29 Shkurt 2020

KEDS ndëshkon aktivizmin sindikal, largon nga puna sindikalistin Rashit Gashi

Prishtinë, 14 shkurt - Kompania Kosovare për Furnizim me Energji Elektrike (KEDS) ka larguar nga puna sindikalistin Rashit Gashi, pa asnjë shpjegim, pa lajmërim paraprak dhe në kundërshtim flagrant me Ligjin e Punës dhe Kontratën Kolektive.

Partia Socialdemokrate (PSD) vlerëson se kjo kompani ka zgjedhur hakmarrjen ndaj aktivizmit sindikal.

Kjo kompani sipas PSD-së është shembulli më i mirë i neoliberalizmit grabitqar në Kosovë. Rrjeti dhe shpërndarja e energjisë është një monopol natyror të cilin Kosova e ka privatizuar.

"Janë edhe rreth 300 kolegë tjerë të Rashitit që KEDS ka larguar nga puna. Shumë prej tyre kanë vendime gjykatash për t’u kthyer në punë, por KEDS nuk do të dijë për ligjet e Kosovës."

"Me largimin e Rashit Gashit, pronarët duan t’i japin mësim punëtorëve sindikalistë që guxojnë të angazhohen. Por, bashkimi dhe solidariteti i punëtorëve gjithmonë ka mposhtur frikën e ka rritur besimin", thekson PSD.  

PSD konsderon se Qeveria e re ka histori të rezistencës kundër privatizimit të KEDS. Ishim qindra të arrestuar ditën kur u nënshkrua kontrata e privatizimit.

Veprimet që do të ndërmarrë ajo karshi kësaj çështjeje është një nga gurët provues për orientimin dhe politikat ekonomike.

PSD kërkon kthimin e menjëhershëm në punë të sindikalistit Gashi.  

Kalendari

Ngjarjet e datës 29 shkurt 2020 - Drejtoria e Shëndetësisë së bashku me Qendrën Kryesore të Mjekësisë Familjare, do të ofrojnë kontrolle të përgjithshme mjekësore pa pagesë për sëmundje të traktit urinar ku me pas do të ketë prononcim për media nga drejtori i Drejtorisë së Shëndetësisë, Visar Shehu. (Qendra Kryesore e Mjekësisë Familjare, ora 10:00)

- Federata e pingpongut të Kosovës do të organizojë Kampionatin Individual të Kosovës për Seniorë “Adem Jashari”. (Shkolla fillore Tefik Çanga në Ferizaj, ora 10:00)

- Mbahet Kuvendi i Punës i Federatës i Basketbollit i Kosovës (FBK). (Hotel International Prishtina & SPA, ora 10:00)

- Qendra e Levizjes në Prishtinë mban konferencë për media. (Zyret qendrore të Lëvizjes në Arbëri, ora 11:00)

Anibar International Animation Festival organizon bashkëlexim dhe diskutim në Klubin e Kinemasë “Jusuf Gërvalla” në Pejë. (Kinema “Jusuf Gërvalla”, në Pejë ora 12:00)

- Mbahet ceremonia përmbyllëse për Garën Kombëtare për Kitarë, ku do të shpallen rezultatet dhe fituesit që do ta përfaqësojnë Kosovën në Garën Ndërkombëtare që do të mbahet në Qershor 2020, në Monheim në Gjermani. (Amfiteatri i Pallatit të Rinisë, ora 18:00)