03 Mars 2021

Thellohet kriza ekonomike në Rusi, rritet numri i të varfërve

Moskë, 16 dhjetor - Bazuar nga të dhënë që dalin nga sondazhi i “Fondit të Opinionit Publik - FOM”, realizuar gjatë muajit nëntor, pothuajse çdo i treti rus e konsideron veten të varfër.

Nga rezultatet e dala nga sondazhi, 33% e respodentëve në Rusi e konsiderojnë vetën të varfër. Nëse i krahasojmë këto të dhëna me hulumtimin e më hershëm, përqindja e të varfërve është rritur pothuajse me një çerek gjatë tetë muajve të fundit, nga 27% sa ishte në muajin mars në 33% në muajin nëntor.

Kjo dinamikë e rritjes së varfërisë në Rusi, nuk është parë që nga kriza financiare globale, e vitit 2008. Në Rusi, pos që ka rritje të varfërisë, vërehet edhe rrënje e klasës së mesme, e cila nga 69% sa ishte në muajin mars, në muajin nëntor kishte rënë në 64%.

Për momentin në Rusi, pa ndryshuar ka mbetur vetëm përqindja e rusëve që e konsiderojnë vetën të pasur, e që në Rusi kjo përqindje sillet rreth 1 përqind.

Se ka përkeqësim të parametrave ekonomik në Rusi, e thotë edhe hulumtimi i kompanisë analitike ruse “BusinesStat”, e cila ka arritur deri tek ky konkludim duke e analizuar trendin e shitjes së bukës.

Bazuar ne trendin e shitjes së bukës, për herë të parë në pesë vitet e fundit në Rusi ka rritje të shitjes së bukës. Ekspertet e ekonomisë këtë e shpjegojnë me rënien e të ardhurave të popullatës dhe zhvlerësimin e Rublës ruse.

Më herët në temën e rritjes së varfërisë, një sondazh e kishte kryer edhe “Rosstat”, e cila kishte ardhur në përfundim se 64% e familjeve të reja ruse kanë të hyra të mjaftueshme vetëm për ushqim dhe veshmbathje.

Kjo është edhe më shqetësuese kur kihet parasysh që familjet e reja ruse përballen më shumë me pasigurinë sociale, çka ndikon edhe në rënien e natalitetit dhe rritjen e numrit të familjeve të reja që si opsionin të vetëm e kanë emigrimin në shtetet perëndimore.

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)