16 Nëntor 2018

Trump prezanton planin e investimeve infrastrukturore prej 1.5 trilionë dollarë

Washington, 13 shkurt - Presidenti amerikan Donald Trump shpalli planin e tij të shumëpritur për përmirësimin e infrastrukturës së vendit. Ai e diskutoi nismën me zyrtarë lokalë dhe të shteteve.

Plani synon t'i shndërrojë fondet federale prej 200 miliardë dollarësh në një investim prej 1,5 trilion dollarësh, për riparimin e rrugëve, urave, hekurudhave dhe objekteve të tjera të infrastrukturës amerikane.

Në një mesazh në Twitter, presidenti Trump tha se “kjo do të jetë një javë e rëndësishme për infrastrukturën. Pas shpenzimit me budallallëk prej 7 trilionë dollarësh në Lindjen e Mesme, tani është koha që të fillojmë të investojmë në vendin tonë!”

Në takimin me zyrtarët nga i gjithë vendi në Shtëpinë e Bardhë, zoti Trump tha se shpenzimet ushtarake në Lindjen e Mesme e kishin lënë rajonin “më keq se sa ishte para 17 vjetësh kur ne hymë aty”.

“Ne do të ndërtojmë. Do të mirëmbajmë. Rrugët tona janë në gjendje të keqe. Ne do të modernizojmë”, tha zoti Trump.

Ai premtoi se procesi për lejet për ndërtimin do të reduktohej “nga 10 vjet në dy vjet, ose ndoshta një vit. Uashingtoni do të jetë partneri juaj”.

Fondet federale prej 200 miliardë dollarësh do të nxirreshin nga shkurtimi i disa programeve ekzistuese. Prej tyre gjysma do të përdoreshin për një program nxitës, për mbështetjen me të njëjtën sasi fondesh nga qeveria qendrore, të fondeve me të njëjtën vlerë nga qeveritë shtetërore e lokale.

Rreth 50 miliardë do të përdoreshin për projektet rurale në formën e një pakete grantesh për shtetet.

20 miliardë të tjerë do të përdoreshin për "programet transformuese", që synojnë projekte të reja inovatore; 20 miliardë do të shkonin për zgjerimin e programeve të huave dhe bondet për aktivitet privat dhe 10 miliardë të tjera do të shkonin për një "fond për financimin e kapitalit".

Plani i Presidentit, po ashtu synon shkurtimin e kohës dhe shpenzimeve për marrjen e lejeve fedarale për jo më tepër se dy vjet. Akltualisht, ky procesi mund të marrë 5 deri në 10 vjet.

"Propozimi i Presidentit Trump për infrastrukturën është një katastrofë", tha Shelley Poticha, e Këshillit për Mbrojtjen e Burimeve Natyrore. "Ai nuk ofron investimet e nevojshme për vendin tonë për shekullin e 21-të. Madje më keq akoma, plani i tij përfshin një dhuratë për korporatat, duke mos marrë parasysh aspektet mjedisore." - tha ajo.

Por Jay Timmons, president i Këshillit për Mbrojtjen e Burimeve Natyrore e vlerësoi zotin Trump se "ka ofruar drejtimin për të cilin ne kemi patur aq shumë nevojë për rikthimin e Amerikës në vendin e duhur, si udhëheqës botëror për infrastrukturën e vërtetë të shekullit të 21-të.”

Kalendari

Ngjarjet e datës 16 nëntor 2018 - Mbahet takimi i radhës i Grupit Ndërministror për të Drejtat e Njeriut në Republikën e Kosovës. (Ndërtesa e Qeverisë, salla P-38, ora 9:00)

- Kryeministri Ramush Haradinaj merr pjesë në takimin e Grupit Koordinues Ndërministror për të Drejtat e Njeriut në Republikën e Kosovës. (Ndërtesa e Qeverisë, ora 9:00)

- Zyra e BE-së dhe Këshilli i Evropës do të bashkëorganizojnë një konferencë në kuadër të projektit të përbashkët kundër Krimit Ekonomik e cila do të përqëndrohet në rezultatet e vlerësimit pajtueshmërinë e Kosovës me standardet evropiane dhe ndërkombëtare në fushat e anti-korrupsionit, pastrimit të parave dhe luftimit të financimit të terrorizmit. (Swiss Diamond Hotel, ora 9:15)

- Mbahet seanca e jashtëzakonshme e Kuvendit të Republikës së Kosovës në të cilën do të mbahet debat parlamentar sipas kërkesës së 42 deputetëve për mbajtjen e seancës së jashtëzakonshme lidhur me dështimet dhe skandalet në politikën e jashtme të Republikës së Kosovës. (Kuvendi i Kosovës, ora 10:00)

- Koalicioni i Organizatave për Mbrojtjen e Fëmijëve organizon konferencën për avancimin e shërbimeve sociale. (Hotel Sirius, ora 10:00)

- Universiteti “Isa Boletini” nga Mitrovicë në bashkëpunim me Universitetin “Aleksandër Mosisiu” nga Durrësi organizojnë konferencën ndërdisiplinore ndërkombëtare "Vazhdimësia historike dhe ndryshimi: Ballkani në kontekst evropian dhe global". (Kampusi i ri i Universitetit “Isa Boletini” në Mitrovicë, ora 10:00)

- Koordinatori Nacional për Kulturë, Rini dhe Sport, Rexhep Hoti do të mbajë takim informues me Drejtorët Komunalë të Arsimit në Republikën e Kosovës ku do të shpaloset Programi Nacional për Rininë. (Hotel International në Veternik, ora 10:00)

- Ministria e Administrimit të Pushtetit Lokal organizon ceremoninë solemne për projektet e përzgjedhura për financim në kuadër të Thirrjes së Parë të Programit IPA BNK Mali i Zi – Kosovë 2014-2020. (Hotel International Prishtina, ora 12:00)

- Shfaqet për gazetarë premiera vendore të filmit të metrazhit të gjatë “Nëntori I ftohtë/Cold November” me regji të Ismet Sijarina ku pas shfaqes se filmit do të zhvillohet një konferencë për media ku prezent do të jenë disa prej protagonisteve kryesor. (Cineplexx në Albi Mall, ora 12:00)

- Sindikata e Pavarur e Sektorit Privat mban takim me punëtorët e Llamkosit. (Salla e Kuvendit Komunal të Vushtrrisë, ora 13:00)

- Lëvizja Vetëvendosje mban konferencë për media. (Zyrët qendrore te Vetëvendosjes, ora 14:00)

- Mbahet takimi i deputetëve të Kuvendit të Republikës së Kosovës me qytetarë të Drenasit. (Shtëpia e Kulturës në Drenas, ora 14:00)

- Kryeministri Ramush Haradinaj merr pjesë në inaugurimin e fillimit të punimeve të rrugës së qarkores së Gjakovës. (Rruga Gjakovë - Prizren, ish Fabrika e Elektromotorëve, ora 14:00)

- Muzeu i Kosovës organizon hapjen e ekspozitës “Moti i Madh” kushtuar Heroit të Kombëtar të shqiptarëve Gjergj Kastrioti-Skënderbeu. (Muzeu i Kosovës, ora 18:00)