20 Shtator 2018

KEK-u tejkalon parashikimet në prodhim e energjisë elektrik

Prishtinë, 1 janar - Përkundër sfidave të shumta tashmë të njohura edhe nga opinioni i gjere publik, Korporata Energjetike e Kosovës po bën maksimumin që qytetarët e vendit të kenë energji elektrike të mjaftueshme gjatë ditëve festive të ndërrimit të motmoteve.

Kështu ka deklaruar drejtori për informim i KEK-ut Skender Bucolli sipas të cilit mobilizimi i gjerë në të gjitha Divizionet e korporatës po jep rezultate pozitive, madje ka tejkaluar edhe parashikimet si në prodhim të energjisë elektrike poashtu edhe ne prodhimin e thëngjillit dhe largimin e djerinës.

"Falë angazhimit maksimal të menaxhmentit dhe punëtorëve të KEK-ut në ditën e parë të vitit të ri 2018, blloku A-4 ka arritur te prodhojë afër 160 MW/h duke tejkaluar parashikimet për 30 MW/h."

"Njëkohësishtë edhe dy blloqet e Kosovës B kanë arritur të prodhojnë deri në 290 MW/h, secila, apo 60 MW/h më shumë se sa ka qenë planifikimi. Prandaj, nëse prodhimi vazhdon me këtë trend, KEK do të arrijë prodhimin në afër 18000 MW/h në ditë, apo mbi 2000 MW/h në ditë më shumë se sa ka qenë planifikimi", ka thënë Bucolli.

Këtij suksesi sipas tij i ka paraprirë edhe furnizimi i dy termocentraleve me thëngjill nga Divizioni i Prodhimit të Qymyrit ku vetëm gjatë ndrrimit të parë jane prodhuar 8400 tonë Qymyr, ndërsa jane larguar 10270 m3 djerrinë.

Bucolli ka thënë se mobilizimi i KEK-ut do të vazhdojë edhe në ditët në vijim. Në këtë vazhdë, angazhimi i të gjitha divizioneve të Korporatës që qytetarët e vendit të kenë energji elektrike do të jetë në maksimum!

 

Kalendari

Ngajrjet e datës 20 shtator 2018

 - Këshilli i Investitorëve Evropianë në bashkëpunim me Zyren e Bashkimit Evropian në Kosovë dhe Bankën Evropiane për Rindertim dhe Zhvillim organizojn konferencën e nivelit të lartë 'Drejt një klime miqësore të biznesit dhe investimeve në Kosovë, “White Book 2018”. (Hotel Emerald, ora 8:30)

- Komuna e Gjilanit organizon aktivitetin "Dita pa Makina", që shënohet në kuadër të aksionit "Ta pastrojmë Kosovës". (Para shtatores se Rexhep Males e Nuhi Berishes, ora 10:00)

- Ministria e Kulturës, Rinisë dhe Sportit organizon konferencën “Siguria Njerëzore, Problemi dhe Reagimi Institucional”. (Salla e konferencave Orion, përballë KINO ABC, ora 10:00)

- Nën patronatin e Presidentit të Republikës së Kosovës bëhet përurimi i shtatoreve të heroit Fehmi Lladrovci dhe heroinës Xhevë Krasniqi-Lladrovci. (Sheshi “Fehmi Lladrovci” në Drenas, ora 12:00)

- Kryeparlamentari Kadri Veseli dhe Kryeministri Ramush Haradinaj merr pjesë në zbulimin e shtatoreve të Heroit Fehmi Lladrovci dhe Heroinës Xhevë Krasniqi - Lladrovci. (Sheshi “Fehmi Lladrovci”, Drenas, ora 12:00)

- Ushtruesi i Detyrës së Ministrit te Mjedisit dhe Planifikimit Hapësinor, Fatmir Matoshi do të vizitojë Komunën e Pejës dhe Kompaninë Rajonale të Ujësjellësit “Hidrodini” në Pejë. (Komuna e Pejës, ora 13:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të mbahet shqyrtimi i Projektligjit pÑ‘r Ratifikimin e Marrëveshjes për Pjesëmarrjen e Kosovës në programin Evropa Kreative për Mbështetjen e Sektorëve Kulturorë dhe Kreativë. (Ndërtesa e Kuvendit, salla N 302, ora 13:00)

- Mbahet seanca e jashtëzakonshme e Kuvendit të Republikës së Kosovës. (Kuvendi i Kosovës, ora 14:00)  

- Fillon asfaltimi i rrugëve në oborrin e Qendrës Klinike Universitare të Kosovës. (Oborri i QKUK-së, ora 15:00)

- Kryetari i Odës Ekonomike të Kosovës, Berat Rukiqi takohet me Kryetarin e Odës Ekonomike të Maqedonisë veri-perëndimore, Nebi Hoxha. (Objekti i Odës Ekonomike të Kosovës, ora 15:00)

- Fakulteti Filozofik i Universitetit të Prishtinës dhe forumZFD Programi në Kosovë organizojn konferencën tre ditore 'Rishikimi i ballafaqimit me të kaluarën dhe drejtësia tranzicionale në Ballkan' . (Fakulteti Filozofik, ora 15:30)

-  Kyetari i LDK-së Isa Mustafa mban mbledhje me kryetarë të degëve të LDK-së. (Hotel Sirius, ora 17:00)