21 Gusht 2019

Kosova zhvillon aftësinë e saj teknike për kontroll të cilësisë së ajrit

Prishtinë, 11 qershor - Agjencia Japoneze për Bashkëpunim Ndërkombëtar (JICA)* është duke mbështetur Ministrinë e Mjedisit dhe Planifikimit Hapësinor (MMPH) përmes projektit “Projekti i zhvillimit të kapaciteteve për kontrollin e ndotjes së ajrit në Republikën e Kosovës”.

Qëllimi i projektit është përmirësimi i kapaciteteve të MMPH-së dhe organizatave dhe agjencive të saj përkatëse për menaxhimin e ndotësve të dëmshëm të ajrit, duke kontribuar kështu në planifikimin dhe zbatimin e masave më efikase për zvogëlimin e emisioneve në ajër për mbrojtjen e shëndetit publik dhe zhvillimin e politikave të lidhura me menaxhimin mjedisor në Kosovë.

Sot si pjesë e zbatimit të projektit do të mbahet ceremonia e dorëzim-pranimit të pajisjeve teknike për matjen e cilësisë së ajrit tek Instituti Hidrometeorologjik i Kosovës (IHMK) në hapësirat e IHMK-së. Ndër të tjerë, në ceremoni do të marrin pjesë Fatmir Matoshi, Ministër i Mjedisit dhe Planifikimit Hapësinor; Daisaku Sugihara, Këshilltar, Ambasada e Japonisë për Kosovë; dhe Takashi Hibino, Zëvendës Përgjegjës Kryesor i zyrës së JICA-s për Ballkanin.

Projekti ka siguruar pothuajse 100 lloje të pajisjeve esenciale për matjen e gazit të shkarkuar dhe matjen e cilësisë së ajrit, dhe tani është e gatshme t'i dorëzojë ato tek MMPH-ja.

Në të kaluarën, kur IHMK-ja kishte mungesë të shumicës nga këto pajisje, nuk kishte asnjë mundësi për t’i matur ndotjet nga të ashtuquajturat burime stacionare (fabrikat). Fabrikat e mëdha duhej të kontraktonin kompani të huaja për t’i matur nivelet e emisioneve të tyre ose nuk bënin matje fare, kështu që me kapacitet të vetin nuk kishin mundësi që ta kuptonin nivelin e emisioneve të tyre.

Megjithatë, nëpërmjet Trajnimit-në-Punë me ekipin e projektit të JICA-s, IHMK-ja dhe KEK-u ndërtuan kapacitetin e tyre për t’i shfrytëzuar pajisjet e tilla dhe për t’i matur vetë nivelet e emisioneve të tyre.

Fabrikat në Kosovë, të cilat më parë nuk e kanë ditur nivelin e saktë të emisioneve të tyre, tani mund të marrin të dhëna empirike për sa i përket emisioneve të tyre.

Si rezultat, Kosova është në gjendje të marrë të dhëna empirike për vete për herë të parë. Të dhënat e marra duke përdorur këto pajisje, do t'i mundësojnë Kosovës që bazuar në të dhëna teknike të gjykojë nëse cilësia e ajrit i tejkalon vlerat e kufirit të emisioneve apo jo.

Tani Kosova është në gjendje të matë nivelin e vetë të cilësisë së ajrit karshi standardeve mjedisore të BE-së. Për më tepër, duke iu referuar të dhënave të veta, KEK-u pritet të jetë në gjendje të kryejë Përmirësime në Operim në TC Kosova A dhe B duke kërkuar opsionin me më pak emisione.  

Bashkëpunimi teknik i JICA-s "Projekti për zhvillimin e kapaciteteve për kontrollin e ndotjes së ajrit" do të zgjasë nga tetori 2017 deri në mars 2020 me buxhet të përgjithshëm prej rreth 3.6 milion Euro (45.081.000 JY).

Projekti synon ta zhvillojë kapacitetin e institucioneve të Kosovës për kontrollin e ndotjes së ajrit dhe menaxhimin e cilësisë së ajrit bazuar në të dhëna teknike.

Zbatimi i këtij projekti do të kontribuojë në përmirësimin e kontrollit të cilësisë së ajrit duke mbledhur të dhëna të sakta bazuar në hulumtime përmes matjes së emisioneve, monitorimit dhe mbledhjes aktuale të të dhënave në terren, me qëllim të studimit të masave për përmirësimin e cilësisë së ajrit në Kosovë.

Projekti gjithashtu ka rivitalizuar ICP-MS, i cili mundëson matjen e metaleve të rënda në ajër dhe Jon Kromatografin për ta analizuar cilësinë e ajrit, duke përfshirë SOx dhe NOx. Këto instrumente mund të aplikohen gjithashtu për analizën e cilësisë së ujit. Për më tepër, këto pajisje mundësojnë vlerësimin e saktë të cilësisë së ajrit dhe ujit.
 

Kalendari

Ngjarjet e datës 21 gusht 2019 - Vazhdon greva e punëtoreve të Sindikatës së Pavarur të Punëtorëve në Aeroportin Ndërkombëtar të Prishtinës “ Adem Jashari”. (Aeroporti i Prishtinës, ora 8:00)

- Kryetari i Komunës së Prizrenit Mytaher Haskuka dhe drejtori i Drejtorisë për Punë dhe Mirëqenie Sociale Fejzë Kabashi do të vizitojnë disa shtëpi të cilat po ndërtohen në kuadër të projektit “Ndërtimi i shtëpive për familjet skamnore”. (Lagjja “Bajram Curri” e më pas do të vizitohen edhe disa shtëpi në fshatin Zhur. (Nisja do të bëhet nga Shtëpia e Bardhë, ora 9:45)

- Në kuadër të Etnofestit mbahet punëtoria kreative dhe instalacione me atelje te pikëtorëve dhe skulptorëve. (Ambientet e Etnofestit në fshatin Kukaj, ora 10:00)

- Ministri në detyrë i Inovacionit dhe Ndërmarrësisë, Muzafer Shala dhe kryetari i Komunës së Shtimes, Naim Ismajli, do të nënshkruajnë memorandum të bashkëpunimit për rregullimin e objektit Mulitifunksional Inovativ në Shtime. (Objekti i Ministrisë së Punëve të Jashtme kati i 3-të, ora 10:00)

- Mbahet mbledhjen e rregullt të Komitetit për Politikë dhe Financa e Komunës së Mitrovicës. (Salla e mediave të Komunës së Mitrovicës, ora 10:00)

- Komisioni Hetimor Parlamentar në lidhje me gjendjen në PTK dhe Vala miraton draft raportin e punës së Komisionit Hetimor Parlamentar në lidhje me gjendjen në PTK dhe Vala. (Ndërtesa e Kuvendit, salla N 303, ora 11:00)

- Kryetari i komunës së Deçanit, Bashkim Ramosaj, pret në vizitë  Ministrin e Arsimit, Shkencës dhe Teknologjisë Shyqiri Bytyqi. (Zyra e Kryetarit të Komunës së Deçanit, ora 11:00)

- Fillojnë punimet në rrugën Budisalc-Zllakuqan i Klinës. (Pranë përmendores së Kolë Mirditës në Zllakuqan, ora 11:00)

- Komuna e Vushtrrisë mban mbledhje komemorative për veteranin e arsimit dhe UÇK-së, si dhe ish drejtorin e arsimit në Komunën e Vushtrrisë, Behxhet Jashari. (Salla e Kuvendit të Komunës së Vushtrrisë, ora 11:30)

-  Kryetari i Komunës së Prishtinës, Shpend Ahmeti dhe Nënkryetari Muhedin Nushi do të mbajnë konferencë për media. (Objekti i vjetër të Komunës, ora 11:30)

- Kryetari i komunës së Deçanit, Bashkim Ramosaj dhe Ministri i Arsimit, Shkencës dhe Teknologjisë Shyqiri Bytyqi vëjn gurethemelin e shkollës fillore “Heronjtë e Dukagjinit” në Gllogjan. (Gllogjan, ora 11:30)

- Kryetari i komunës së Deçanit, Bashkim Ramosaj dhe Ministri i Arsimit, Shkencës dhe Teknologjisë Shyqiri Bytyqi inspektojn punimet në objektin përcjellës të Shkollës Fillore “Isa Boletini” në Isniq. (Isniq, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.49. në të cilën janë 132 asete. (Hoteli Grand, ora 12:30)

- Kryeministri në detyrë Ramush Haradinaj pret në takim një delegacion prej 60 studentësh të programit Akademia Verore, nga shtete të ndryshme të botës. (Ndërtesa e Qeverisë, ora 12:30)

- Në kuadër të Etnofestit mbahet zona e debatit për shtëpin tradicionale dhe familjen e madhe shqiptare. (Shtëpia e vjetër në Fshatin Kukaj, ora 17:00)

- Komuna e Prizrenit në kuadër të hartimit të buxhetit për vitin 2020 do të organizojë dëgjime publike me me banorët e e rajonit të Zhupës dhe Podgorës me qëllim të angazhimit të tyre në procesin e hartimit të buxhetit, transparencës, gjithëpërfshirjes dhe llogaridhënies ndaj qytetarëve. (Shtëpia e Kulturës në Reçanë, ora 19:00)