04 Dhjetor 2020

83 për qind e katastrofave janë shkaktuar nga moti ekstrem dhe ndryshim i Klimës

Gjenevë, 18 nëntor - Në një raport të publikuar nga Kryqi i Kuq Ndërkombëtar thuhet se veprimet globale për të trajtuar ndryshimet klimatike aktualisht nuk po arrijnë të mbrojnë njerëzit që janë më në rrezik.

Raporti bën të ditur se gjatë dekadës së kaluar, 83 për qind e katastrofave ishin shkaktuar nga moti ekstrem dhe ngjarjet e lidhura me klimën.

Raporti i titulluar ''Raporti Botëror i Fatkeqësive 2020: Ardhja e Nxehtësisë ose Ujërat e Lartë'', tregon se vendet më të prekura nga katastrofat e lidhura me klimën marrin vetëm një pjesë të fondeve në dispozicion për adaptimin e ndryshimeve klimatike.

"Gjatë dekadës së kaluar, 83 për qind e të gjitha fatkeqësive u shkaktuan nga moti ekstrem dhe ngjarjet e lidhura me klimën si përmbytjet, stuhitë dhe valët e nxehtësisë", thuhet në raport.

Së bashku, këto katastrofa morën më shumë se 410 mijë jetë njerëzish dhe prekën një numër marramendës prej 1.7 miliardë njerëz, duke luftuar kështu për të mbrojtur njerëzit nga efektet rënduese të ndryshimeve klimatike, shtohet më tej.

"Ndryshimet klimatike nuk janë për të ardhmen. Sigurisht, gjërat mund të përkeqësohen në të ardhmen, por kjo tashmë ka ndodhur. Dhe ne mund ta shohim këtë nga statistikat. Ne po e përjetojmë këtë pothuajse çdo ditë", deklaroi sekretari i Përgjithshëm i IFRC-së, Jagan Chapagain në një konferencë virtuale për media të OKB-së.

"Përgjegjësia jonë e parë është të mbrojmë komunitetet që janë më të ekspozuarat dhe më të prekshmet ndaj rreziqeve klimatike", tha Chapagain.

Ai tha se hulumtimi i IFRC-së demonstron se bota ka dështuar ta bëjë këtë në mënyrë kolektive.

"Ekziston një shkëputje e qartë midis vendit ku rreziku i klimës është më i madh dhe asaj se ku shkojnë fondet e adaptimit të klimës. Kjo shkëputje mund të kushtojë jetë", thekson Chapagain.

Dështimi për të mbrojtur njerëzit më të prekshëm ndaj ndryshimeve klimatike është veçanërisht alarmant, duke patur parasysh rritjen e vazhdueshme të numrit të fatkeqësive klimatike dhe të lidhura me motin.

Sipas raportit, numri mesatar i fatkeqësive të klimës dhe të atyre që lidhen me motin për dekadë është rritur me gati 35 për qind që nga vitet 1990.

Raporti Botëror i Fatkeqësive potencon se pakot masive stimuluese që janë duke u zhvilluar aktualisht në të gjithë botën në përgjigje të pandemisë së COVID-19 janë një mundësi për të adresuar dhe zvogëluar cenueshmërinë e klimës.

Një rikuperim që mbron njerëzit dhe planetin do të ndihmonte në uljen e rreziqeve të sotme dhe do t'i bënte komunitetet më të sigurta dhe më elastike ndaj katastrofave të ardhshme.

"Puna e adaptimit të klimës nuk mund të radhitet e dyta ndërsa bota është e preokupuar me pandeminë: të dy krizat duhet të trajtohen së bashku", tha Chapagain.

"Ne duhet të rrisim në mënyrë të konsiderueshme investimet për aksione të mençura klimatike që forcojnë zvogëlimin dhe gatishmërinë e rreziqeve, së bashku me ligjet dhe politikat e mençura të klimës", tha ai.

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)