10 Gusht 2020

KEK-un e vizitoi kryetari i BSPK-së

Prishtinë, 3 korrik - Sot, KEK-un e ka vizituar kryetari i BSPK-së Avni Ajdini dhe bashkëpunëtorja e tij Dafina Mehaj, të cilët u pritën nga Kryeshefi Ekzekutiv (u.d.) i KEK-ut, Luigj Imeri me bashkëpunëtorë.

 Në takim, Ajdini dhe znj. Mehaj u njoftuan për gjendjen aktuale, rezultatet e arritura, si dhe sfidat dhe proceset nëpër të cilat po kalon KEK-u, e me theks të veçantë për zhvillimet e fundit si pasojë e pandemisë globale COVID-19.

Ndërsa, Ajdini gjatë takimit shprehu interesimin e BSPK-së rreth çështjeve që kanë të bëjnë me punëtorët e KEK-ut, e veçmas rreth zbatimit të marrëveshjes kolektive, kërkesave të punëtorëve, kushtet e punës si dhe ecurinë e prodhimit në këto ditë të vështira.

z. Imeri: pjesa më vitale e korporatës janë punëtorët, andaj do të punojmë bashkë me përfaqësuesit sindikal për të përkrahur kërkesat e tyre bazuar në ligjet në fuqi dhe kapacitetet ekonomike të korporatës.

"Korporata Energjetike e Kosovës konsideron që pjesa më vitale e korporatës janë punëtorët e saj. Në këtë drejtim, ne kemi zhvilluar takime të ndara me dy sindikatat e KEK-ut, ku kemi shprehur përkushtimin tonë për të përkrahur të gjitha kërkesat e punëtorëve të cilat kanë bazën ligjore dhe të cilat korporata ka kapacitetet ekonomike për t'i përballuar."

"Si rrjedhojë, në bashkëpunim me përfaqësuesit sindikal, aktualisht jemi duke u marrë me sigurimin e pajisjeve mbrojtëse në punë, kontestet gjyqësore me punëtor si dhe  i kemi trajtuar çështjet të cilat u ngritën edhe nga Ajdini."

"Për më tepë, në gjithashtu kemi treguar gatishmërinë e menaxhmentit që përfaqësuesit e sindikatës të marrin pjesë në takimet e menaxhmentit sa herë të diskutohen çështjet që ndërlidhen me punëtorët". Theksoi Kryeshefi Ekzekutiv (u.d.) Luigj Imeri.

z. Ajdini: jam i gatshëm të përkrah përfaqësuesit sindikal dhe menaxhmentin e KEK-ut, për të gjitha çështjet që ndërlidhen me punëtorët e korporatës.

Nga ana tjetër, kryetari i BSPK-së, Avni Ajdini duke falënderuar z. Imeri për gadishmërinë e tij dhe të menaxhmentit të KEK-ut për të përkrahur punëtorët dhe për të bashkëpunuar me përfaqësuesit sindikal në ralizimin e të drejtave dhe përmirësimin e kushteve të punëtorëve, u shpreh: "Unë kamë biseduar me ministrin e MPMS-së, me ç'rast kemi diskutuar rreth takimit të radhës të këshillit ekonomik social, ku në rend të ditës do të jetë kontrata kolektive, paga minimale dhe tema të tjera të cilat ndikojnë drejtpërdrejt në përmirësimin e kushteve të punëtorëve. Sa i përket KEK-ut, ju siguroj se do të angazhohem maksimalisht në përkrahjen e përfaqësuesve sindikal dhe menaxhmentit të KEK-ut, për të gjitha çështjet që kanë të bëjnë me ngritjen e mirëqenies së punëtorëve të korporatës"
 

Kalendari

Ngjarjet e datës 11 Gusht 2020

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:00 - nisja për medie nga parkingu i Ministrisë së Infrastrukturës, ora 9:30)

-  Komisioni për Mbikëqyrjen e Financave Publike shqyrton Raportin e Auditimit për Ministrinë e Diasporës dhe Investimeve Strategjike, për vitin e përfunduar më 31 dhjetor 2019. (Salla e seancave plenare, ora 10:00)

- Ministrja e Kulturës, Rinisë dhe Sportit, Vlora Dumoshi, do të vizitojë Komunën e Malishevës ku do te takohet me kryetarin Ragip Begaj. (Objekti i Komunës, ora 10:00)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit diskuton lidhur me programin legjislativ për vitin 2020 respektivisht të Projektligjeve të Ministrisë së Drejtësisë si dhe për gjendjen në Institucionet Korrektuese në Republikën e Kosovës për shkak të Pandemisë me Covid-19. (Salla e seancave plenare, ora 13:00)

- Zëvendëskryeministri Besnik Tahiri viziton Fondin e Kursimeve Pensionale të Kosovës për të diskutuar rreth rimëkëmbjes ekonomike. (Ndërtesa e TRUST-it, Rruga "Agim Ramadani", ora 11:00)

- Instituti Demokratik i Kosovës organizon konferencën për media ku do të shpalosen gjetjet nga analiza e burimit të problemeve në mos zbatimin e rekomandimeve të Auditorit të Përgjithshëm nga komunat. (Zyrat e KDI-së, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton raportin e panelit përzgjedhës për shqyrtimin e aplikacioneve, intervistim dhe listën e ngushtë të kandidatëve për Avokat të Popullit. (Ndërtesa e Kuvendit, salla N302, ora 13:00)

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgon dëshmitë e dëshmitarëve. (Ndërtesa e Kuvendit, salla N10, ora 14:30)

- Organizata ETEA dhe Biblioteka “Hivzi Sulejmani” organizojn takim me shkrimtarin dhe kryetarin e Akademisë së Shkencave dhe Arteve, Mehmet Kraja. (Qendra për Edukim dhe Kulturë “Libart” në objektin e bibliotekës “Hivzi Sulejmani” në lagjen “Dardania”, ora 18:00)  .