30 Shtator 2020

Shpenzimet për strehim dhe banim barrë e rëndë për 53 % të ekonomive familjare

Prishtinë 14 gusht - Agjencia e Statistikave të Kosovës (ASK) ka publikuar Rezultatet e Anketës mbi të Ardhurat dhe Kushtet e Jetesës (e njohur si EU-SILC) në Kosovë, për vitin 2018.

Ky publikim ofron të dhëna statistikore për kushtet e jetesës së ekonomive familjare në Kosovë dhe për çështjet e tjera të ngjashme, që kanë të bëjnë me standardin jetësor.

Sipas rezultateve të dala nga ky publikim, rezulton se mesatarja e numrit të dhomave për një ekonomi familjare në Kosovë ishte 4.39 dhoma, ku 4.38 ishte mesatarja e dhomave në zonat urbane, ndërsa 4.40 mesatarja e dhomave në zonat rurale.

Një anëtar në ekonomitë familjare në Kosovë kishte në dispozicion 0.85 dhoma, d.m.th. më pak se 1 dhomë për person.

Në zonat urbane ishte 0.86 dhoma, ndërsa në zonat rurale ishte 0.83 dhoma.

Nga kjo rezulton se 93.1% e ekonomive familjare kishin në pronësi, me akt ligjor, shtëpitë apo banesat; 4.7% e ekonomive familjare kishin në pronësi, me akt ligjor, por ishin duke paguar kredi; 0.5% e ekonomive familjare ishin qiramarrës ose nën qiramarrje, që paguajnë qira me normën e tregut;  për 0.4% të ekonomive familjare akomodimi është marrë me qira me një çmim më të ulët të tregut; ndërsa për 1.3% të ekonomive familjare akomodimi ofrohet falas.

Shpenzimet për strehim dhe banim për 53.4% të ekonomive familjare paraqesin barrë të rëndë; për 36.5% të ekonomive familjare këto shpenzime paraqesin barrë të lehtë; përderisa për 10.1% të ekonomive familare nuk paraqesin barrë financiare.

Shpenzimet e një jave pushimi, larg shtëpisë, janë të përballueshme për 30.5% të ekonomive familjare në Kosovë, përderisa për 69.5% të ekonomive familjare shpenzimet e tilla ishin të papërballueshme.

Ndërkaq, një shpenzim i papritur prej 100 Eurosh, ishte i përballueshëm për 52.7% të ekonomive familjare në Kosovë, përderisa për 47.3% të ekonomive familjare ky shpenzim ishte i papërballueshëm të paguhej prej burimeve vetanake.

Kalendari

Ngjarjet e datës 30 Shtator 2020 - Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me Komision me përfaqësuesit e Komisionit  qeveritar për njohjen e statusit të ish të dënuarve dhe ish të përndjekurve politikë. (Ndërtesa e Kuvendit, salla N302, ora 10:00)

- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Prishtina Mall”. (Zona industriale Prishtinë - Lipjan, tek rrethi i QMI-së, ora 10:00)

- Qendra Kosovare për Studime të Sigurisë organizon publikimin e raportit “Indeksi Kosovar i Reziliencës-Ekstremizmi i Dhunshëm në Kosovë: Çfarë mund të mësojmë nga rezilienca në komunitet?” (Hotel Swiss Diamond, ora 10:00)

- Mbahet mbledhja e katërt e rregullt për vitin 2020 të Kuvendit Komunal të Prizrenit. (Salla për mbledhjet e Kuvendit të Komunës së Prizrenit, tek “Shtëpia e Bardhë”, ora 10:00)

- Instituti Demokraci për Zhvillim organizon ceremoninë e nënshkrimit të Memorandumit të Bashkëpunimit për Procesin Zgjedhor. (Hotel Swiss Diamond, ora 10:00)

 - Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton raportin vjetor të Operatorit të Sistemit, Transmisionit dhe Tregut dhe të Autoritetit Rregullativ të Komunikimeve Elektronike dhe Postare. (Ndërtesa e Kuvendit, salla N10,, ora 11:00)

- Lëvizja Vetëvendosje mban konferencë për media. (Zyrët e LV-së në Arbëri, ora 11:00)

- Ministri i Ekonomisë dhe Ambientit, Blerim Kuçi nesër zhvillon vizitë në Komunën e Drinasit. (Ambientet e Komunës së Drinasit, ora 11:00)
 
- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Ciao Berto”. (Magjistralja Prishtinë - Mitrovicë, km2, ora 11:30)

- Grupi i aktorëve të Prishtinës do mbajnë protestë pasi që kërkesat e tyre të deritanishme nuk janë realizuar. (Para objektit të vjetër të Komunës së Prishtinës, ora 12:00)

-  Komisioni për Buxhet dhe Transfere shqyrton në parim i Projektligjit për ndryshimin dhe plotësimin e Ligjit për financimin e subjekteve politike si dhe Ligjin për zgjedhje të përgjithshme në Republikën e Kosovës si dhe shqyrton raportin Vjetor të Bankës Qendrore të Republikës së Kosovës. (Ndërtesa e Kuvendit, salla C203, ora 13:00)
 
- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Lesna”. (Rruga Lidhja e Pejës nr. 133 10000, ora 13:00)

-  Komisioni për Integrim Evropian shqyrton programin Kombëtar për zbatimin e Marrëveshjes së Stabilizim- Asociimit, i ftuar Zëvendëskryeministri Driton Selmanaj. (Ndërtesa e Kuvendit, salla N302, ora 13:30)

- Fondacioni Shtatëmbëdhjetë organizon edicionin e tretë të Metamorphosis. (Objekti i Kryqit të Kuq, në rrugën "Xhemajl Prishtina", nr.36 te RTK-ja te pazari, ora 16:30)

- Në kuadër të javës së tretë të programit publik në Festivalin e Arkitektures në Kosovë. (Drejtperdrejt në faqen facebook-ut të Festivalin e Arkitektures, ora 18:30)