29 Shkurt 2020

Bullgaria fillon likuidimin e 'Rrymës Jugore', ndërpret furnizimin me gaz rus

Sofje, 11 shkurt - “Gazpromi” rus dhe “Holdingu Energjetik Bullgar” po pakësojnë kapitalin e shoqërisë së tyre të përbashkët “Rryma Jugore”, si një hap i parë drejt likuidimit të kompanisë.

Deri në muajin prill kapitali i firmës pakësohet me pothuajse 150 000 euro, të cilat do të shkojnë krejtësisht drejt “Gazpromit” së cilës “Holdingu Energjetik Bullgar” i ka borxh 98 000 euro.

Për palën bullgare kryesore është klauzola e kontratës për shpërbërjen e shoqërisë, se Holdingu Energjetik Bullgar nuk i detyrohet asnjë kompensim palës ruse dhe ajo nuk mund të ngrejë çështje kundër partnerëve bullgarë.

Pritet po kështu dhe shitja e pronave me vlerë rreth qytetit Varna, për mbi 9,5 milionë euro. Bullgaria tanimë i pagoi “Rrymës Jugore” mbi 6,5 milionë euro, për prona mbi të cilat kalon traseja e gazsjellësit “Rryma Ballkanike”.

Edhe Turqia ka zvogeluar dukshem importin e gazit rus për vitin 2019, në raport me vitin 2018 ku ka rënie prej rreth 40% dhe nga importuesi i dytë, Turqia tani më është importuesi i katër.

Rasti i Turqisë e cila ishte importuesi i dytë më i madh i gazit rus dhe që brenda një viti ka zvogëluar importin me rreth 40%, duke gjetur mundësi tjera të furnizimit tregon më së miri se epoka e monopolit të gazit rus është duke përfunduar dhe mëkëtë edhe zbehja e fuqisë ruse.

Fillim viti nuk ka nisut mbarë për gjigantin energjetik rus, Gazprom, që është kompania më e madhe ruse.

Gazeta ruse 'The Moskow Times' ka shkruar se gjatë gjysmës së janarit Rusia ka pësuar rënie të eksportit të gazit me rreth 20%, trend i rënies që kishte filluar në vitin e kaluar për të vazhduar edhe në ketë fillim vit.

"Pos rënies së kërkesës për gaz kemi edhe rënie të çmimit të gazit, çmim i cili është më i ulëti në 15 vitet e fundit", thekson gazeta.

Rënia e kërkesës për gaz dhe çmimit ka ndikuar në zvogëlimin e fitimit të planifikuar neto nga shitja e gazit të Gazprom me rreth 45%.

Kalendari

Ngjarjet e datës 29 shkurt 2020 - Drejtoria e Shëndetësisë së bashku me Qendrën Kryesore të Mjekësisë Familjare, do të ofrojnë kontrolle të përgjithshme mjekësore pa pagesë për sëmundje të traktit urinar ku me pas do të ketë prononcim për media nga drejtori i Drejtorisë së Shëndetësisë, Visar Shehu. (Qendra Kryesore e Mjekësisë Familjare, ora 10:00)

- Federata e pingpongut të Kosovës do të organizojë Kampionatin Individual të Kosovës për Seniorë “Adem Jashari”. (Shkolla fillore Tefik Çanga në Ferizaj, ora 10:00)

- Mbahet Kuvendi i Punës i Federatës i Basketbollit i Kosovës (FBK). (Hotel International Prishtina & SPA, ora 10:00)

- Qendra e Levizjes në Prishtinë mban konferencë për media. (Zyret qendrore të Lëvizjes në Arbëri, ora 11:00)

Anibar International Animation Festival organizon bashkëlexim dhe diskutim në Klubin e Kinemasë “Jusuf Gërvalla” në Pejë. (Kinema “Jusuf Gërvalla”, në Pejë ora 12:00)

- Mbahet ceremonia përmbyllëse për Garën Kombëtare për Kitarë, ku do të shpallen rezultatet dhe fituesit që do ta përfaqësojnë Kosovën në Garën Ndërkombëtare që do të mbahet në Qershor 2020, në Monheim në Gjermani. (Amfiteatri i Pallatit të Rinisë, ora 18:00)