08 Mars 2021

Ankandi për Energji të Ripërtritshme po merr formë konkrete

Prishtinë, 8 tetor - Është mbajtur sot takimi virtual mes Ministrit të Ekonomisë, Bankës Botërore dhe Bankës Evropiane për Rindërtim dhe Zhvillim, ku temë diskutimi ishte Ankandi për Energji të Ripërtritshme.

Ankandi për Energji të Ripërtritshme, që si ide ka kohë që është lansuar, do të zëvendësojë sistemin e Tarifës Nxitëse për Energji të Ripërtritshme.

Në këtë orientim të ministrisë, Banka Evropiane për Rindërtim dhe Zhvillim ka ndihmuar me një konsulencë të profilizuar për ankand.

Ministri Kuçi i falënderoi të dy bankat për ndihmë për këtë ankand, duke e theksuar angazhimin e Ministrisë së Ekonomisë dhe Ambientit për të nxitur investimin që sjell një kosto më të përballueshme për konsumatorë dhe që është një hap drejt politikave të gjelbra të ekonomisë dhe energjisë.

Kjo qasje u përshëndet nga shefi i Zyrës së Bankës Botërore, Massimiliano Paolucci, duke e parë si hap pozitiv të Qeverisë së Kosovës.

Në këtë takim pati edhe një informim për procedurat e punëve që kanë filluar nga grupet punuese, për të cilat ministri udhëzoi të punohet në ritëm të shpejtë, që ankandi i parë për energji të ripërtritshme të zhvillohet në pjesën e parë të vitit 2021.

 
 

Kalendari

Ngjarjet e datës 9 Mars 2021

- Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Programi për Drejtësi Komerciale në bashkëpunim me Innovation Centre Kosovo, organizojnë diskutim rreth ngritjes të vetëdijes për bizneset fillestare të sapo themeluara dhe sipërmarrësit e rinj me fokus në drejtësinë komerciale, pjesa e sistemit të drejtësisë që siguron çasjen e bizneseve në drejtësi. (Innovation Centre Kosovo -https://www.facebook.com/ickosovo, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë edhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)