Prishtinë, 3 prill - Fondi Kosovar për Garanci Kreditore (FKGK) ka bërë të ditur se vlera e përgjithshme e kredive të miratuara nga Bankat partnere të cilat janë garantuar nga Fondi Kosovar për Garanci Kreditore ka arritur vlerën 100 milion euro, shpërndarë në 2,577 kredi.

Një rezultat i tillë i përcjellur me efektet pozitive për ndërmarrësinë dhe ekonominë si: qasje në financa, investime të reja, rritje e qarkullimit, mbajtje apo rritje e punësimit, dëshmojnë atributin e Fondit si një hallkë e rëndësishme në zingjirin e zhvillimit ekonomik.

Fondi tashmë ka arritur marrëveshje me Bankën Ekonomike, Bankën Kombëtare Tregtare, Bankën për Biznes, NLB Bank, ProCredit Bank, Raiffaisen Bank, TEB Bank si dhe Raiffeisen Leasing Kosovë.