29 Maj 2020

Zëvendësministri zotohet për mbylljen me sukses të projektit Pro Tax 2

Stokoholm, 19 shkurt - Përfaqësues të Ministrisë së Financave dhe Transfereve, të kryesuar nga zëvendësministri Ilir Aliu, po qëndrojnë për vizitë zyrtare në Suedi, ku po zhvillojnë takimin e përbashkët të komiteteve drejtuese të projektit Pro Tax 2 nga Ministria e Financave dhe Transfereve dhe Pro Tax Albania të mbështetura nga Agjencia Suedeze e Taksave, me qëllim të marrjes dhe shkëmbimit të përvojave në fushën e tatimit në pronë.

Me këtë rast zëvendësministri i Financave dhe Transfereve Ilir Aliu, është pritur në takim nga drejtoresha e përgjithshme e Agjencisë së Taksave në Suedi Katrin Westling Palm, ku në mes tjerash e njoftoi atë për të arriturat që ka sjellë projekti Pro Tax 2, i mbështetur nga Agjencia Suedeze e taksave dhe SIDA.

Zëvendësministri Aliu gjithashtu e falënderoi dhe shprehu gatishmërinë për vazhdimin e bashkëpunimit dhe zotimin e përbashkët për mbylljen me sukses të projektit Pro Tax 2, si dhe vazhdimin e bashkëpunimit në të ardhmen në veçanti në fushën e legalizimit dhe inkasimit të borxhit të akumuluar.

Kalendari

Ngjarjet e datës 29 Maj 2020

- Mbahet mbledhja e jashtëzakonshme e Kuvendit Komunal të Prizrenit, e thirrur nga kryesuesi i Kuvendit. (Salla e shtëpisë së kulturës "Xhemajli Berisha", ora 10:00)

- Mbahet mbledhje e Komisionit për Mbikëqyrjen e Financave Publike, shqyrëtohet  raporti vjetor i përformancës se Zyrës Kombëtare të Auditimit për vitin 2019. (Kuvendi i Kosovës, salla N302, ora 10:00)

- Mbahet mbledhja e pestë e rregullt e Kuvendit Komunal të Rahovecit për vitin 2020, në të cilën do të bëhët shqyrtimi i propozim vendimit për bartjen e tejkalimit të të hyrave vetanake nga viti 2019.  (Salla e mbledhjeve të Kuvendit Komunal, në objektin e ri të komunës, ora 10:00)

- Mbahet mbledhja e radhës e Këshillit Gjyqësor të Kosovës. (Objekti i KGjK-së, ora 14:00)