24 Mars 2019

BB dhe MMPH mbajn punëtori për menaxhimin e cilësisë së ajrit në Kosovë

Prishtinë, 2 mars - Banka Botërore (BB) në bashkëpunim me Ministrinë e Mjedisit dhe Planifikimit Hapësinor të Kosovës (MMPH) zhvillon një punëtori për Menaxhimin e cilësisë së ajrit në Kosovë, me përfaqësues të institucioneve relevante të Kosovës dhe donatorëve tjerë.

Kjo punëtori synon të ndihmojë për rritjen e njohurive për gjendjen e tashme të Menaxhimit të cilësisë së ajrit, si dhe për kufizimet dhe mundësitë për përmirësime sa i përket ndotjes së ajrit në Kosovë.

Punëtoria organizohet në kuadër të iniciativës së Bankës Botërore për punë analitike në fushën e menaxhimit të cilësisë dhe ndotjes së ajrit në disa vende të Ballkanit Perëndimor, me synimin për t’a forcuar bazën e dëshmive për trajtimin e ndotjes së ajrit të mjedisit.

Mediat janë të mirëseardhura të përcjellin fjalimet hyrëse në këtë punëtori, të Menaxherit të Bankës Botërore për Kosovë, Marco Mantovanelli, dhe Ministres së Mjedisit dhe Planifikimit Hapësinor të Kosovës, Albena Reshitaj. Agjenda e plotë e punëtorisë është e bashkangjitur.

 

Kalendari

Ngjarjet e datës 24 mars 2019

- Kryeministri Ramush Haradinaj në kuadër të manifestimit qendror “Epopeja e Dukagjinit”, bënë homazhe në Kompleksin Memorial në Gllogjan. (Gllogjan, ora 10:00)

- Në 20 vjetorin e rënies së atdhetarëve Prof. Latif Berisha dhe Agim Hajrizi, Kryesia e LDK-së bashkë me Kryetarin e Degës së LDK-së në Mitrovicë, Safet Kamberi dhe struktura të degës, bëjnë homazhe te varri i Prof. Latif Berisha. (Fshati Smrekonic, ora 11:00)

- Presidenti i Republikës së Kosovës, Hashim Thaçi, merr pjesë në manifestimin shtetëror “Epopeja e UÇK-së në Dukagjin”. (Gllogjan, ora 12:00)

- Kryeministri Ramush Haradinaj merr pjesë në tubimin qendror në përkujtim të Betejës së Gllogjanit dhe të gjithë dëshmorëve dhe të rënëve për liri. (Gllogjan, ora 12:00)