferencë për media për të publikuar Kalendarin e Aktiviteteve të JKK 2019 ku edhe do përqoj disa mesazhe kryesore për temat të cilat do diskutohen gjatë këtyre pesë ditëve. (Hotel Sirius, ora 10:00)

- Kuvendi Komunali Gjilanit mban seancën e jashtezakonshme më pikënn e vetme te rendit të ditës është 'Diskutimi rreth lokaciont të ardhshëm të varrezave të qytetit'.(Objekti i Kuvendit Komunal te Gjilanit, ora 10:00)

- Universiteti i “Kadri Zeka” në Gjilan nënshkruan marrëveshje me  Agjencin Ekzekutive te Komisionit Evropian, për projektin milionësh në programin ERASMUS + Cooperation for Innovation and the exchange of good Practices. (Ambientet e Rektoratit, ora 10:30)

- Save the Childreb bën lansimin i instrumenteve për vlerësimin pedagogjik  të fëmijëve në Kosovë. (Qëndra Burimore Përparimi afër Don Bosko, ora 10:30)

- Instituti Demokratik i Kosovës organizojnë ekspozitën dhe ceremoninë e ndarjes së çmimeve për garën për fotografinë më të mirë kundër korrupsionit 2019. (Parku Arkeologjik, përballë Muzeut Kombëtar, ora 11:00)

- Universiteti i Shkencave të Aplikuara në Ferizaj, do të bën promovimin e librit "Turizmi Ndërkombëtarë", nga Prof. As. Dr. Hysen Sogojeva. (Universiteti i Ferizatj, ora 11:00)

- Lëvizja FOL organizon një tryezë me temë “Ligji për Mbrojtjen e Sinjalizuesve - Sfidat e zbatimit në praktikë”. (Hotel Sirius, ora 14:00)

- Programi i Kombeve të Bashkuara për Zhvillim përmes projektit Mbështetje Përpjekjeve Kundër Korrupsionit do të shënojë Ditën Ndërkombëtare Kundër Korrupsionit, duke ndarë shpërblimin për storjen më të mirë gazetareske kundër korrupsionit për vitin 2019. (Kino Armata, ora 18:00)

- Ambasadorja e Vullnetit të Mirë për Kosovën në IHRC Elvana Shala sonte organizon pritjen solemne “Bashkë për të drejtat tona” në bashkëpunim me Ambasadorin e Norvegjisë në Kosovë Jens Erik Grondahl dhe Ambasadoren e Suedisë në Kosovë znj. Karin Hermarck Ahliny. (Swiss Diamond Hotel, ora 18:00)

- Instituti i Kosovës për Drejtësi dhe “Betimi për Drejtësi” shfaqin premierën e dokumentarit “Sinjalizuesit e korrupsionit”. (Hotelin Sirius, ora 19:45)