26 Janar 2022

Kryetari Hamza priti në takim shefin e UN-Habitat-it për Kosovë Omar Siddique

Mitrovicë, 8 dhjetor - Kryetari i komunës, Bedri Hamza, ka pritur në takim shefin e UN-Habitat-it në Kosovë, z. Omar Siddique, si dhe përfaqësueset e kësaj organizate, Zana Sokoli, si dhe Fjolla Caka.

Ky takim kishte karakter njoftues, me ç' rast z. Siddique ka përgëzuar kryetarin Hamza në marrje të detyrës për të udhëhequr me Komunën e Mitrovicës, si dhe ka ofruar mbështetjen e UN-Habitat-it në realizimin e projekteve komunale.

Ndërsa, kryetari Hamza, pasi falënderoj përfaqësuesit e UN-Habitat-it për vizitën e tyre, ka theksuar se është shumë i interesuar që Komuna e Mitrovicës të jetë përfituese e projekteve të kësaj organizate, ku së bashku me stafin e tij do të ofrojnë projekte serioze dhe do të sigurojë transparencë të plotë në realizimin e tyre.

Në fund të këtij takimi të dy palët u dakorduan që të këtë bashkëpunim profesional e korrekt në realizimin e projekteve gjithëpërfshirëse për të gjithë qytetarët e Komunës së Mitrovicës.


  

 

Kalendari

Ngjarjet e datës 27 janar 2022

- Kuvendi Komunal i Gjilanit mban seancën e radhes. (Salla e mbledhjeve të Kuvendit të Komunës së Gjilanit, ora 10:00)

- Komuna e Rahovecit organizon homazhe dhe nderime për dëshmorët e kombit: Nesimi Elshani, Agron Fetahu, Halim Hoti dhe Hilmi Krasniqi, të rënë në Brestoc me 27 janar 1990. (Brestoc, ora 10:00)

- Kuvendi i Kosovës mban seancën e jashtëzakonshme në të cilën do të mbahet debat parlamentar për gjendjen e pandemisë COVID-19 në Republikën e Kosovës. (Kuvendi i Kosovës, ora 11:00)

- Komuniteti Bektashian i Kosovës Gjyshata Gjakovë organizon ngjarjen përkujtimore për një vjetorin e kalimit nga jeta të ish-Kryetarit të Komunitetit Bektashian të Kosovës, Baba Mumin Lama si dhe 47 vjetorin e kalimit nga jeta të Baba Musa Himaduna, njëkohësisht rivarrimin e tij në tyrben e baballarëve bektashian në Gjakovë. (Ambientet e Teqesë Bektashiane në Gjakovë pranë “Hani i Haraçisë”, ora 11:00)
 
- Komuna e Rahovecit organizon manifestimin përkujtimor e kulturor për dëshmorët e kombit: Nesimi Elshani, Agron Fetahu, Halim Hoti dhe Hilmi Krasniqi. (Salla e Kuvendit Komunal në Rahovec, ora 11:00)

- Me rastin e 30 vjetorit të Shtëpive-Shkolla, Kryetari i Komunës së Prishtinës, Perparim Rama së bashku me ekipin e tij, do ta vizitoj Muzeun “Shtëpitë-Shkolla” te familja Hertica, shtëpi këto që u shndërruan në shkolla në periudhën e rezistencës mbarë popullore kundër regjimit serb. (Kodra e Trimave, ora 12:00)

- Universiteti “Fehmi Agani” në Gjakovë organizon ngjarjen kushtuar Ditës Ndërkombëtare të Përkujtimit të Holokaustit, e cila këtë vit i kushtohet shkrimtarit, veprimtarit politik, laureatit të Çmimit Nobel për Paqe dhe të mbijetuarit të Holokaustit, Elie Wiesel.  (Shkolla e Muzikës “Prenk Jakova” në Gjakovë, ora 12:00)

- Institutit për Politika Zhvillimore mban konferencën lidhur me situatën energjetike në vend. (Zyret e INDEP, ora 14:00)

- Kuvendi i Kosovës mban seancë plenare. (Kuvendi i Kosovës, ora 15:00)