19 Nëntor 2019

KEDS destabilizon bizneset prodhuese dhe ndërtuese

Prishtinë, 21 qershor - Aleanca Kosovare e Bizneseve (AKB), për një dekadë e gjysmë, në vazhdimësi  ka shprehur shqetësimet, rreth problemeve të komunitetit të biznesit me energjinë elektrike.

Ky reagim i bizneseve është i lidhur me Tarifat e shtrenjta të energjisë elektrike, maxigrafi, mungesa e energjisë dhe detyrimi i dhurimit të Trafove duke i kaluar në pronësi të KEDS-it  si dhe për mungesë e furnizim të pamjaftueshëm të bizneseve , por edhe të qytetarëve, me energji elektrike, si dhe dëmet e  shumta të shkaktuara në pajisje dhe teknologji, për shkak të ndërprerjeve të shpeshta të energjisë elektrike,

Aleanca Kosovare e Bizneseve i ka njoftuar dhe ka dërguar shkresë zyrtare tek të gjithë përfaqësuesit e institucionet përkatëse në Kosovë se është koha e fundit që të ndërmerren veprime konkrete në lidhje me keqpërdorimet nga ana e KEDS-it që janë duke u rritur dita në ditë në këto fusha:

Llogaritja e rrymës nga ana e KEDS-it me maksograf nga qendra  bëhet në fillim të muajit në mënyrë paushalle për 30 ditë kalendarike edhe pse dihet që  gjatë muajit ka 20 ditë prodhim, kurse  maksografi bën llogaritjen pandërprerë  edhe për ditë e mbetura të muajit.

ZRRE po ashtu duhet te ndërmerr hapa konkret në koordinim me ligjdhënësin respektivisht me parlamentin e Kosovës për parandalimin  e keqpërdorimeve te mjeteve financiare te subjekteve afariste te cilat me mjete të tyre vetanake bëjn investime kapitale në ndërtim të largpërçuesve dhe të trafostacioneve për pëlqime elektroenergjetike  për shfrytëzim të objekteve duke ditur që të gjitha këto investime edhe instalime mbesin si asete te KEDS-it te cilat KEDS-i i përvetëson si asete te veta. E në anën tjetër KEDS-i të gjitha këto investime në vlera milionëshe i paraqet si investime kapitale të  veta.

Edhe pse për këto veprime te KEDS-it dihet botërisht , sistemi ynë legjislativ lejon që KEDS të vazhdoj me zbatimin e papërgjegjësive të tij ndaj konsumatorëve duke mos siguruar furnizim të pandërprerë të rrymës kualitative ku si pasojë ka dëme te mëdha si në ngecje të prodhimit ashtu edhe në makineri dhe linja teknologjike për shkak te kualitetit të dobët të rrymës, duke mos pranuar kurrfarë përgjegjësie për shkaktimin e këtyre dëmeve në tërë fushat e ekonomisë së Kosovës e posaçërisht në lëmine e prodhimit të materialeve ndërtimore si dhe industrinë ushqimore.

Rasti me konkret dhe më i freskët i këtyre veprimeve negative dhe të papërgjegjshme ku në mënyrë seleksionuese dëmtohen bizneset milionëshe është rasti në Zahaq të Pejës ku në mënyre seleksionuese ndanë prioritete – prodhimet , për të cilat veprime te dëmshme është janë të njoftuara edhe strukturat e KEDS-it, e ne shtojcë të këtij njoftimi e bashkangjesim edhe Zgjedhjen Teknike te ofruar nga KEDS duke dëmtuar biznesin në dobi të KEDS-it.

 Me këtë KEDS detyron biznesin që kanë trafo vetanake që të bëjnë investime shtesë në vlerë prej 60000 euro (gjashtëdhjetë mijë euro) në emër te KEDS-it, kurse pronësia e investimeve dhe e aseteve të mbetet e KEDS-it, duke ditur që investimet aktuale në këtë biznes respektivisht në kompaninë NPT ART COM janë 3.5 milion euro.

Kjo kompani për shkak të furnizimit te dobët respektivisht ndërprerjeve konstante ditore te energjisë elektrike dhe kualitetit te dobët të rrymës ka pësuar humbje enorme konstante ne fabrikën e saj ne fshatin Nakëll me teknologji me modern ne vlerë prej 3 milion euro.

AKB këto pengesa të vazhdueshme për KEDS dhe ZRRE i ka  ngrit edhe në Këshillin Kombëtar për Zhvillim Ekonomik dhe është e gatshme të jep kontribut në këtë çështje.  

Andaj krejt në fund, Aleanca Kosovare e Bizneseve, inkurajon të gjitha institucionet përkatëse, për një bashkëveprim dhe bashkërenditje në raport me KEDS dhe  ZRRE-në për krijimin e një klime më të volitshme edhe në sektorin e Energjisë, e cila do të kishte impact në nxitje të investimeve vendore dhe të huaja direkte, si dhe impact në rritje ekonomike të vendit.

 

Kalendari

Ngjarjet e datës 19 nëntor 2019 - Banka Qendrore e Republikës së Kosovës organizon konferencën ndërkombëtare të nivelit të lartë me titull: “Rreziqet dhe mundësitë në një sektor financiar dinamik-rruga zhvillimore”, që do të mbahet në kuadër të shënimit të 20 vjetorit të themelimit të BQK-së. (Hotel Swiss Diamond, ora 8:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të themelimit të BQK-së. (Hoteli Swiss Diamond, ora 9:00)

- Punëtorët teknik të qendrës studentore, punëtorët teknik të disa shkollave që menaxhohen nga komuna e Prishtinës, punëtorë teknik të Universitetit të Prishtinës, punëtorë të sigurimit fizik të UP-së dhe QMF-ve, punëtorët teknik të disa shkollave në Gjilan do të ndalin punën e tyre në shenjë pakënaqësie për pagën e tyre të ulët. (Protesta mbahet ne vendete e tyre te punës, ora 10:00)

- Komuna e Rahovecit mban mbledhjen e njëmbëdhjetë e rregullt e Komiteti për Politik dhe Financa. (Objekti i Komunës së Rahovecit, ora 10:00)

- Zyra e BE-së në bashkëpunim me Këshillin Gjyqësor të Kosovës do të organizojë një vizitë në Gjykatën Themelore në Prishtinë në të cilën do të diskutojë për zhvillimet dhe arritjet në operacionalizimin dhe digjitalizimin e bazës kombëtare të të dhënave të evidencës penale, e zbatuar nga Sistemi qendror kombëtar i evidencës penale. (Gjykata Themelore e Prishtinës, ora 10:15)

- Mbahet ceremonia e ndërrimit të komandës në mes të Komandantit në largim të KFOR-it, gjeneralmajor Lorenzo D’addario dhe Komandantit në ardhje të KFOR-it, gjeneralmajor Michele Risi. (Kampi i Shtabit të Përgjithshëm të KFOR-it Film City, ora 10:30 - mediet duhet të arrijnë tek Porta kryesore e Kampit Film City jo më vonë se ora 9:30)

- Presidenti Thaçi dhe Kryeministri në detyrë, Ramush Haradinaj, merr pjesë në ceremoninë e ndërrimit të Komandës së KFOR-it. (Film City, ora 10:25)

- Guvernatori i Bankës Qendrore të Republikës së Kosovës, Fehmi Mehmeti dhe Zëvendësdrejtori i Fondi Monetar Ndërkombëtar, Tao Zhang mbajnë konferencë për media. (Swis Diamand Hotel, ora 10:45)

- Zyra e UNICEF-it në Kosovë do të mbajë aktivitet me fëmijët në kuadër të shënimit te 30 vjetorit të Konventës për të Drejtat e Fëmijës. (Sheshin “Zahir Pajaziti”, ora 14:00)

- Kryeministri në detyrë, Ramush Haradinaj, pret në takim ministrin e Mbrojtjes të Italisë, Lorenzo Guerini. (Ndërtesa e Qeverisë, ora 14:00)

- Forumi për Iniciativa Qytetare FIQ organizon publikimin e analizës së Legjislacionit të Kosovës lidhur me Filantropinë dhe OJQ-të, me autor Qerkin Berisha. (Zyret e FIQ, Resource Center në Pejton, ora 14:00)

- Ambasadorja e Francës, Marie-Christine organizon pritje ku do të dekorojë znj.Blerta Zeqiri, ''Kalorëse në Urdhrin e Artit dhe Letërsisë''. (Rezidenca e Francës, ora 18:30)

- HANDIKOS organizon ceremoninë e hapjes së  ekspozitës me fotografi  “EmbraceMe-Kosovo”, me portrete nga jeta e nëntë personave nga Kosova, të punuara nga fotografja holandeze Karin Brongers. (Shtëpia e Evropës, ora 19:00)