Prishtinë, 21 mars - Komuna e Prishtinës ka bërë të ditur se hapësira rreth banesave të Komunës në Hajvali, për një kohë ishte shndërruar në deponi ilegale të mbeturinave.

 Tashmë, përmes kompanisë të kontraktuar nga komuna, kjo deponi është larguar.

"Po punojmë në vazhdimësi që ta përmirësojmë shërbimin e menaxhimit të mbeturinave."

"Kësisoj, angazhohemi për një Prishtinë sa më të pastër, me sa më shumë hapësira të gjelbra", thekson Komuna e Prishtinës.