16 Gusht 2022

Sanksionet e BE-së ngrijnë asete ruse me vlerë mbi 12 miliardë euro

Bruksel, 21 qershor -  Zëdhënësi i Komisionit Evropian, Christian Wigand ka bërë të ditur se sanksionet e BE-së ndaj oligarkëve rusë kanë ngrirë asete me vlerë rreth 12.5 miliardë euro.

“Vlera e përditësuar është pothuajse dyfishuar nga 6.7 miliardë euro në muajin prill. Ato përfshijnë jahte luksoze, pasuri të paluajtshme, helikopterë dhe vepra arti”, tha Wigand.

Që nga shpërthimi i luftës në Ukrainë, Bashkimi Evropian ka miratuar raunde të shumta sanksionesh që kanë shënjestruar ekonominë e Rusisë, sistemin financiar, bankën qendrore, zyrtarët e lartë të qeverisë, si dhe presidentin rus, Vladimir Putin dhe rrethin e tij të ngushtë.

Në prill, dega ekzekutive e BE-së tha se ishin sekuestruar pasuri me vlerë 30 miliardë euro.

Një zëdhënës i Komisionit konfirmoi më vonë se asetet nga Banka Qendrore ruse ishin përfshirë në shumën fillestare.

Në fund të muajit maj, u raportua një vlerë prej gati 10 miliardë eurosh pa përfshirjen e këtyre aseteve. 

Kalendari

Ngjarjet e datës 16 gusht 2022

- Ministria e Administrimit të Pushtetit Lokal organizon debatin publik për të prezantuar dhe diskutuar rreth draft Strategjisë Kombëtare dhe Planit të Veprimit për Menaxhimin dhe Kontrollin e Qenve me dhe pa Pronar 2022-2028. (Amfiteatri i Qeverisë në ish ndërtesen e Rilindjes, ora 9:00)

- Kryetari i Partisë Demokratike të Kosovës, Memli Krasniqi, do të takojë Presidentin e Republikës së Shqipërisë, Bajram Begaj. (Kuvendi i Kosovës, Salla N204, ora 9:00 - Mediat mund të marrin pamje në fillim të takimit)

- Komuna e Rahovecit organizon degjim publik me biznese dhe grupe te interesit për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 11:00)