13 Prill 2021

SHBA e përkushtuar për ta bërë më të fuqishme ekonominë botërore

Washington, 6 prill - Sekretarja amerikane e Thesarit Janet Yellen ka dhënë shenja për angazhim më aktiv në çështjet e ndryshimeve klimatike, të drejtave të njeriut dhe evazionit fiskal, teksa është zotuar për rivendosje të udhëheqësisë amerikane.

“Amerika e para nuk duhet të nënkuptojë asnjëherë Amerikën të vetme”, ka thënë ajo në fjalimin e parë të madh sa u përket politikave ekonomike me jashtë.

Yellen po ashtu ka shprehur gatishmëri për krijim më të mirë bashkëpunimit global, duke kthyer mbrapsht politikat e ish-presidentit amerikan Donald Trump.

Në fjalimin e saj, ajo ka ngritur edhe çështjen e ratës globale të taksave për korporata.

“Në katër vjetët e fundit, ne kemi parë çfarë ka ndodhur kur Amerika ka bërë kthim mbrapa në skenën globale”, ka thënë Yellen.

Shtetet e Bashkuara “e kanë izoluar veten dhe janë tërhequr nga rregulli ndërkombëtar që kanë krijuar”, ka shtuar ajo.

Teksa ka shënuar kthimin e Shteteve të Bashkuara në skenën globale, ajo ka thënë se “në botën e sotme, asnjë shtet nuk ka mundësi që i vetëm të ofrojë ekonomi të fuqishme për popullin e vet”.

Në kuadër të rritjes së rolit global të SHBA-së, Yellen ka theksuar çështjen e harmonizimit të ratave të taksave për korporata, në shtetet me ekonomi të mëdha.

“Së bashku ne mund ta përdorim një taksë globale minimale për t’u siguruar se ekonomia globale lulëzon duke u bazuar në një fushë më të barabartë të lojës në taksimin e korporatave shumëkombëshe dhe nxit risitë, rritjen dhe përparimin”, ka thënë Yellen në një intervistë online me Këshillin e Çikagos për Çështje Globale.

Teksa ka thënë se administrata e presidentit amerikan Joe Biden është e përkushtuar për ta bërë më të fuqishme ekonominë botërore, ajo ka shtuar se synon “të çojë përpara interesat amerikane”.

Yellen po ashtu ka dhënë shenja për qasje më të butë ndaj kërcënimit në rritje të Kinës, me të cilën SHBA-ja vazhdon të jetë e përfshirë në luftë tregtare.

Kalendari

Ngjarjet e datës 13 Prill 2021

- Mbahet mbledhja e Komisionit për Ekonomi, Industri, Ndërmarrësi dhe Tregti në të cilën do të behët konstituimi i Komisionit. (Ndërtesa e Kuvendit, salla N303, ora 10:00)

- Mbahet seanca gjyqësore kundër të pandehurit Basri Maksuti për vepren penale 'Falsifikimi i rezultateve të votimit'. (Gjykata Themelore në Ferizaj, ora 10:00)

- Mbahet mbledhja e Komisionit për Qeverisje Lokale, Zhvillim Rajonal dhe Media në të cilën do të behët konstituimi i Komisionit. (Ndërtesa e Kuvendit, salla N204, ora 10:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N302, ora 10:00)

- Rolling Film Festivali i cili organizohet nga OJQ Roma Versitas Kosovo dhe Romawood mban konferencën për media. (Kino Armata, ora 11:00)

- Mbahet mbledhja konstituive e komisionit për Integrim Evropian. (Ndërtesa e Kuvendit, salla N10, ora 11:00)

- Mbahet mbledhja konstituive e komisionit për Shëndetësi. (Ndërtesa e Kuvendit, salla N302, ora 11:00)

- Fondi i Sfidave të Kosovës organizon eventin online për shpalljen e thirrjes së parë për shprehje interesi, në mbështetje të projekteve të trajnimit bashkëpunues. (Platforma Zoom, ora 11:00)

- Akademia Diplomatike e Ministrisë së Punëve të Jashtme dhe Diasporës dhe Ambasada e Republikës së Francës në Republikën e Kosovës, nënshkruajnë Memorandum Mirëkuptimi. (Ministria e Punëve të Jashtme dhe Diasporës, ora 11:30)

- Mbahet mbledhja konstituive e komisionit për Bujqësi, Pylltari, zhvillim Rural, Mjedis dhe Infrastrukturë. (Ndërtesa e Kuvendit, salla N303, ora 13:00)

- Partia Liberale Egjiptiane do të dorëzojë ankesë në Gjykatën Kushtetuese lidhur me te drejtën e tyre të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit Serb në zgjedhjet e parakohshme të 14 Shkurtit. (Gjykata Kushtetuese, ora 13:00)

- Mbahet mbledhja konstituive e komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N302, ora 13:00)

- Aleanca Kosovare e Bizneseve mban konferencën për media lidhur me një studim hulumtues për qytetarët kosovar që vizituan Shqipërin dhe Malin e Zi, si pasojë e kufizimit dhe mbylljes në Kosovë e që këto patën pasoja ekonomike dhe financiare për vendin tonë. (Zyret e AKB-së, ora 13:30)