Prishtinë, 27 nëntor - Në kuadër të kampanjës “E Ardhmja është e Gjelbër, Vepro Tani!”, Balkan Green Foundation organizon diskutimin me temën “Roli dhe përgjegjësitë tona në zbutjen e ndotjes së ajrit në Kosovë”.

Ajri që thithim është thelbësor për ekzistencën tonë, megjithatë, ndonjëherë neglizhohet ndikimi që ka cilësia e ajrit në shëndetin dhe mirëqenien tonë.

Ndotja e ajrit është pasojë e një numri të madh politikash jo adekuate dhe një sërë veprimesh të cilat duhet të ndryshojnë urgjentisht.

Nga 13 masat e propozuara për adresimin e ndotjes së ajrit në Kosovë tani BGF prezanton raportin e progresit të veprimeve të ndërmarra për zbutjen e ndotjes së ajrit në vend.

Ky raport përbëhet nga një analizë individuale e secilës masë dhe përmban informacione mbi reformat, nismat, deklaratat, kundërshtimet/mbështetjen nga perspektiva e palëve të ndryshme të interesit.