25 Shkurt 2020

Fillon projekti “Ndertimi i Ujësjellësit në fshatin Orllan”

Podujevë, 7 gusht -  Me një atmosferë gëzimi, sot në Shajkoc të Podujevës ka filluar zyrtarisht realizimi i projektit “Ndertimi i Ujësjellësit në fshatin Orllan”.

Në ceremoninë e fillimit të punimeve morën pjesë ministri i Mjedisit dhe Planifikimit Hapësinor, Fatmir Matoshi, kryetari i Podujevës, Agim Veliu, kryeshefi i KRU “Prishtina”, Ilir Abdullahu, koordinatori nacional për reforma  shtetërore, Besnik Tahiri, drejtori ekzekutiv i OJQ-së “Sundimi i Demokracisë në Kosovë”, Rexhep Zeka e banorë të shumtë të Orllanit.

Me këtë rast ministri Matoshi tha se Ministria e Mjedisit dhe Planifikimit Hapësinor po investon rreth 1 milion euro për të ofruar ujë të pijshëm për gjithë banorët e kësaj zone.

“ Padrejtësia më e madhe u ka ndodhur viteve me radhë banorëve të fshatit Orllan me mungesën e ujit të pijes. Pikërisht nga ky vend, furnizohet me ujë pothuajse e gjithë Prishtina, Podujeva, ndërsa vetë banorët kanë qenë të privuar nga kjo e drejtë”, deklaroi ministri Matoshi.

Sipas ministrit Matoshi, ky projekt ka pasur shumë sfida të cilat janë tejkaluar së bashku me banorët e fshatit Orllan.

“ Falënderoj banorët e fshatit Orllan për mirëkuptimin që e kanë pasur dhe besoj shumë që ky projekt do të implementohet në një afat rekord dhe me cilësi. Përveç mbikëqyrjes që e ofrojmë ne si ministri, ky projekt do ta ketë edhe komunitetin e Orllanit të cilët i ftojë që nga dita e sotme të jenë pjesë përbërëse e mbikëqyrjes së këtij projekti”, tha Matoshi.

Ndërsa kryetari i komunës së Podujevës, Agim Veliu, tha se projekti për ndërtimin e sistemit të ujësjellësit në fshatin Orllan është projekt i përbashkët mes Ministrisë, Komunës dhe KRU “Prishtina”.

“ Unë sot jam shumë i gëzuar sepse po përmbushet edhe një kërkesë e banorëve të fshatit Orllan që ka qenë shumë e drejtë dhe që ka qenë e paarsyeshme jo mbulueshmëria e tyre me ujë të pijshëm deri më tani. Falënderoj Ministrinë e Mjedisit për kontributin por edhe KRU ‘Prishtina”, deklaroi kryetari Veliu.

I pranishëm në këtë ceremoni ishte edhe drejtori ekzekutiv i OJQ “Sundimi i Demokracisë në Kosovë”, Rexhep Zeka, i cili tha se sot është një ditë e veçantë për banorët e Orllanit.

“Angazhimi i banorëve për këtë projekt ka bërë që kjo ditë e sotme të jetë gëzim për ta, duke e parë që po fillon të jetësohet një projekt i kahmotshëm, një nevojë e kamotshme për banorët e kësaj ane. “Falënderoj të gjithë institucionet vendimmarrëse që kanë bërë që ky projekt të filloj sot së realizuari”, tha Zeka.

Projekti “Ndërtimi i sistemit të ujësjellësit në fshatin Orllan”, financohet nga MMPH në vlerë prej afër 1 milion ( 979.880.40) euro, dhe do të përfundojë brenda 36 muajve.

Kalendari

Ngjarjet e datës 25 shkurt 2020 - Ministri i MPBAP-së, Agim Veliu do ta vizitojë Policinë i cili do të pritet nga drejtori i Përgjithshëm i PK-së, Rashit Qalaj. (Drejtoria e Përgjithshëm, ora 10:00)

- Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00)

- Ministri i MPBAP-së, Agim Veliu do ta vizitojë Kampinë e policisë “Vrella“ Sllatinë. (Kampi Vrella në Sllatinë, ora 10:45)

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Kryeministri Albin Kurti pret në takim delegatin Apostolik të Vatikanit për Kosovë, Jean Marie Speich. (Ndërtesa e Qeverisë, ora 12:30 - vetëm pamje)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)

- Kryeministri Albin Kurti pret në takim delegacionin e Fondit Monetar Ndërkombëtar. (Ndërtesa e Qeverisë, ora 15:00  - vetëm pamje)

- Ipeshkvia e Prizrenit organizon meshën e shenjtë kushtuar e Imzot Nikë Prelës në 24 vjetorin e kalimit në amshim. (Katedralja “Nëna Terezë”, nga ora 16:00)

- Ministrja e Arsimit, Shkencës, Teknologjisë dhe Inovacionit, Hykmete Bajrami, së bashku me kryetarin e Komunës së Kamenicës, Qëndron Kastrati, do të mbajnë konferencë të përbashkët për media, lidhur me çështjen e riorganizimit të procesit mësimor në komunën e Kamenicës.  (MAShTI, ora 16:00

- Fondacioni Shtatëmbëdhjetë organizon hapjen e ekspozitës Infrared: Additions. (Rr. Henrik Bariq, nr 5,  Shtatëmbëdhjetë, Prishtinë, ora 18:00)