09 Korrik 2020

16 ton mbeturina më pak përmes ndarjes për riciklim në Drenas

Drenas, 12 nëntor - Komuna e Drenasit në bashkëpunim me organizatën qeveritare GIZ-i gjerman dhe në bashkë-implementim me organizatën joqeveritare Green Art Center-Prishtina (GAC) në Kosovë; po rezulton e suksesshme për sa I përket pilot projekteve për riciklim që po zbatohen në këtë komunë.

Kësisoj, sipas raporteve prej matjeve në terren prej organizatës GAC, në përiudhë 3 mujore diku rreth 16 ton mbeturinë kryesisht plastikë nuk është dërguar në deponi,duke u klasifikuar sipas llojit në qendrën e stacion transferit për tu përpunuar më tutje për tregun e riciklimit.

Zyrtarë të sektorit të menaxhimit të mbeturinave në këtë komunë, janë shprehur se projekti i ndarjes në burim për riciklim është pritur mirë prej qytetarëve në zonat ku është duke u pilotuar.

Njëherësh,sic shprehen zyrtarë prej kësaj komune,komuna e Drenasit është e fokusuar që bashkarisht më kompaninë “Pastrimi” dhe donatorë të huaj të funksionalizojnë qendrën e stacion transferit që ndodhet në këtë komunë.

Sipas tyre,funksionalizimi I qendrës së stacion transferit pritet të ndodhë prej gjatë vitit të ardhshëm bashkarisht më donatorë sllovenë ku komuna dhe kompania publike janë bashkëfinancuese në këtë proces.

Njëherësh,koordinatori I GAC në këtë komunë tregon se përkundër sfidave në vetëdijesim dhe për ngritjen dhe funksionalizimin e skemës së ndarjes në burim përmes analizave të sistemit, rezultatet për komunën e Drenasit tregojnë se është duke u krijuar një kulturë në shoqëri dhe matjet e sasisë së mbeturinës së riciklueshme e tregojnë këtë.

Sipas tij 800 amvisëri ,institucionet shkollore dhe disa bisnese janë pajisur me shporta për riciklim dhe ku grumbullimi I mbeturinave të riciklueshme bëhet një herë në dy javë sipas planit të operimit vetë për të riciklueshme.

I pyetur rreth benefiteve që do të sjellë funksionalizimi i qendrës së ndarjes për riciklim brenda stacion transferit, zyrtari I GAC tregon se kjo do të reduktojë dukshëm sasinë e mbeturinave që shkojnë në deponi, si rrjedhojë do të krijojë potencial për riciklimin e mbeturinave për këtë komunë.

Prej anës së kompanisë “Pastrimi” njësitit për Drenas, komunikohet se ky proces kërkon angazhim dhe kapacitete operative pasiqë duhet të operohet në ditë të vecanta, por njëherësh shihet si interes për kompaninë shtrirja dhe më e gjerë e ndarjes në burim në nivel komunal, pasi që po redukton volumin dhe sasinë e mbeturinave që dërgohen në deponinë e Mirashit.

Duke mos llogaritur kostot dhe benefitet mjedisore që vijnë si rrjedhojë e ndarjes së mbeturinave të riciklueshme në burim, sidomos mbeturinat si plastika, po shihet qartë drejtimi që po shkojnë disa komuna në Kosovë nën përkrahjen e donatorëve të huaj, sic është ajo për nisjen e riciklimit të mbeturinave dhe zhvillimit të ekonomisë qarkore në nivel vendi.
 

Kalendari

Ngjarjet e datës 9 Korrik 2020 - Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- OVL e UÇK-së mban protestë gjithëpopullore me moton “Në mbrojtje të Luftës Çlirimtare”. (Prishtinë dhe qytetet e tjera të Kosovës, ora 12:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)