29 Shkurt 2020

Gjilani nënshkruan marrëveshje me AKK dhe GIZ për efiçiencën e energjisë

Gjilan, 13 shkurt - Komuna e Gjilanit ka nënshkruar sot marrëveshjen e bashkëpunimit me Asociacionin e Komunave (AKK) të Kosovës për bashkëfinancimin e projektit “Intervenimin me masa inavative të eciçiencës së energjisë në shkollën “Vesel Muja”, te Mihirt, ku merr pjesë edhe organizata gjermane GIZ.

Pas ceremonisë së nënshkrimit, kryetari Haziri së bashku me menaxherin e projektit në kuadër të AKK-GIZ, Arsim Osmani, kanë vizituar shkollën, për t’ua kumtuar lajmin për investimet atje, në vlerë prej afro 50 mijë euro.

“Sistemi i ngrohjes, izolimi i kulmit, sistemi i ventilimit e ndriçimi janë pjesë e këtij programi. Pra, stufat në këtë shkollë do të marrin fund dhe jam shumë i lumtur me këtë. Faleminderit AKK’së dhe GIZ për mbështetjen. Urime për këtë projekt të rëndësishëm”, ka thënë kryetari Haziri.

Arsim Osmani nga Asociacioni i Komunave të Kosovës, ka deklaruar se nga katër projektet e kësaj natyre që ky institucion se bashku me GIZ i ka fituar, është edhe për shkollën “Vesel Muji”, lidhur me masat inovative në fushën e efiçiencës së energjisë.

“Ky projekt, në fakt, nuk po vjen prej Prishtinës, por po i kthehet Gjilanit sepse kryetari Haziri ka qenë themelues i Asociacionit të Komunave të Kosovës gati dy dekada më parë. Besoj që stafi dhe nxënësit do të përfitojnë shumë nga ky projekt”, ka thënë Osmani.

Drejtori i kësaj shkolle, Ajvaz Beqiri, ka deklaruar se kanë qenë mjaftë keq me infrastrukturë sa i përket sistemit të ngrohjes, duke shtuar se ky projekt ka qenë jashtëzakonisht i mirëpritur për stafin dhe nxënësit, dhe do të ndikojë në ngritjen e cilësisë.

​

Kalendari

Ngjarjet e datës 29 shkurt 2020 - Drejtoria e Shëndetësisë së bashku me Qendrën Kryesore të Mjekësisë Familjare, do të ofrojnë kontrolle të përgjithshme mjekësore pa pagesë për sëmundje të traktit urinar ku me pas do të ketë prononcim për media nga drejtori i Drejtorisë së Shëndetësisë, Visar Shehu. (Qendra Kryesore e Mjekësisë Familjare, ora 10:00)

- Federata e pingpongut të Kosovës do të organizojë Kampionatin Individual të Kosovës për Seniorë “Adem Jashari”. (Shkolla fillore Tefik Çanga në Ferizaj, ora 10:00)

- Mbahet Kuvendi i Punës i Federatës i Basketbollit i Kosovës (FBK). (Hotel International Prishtina & SPA, ora 10:00)

- Qendra e Levizjes në Prishtinë mban konferencë për media. (Zyret qendrore të Lëvizjes në Arbëri, ora 11:00)

Anibar International Animation Festival organizon bashkëlexim dhe diskutim në Klubin e Kinemasë “Jusuf Gërvalla” në Pejë. (Kinema “Jusuf Gërvalla”, në Pejë ora 12:00)

- Mbahet ceremonia përmbyllëse për Garën Kombëtare për Kitarë, ku do të shpallen rezultatet dhe fituesit që do ta përfaqësojnë Kosovën në Garën Ndërkombëtare që do të mbahet në Qershor 2020, në Monheim në Gjermani. (Amfiteatri i Pallatit të Rinisë, ora 18:00)