22 Maj 2018

Zotohen që të përmirësojnë mundësitë ekonomike për gratë dhe vajzat

Vjenë, 15 maj - Zyrtarë të lartë dhe përfaqësues nga Ballkani Perëndimor janë zotuar që të përmirësojnë barazinë gjinore duke miratuar një komunikatë mbi përmirësimin e qasjes në mundësi ekonomike për gratë dhe vajzat gjatë një punëtorie të Bankës Botërore të mbajtur sot në Vjenë.

Komunikata fokusohet në përmirësimin e barazisë gjinore përmes promovimit të qasjes më të mirë në vende të punës dhe asete dhe aftësisë së institucioneve që të monitorojnë progresin në barazinë gjinore.

“Rëndësia e rritjes së qasjes në mundësi për gratë në Ballkanin Perëndimor është kritike për rritjen ekonomike, zhvillimin dhe anëtarësimin në BE,” tha Linda Van Gelder, Drejtoreshë Rajonale e Bankës Botërore për Ballkanin Perëndimor.

“Kjo agjendë ka marrë një shtytje të madhe sot nga zyrtarët e Ballkanit Perëndimor që u zotuan se do të sigurojnë që më shumë gra të punësohen me pagesë në vende të punës që kërkojnë aftësi më të lartë dhe që paguhen më mirë.”

Vlerësimet tregojnë se deri në 18 për qind e BPV-së në rajon humbet për shkak të hendekut gjinor në tregun e punës.

Vajzat dhe gratë në Ballkanin Perëndimor, edhe pse më të arsimuara se përpara, ende nuk marrin pjesë në mënyrë të barabartë në tregun e punës, dhe kur marrin pjesë, ka më shumë gjasa të punësohen në vende pune ku kërkohet kualifikim i ulët dhe që paguhen dobët.

Gjatë punëtorisë Çlirimi i Potencialit për Rritje Ekonomike në Ballkanin Perëndimor përmes Përmirësimit të Paanshmërisë dhe Barazisë Gjinore në Qasjen në Mundësi Ekonomike, zyrtarët qeveritarë nga gjashtë vendet e Ballkanit Perëndimor iu bashkuan ekspertëve të Bankës Botërore dhe përfaqësuesve nga organizatat ndërkombëtare për të diskutuar për koston ekonomike dhe shoqërore të përjashtimit të grave.

Po ashtu u diskutua edhe për përfitimet e promovimit të barazisë në ndërmarrësi dhe qasje në tregun e punës, si dhe për monitorimin dhe vlerësimin e progresit në çështjet gjinore.

Komunikata e cila u miratua sot konfirmon zotimin për gjininë dhe barazinë që është në përputhje me përpjekjet e vazhdueshme për forcimin e bashkëpunimit rajonal në Ballkanin Perëndimor dhe për adresimin e sfidave të përbashkëta. Këto përpjekje do të përfshijnë shkëmbimet mes kolegëve dhe monitorimin e progresit me dakordim të ndërsjellë.

Këto zotime janë në përputhje me Objektivin e Pestë të Zhvillimit të Qëndrueshëm për arritjen e barazisë gjinore dhe fuqizimin e grave dhe vajzave, si dhe me Kapitullin 19 dhe Kapitullin 23 të Acquis Communautaire të Bashkimit Evropian (BE) për Punësimin, të Drejtat Themelore dhe Qasjen në Drejtësi.

Të gjashtë vendet e Ballkanit Perëndimor konsiderohen Vende Kandidate ose Vende Kandidate Potenciale në rrugën e tyre drejtë anëtarësimit në BE.

Banka Botërore do të vazhdojë të punojë ngushtë me Komisionin Evropian, UN Women, German Gesellschaft fur Internationale Zusammenarbeit (GiZ), dhe Agence Francaise de Developpement (AFD), dhe me partnerët e tjerë zhvillimorë për të mbështetur agjendën e barazisë gjinore në Ballkanin Perëndimor, qoftë përmes punës analitike, dialogut ose angazhimit operacional.  

Kalendari

Ngjarjet e datës 22 Maj 2018 - Ministri i Arsimit, Shkencës dhe Teknologjisë, Shyqiri Bytyqi, do të vizitojë komunën e Kaçanikut, ku do të takohet me kryetarin e Komunës, Besim Ilazi. (Zyra e kryetarit Ilazi, ora 9:00)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë shkollën fillore dhe të mesme të ulët “Jusuf Gërvalla” në Biqec. (Objekti i shkollës në Biqec, ora 9:45)

- Instituti për Politika Zhvillimore organizon tryezën ”Sistemi Pensional në Kosovë: sfidat dhe mundësitë”. (Hotel Sirius, ora 10:00)

- Në kuadër të kampanjës “Drejtësia dhe biznesi” Ministri i Drejtësisë, Abelard Tahiri, së bashku me përfaqësues nga KIESA dhe Oda Ekonomike Amerikane, do të takojnë bizneset nga rajoni i Mitrovicës. (Hotel Palace në Mitrovicë, ora 10:00)

- Mbahet mbledhja e Komisionit për Mbikëqyrjen e Financave Publike në të cilen do të behët shqyrtimi i raportit të Auditimit për PVF-të e Autoritetit të Aviacionit Civil, shqyrtimi i raportit të Auditimit për PVF-të e Organit Shqyrtues të Prokurimit, etj. (Ndërtesa e Kuvendit, salla N 303, ora 10:00)

- Komisioni për të Drejtat e Njeriut, Barazi, Gjinore, Persona të Pagjetur dhe Peticione, nesër, më 22 maj 2018, viziton Burgun e Dubravës, me rastin e shënimit të përvjetorit të masakrës së vitit 1999. (Dubravë​, ora 10:15)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë shkollën e mesme “Feriz Guri dhe Vëllezërit Qaka”. (Objekti i shkollës, ora 10:30)

- Oda Ekonomike e Kosovës publikon studimin “Bottleneck” me qëllim identifikimin e barrierave që pengojnë të bërit biznes në vendin tonë. (Oda Ekonomike e Kosovës, ora 11:00)

- Nënshkruhet memorandum bashkëpunimi mes MKRS-së dhe OJQ George Williams Youth Association in Kosovo me qëllim financimi në projektin “Qendra e edukimit jo-formal për rini” me lokacion në fshatin Pjetërshan në komunën e Gjakovës. (Ministria e Kultures, Rinise dhe Sportit, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilen do të behët shqyrtimi i Raportit vjetor të Komisionit të Pavarur për Miniera dhe Minerale, shqyrtimi i Projektligjit për Masat Mbrojtëse në Importe, etj. (Ndërtesa e Kuvendit, salla N204, ora 11:00)

- Me rastin e shënimit të 19-vjetorit të masakrës së Dubravës bëhen homazhe në nderim të burgosurve të vrarë në burgun e Dubravës nga forcat paramilitare serbe. (Dubravë, ora 11:00)

- Kryetari i Gjilanit, Lutfi Haziri, pret në takim futbollistët e FC Drita, të cilët të dielën u shpallën kampion. (Zyra e Kryetarit, objekti i ish-gjykatës, ora 12:00)

- Ambasadori i Republikës së Shqipërisë në  Kosovë, Qemal Minxhozi viziton komunën e Dragashit, ku do të pritet nga kryetari i komunës, z. Shaban Shabani (Komuna e Dragashit, ora 12:30)

-  Ministri për Punë dhe Mirëqenie Sociale, Skender Reçica dhe Ministri për Komunitete dhe Kthim, Dalibor Jetviq raportojn para Komisionit për të Drejtat, Interesat e Komuniteteve dhe për Kthim lidhur me implementimin e projektit për ndërtimin e shtëpive për komunitetin joshumicë. (Ndërtesa e Kuvendit, salla N 303, ora 13:00)

- Ministrja e Mjedisit dhe Planifikimit Hapësinor Albena Reshitaj do të vizitojë komunën e Vitisë, ku bashkë me kryetarin e komunës do të nënshkruajnë një memorandum bashkëpunimi për realizimin e një projekti në fushën e mjedisit. (Objekti i komunës së Vitisë, ora 13:00)

- Zëvendëskryeministri i Kosovës, Fatmir Limaj bashkë me shefen e Zyrës së BE-së në Kosovë, Natalyia Apostolova dhe Ambasadorin e Republikës së Shqipërisë në Kosovë, Qemal Minxhozi, marrin pjesë më inaugurimin e rrugës Krushevë-Shishtavec, e financuar nga BE.. (Krushevë, Komuna Dragashit, ora 15:00)

- Shefja e Zyrës së BE-së në Kosovë, Natalia Apostolova së bashku me autoritetet e Kosovës do të përurojnë rrugën e ndërtuar rishtas midis Krushevës dhe Shishtavecit, që lidh Kosovën dhe Shqipërinë, të financuar nga Bashkimi Evropian. (Vendkalimi kufitar mes fshtarave Krushevë dhe Shishtavec Komuna e Dragashit, ora 15:00)

- Drejtori i misionit të USAID-it Xhejms Houp do të flasë me rastin e ceremonisë zyrtare që do të shënojë partneritetin me Cacttus Education. (Cacttus Education, rr. Bashkim Fehmiu. Arberia 3, BC2/11, nr. 4,  ora 16:45)

- Dega e OVL te UÇK-së në Kaçanik në bashkëpunim me SHIL, SHFD, institucionet komunale organizon orë përkujtimore me rastin e 19 të rënies heroike të dëshmorëve: Danush Kurtaj, Mejdi Dalloshi, Tefik Raka, Avdylgafurr Luma dhe Suad Brava, të rënë në Masakrën e Dubravës së Istogut me 22 maj ’99. (Shtëpia e Kulturës “Xheladin Kurtaj” në Kaçanik, ora 17:00)

- Bëhen homazhe me rastin e 19 të rënies heroike të dëshmorëve të rënë në Masakrën e Dubravës së Istogut me 22 maj ’99. (Varrezat e dëshmorëve dhe martirëve, ora 18:30)