15 Shkurt 2019

Qeveria miratoi Projektligjin për financimin e partive politike

Prishtinë, 9 tetor - Mbledhjen e sotme të Qeverisë së Republikës së Kosovës, Kryeministri Ramush Haradinaj e ka nisur, duke u shprehur ngushëllime miqve dhe bashkëpunëtorëve të ish-gazetarit Ibrahim Rexhepi, njëherit këshilltar politik i Ministrit të Zhvillimit Ekonomik, Valdrin Lluka, i cili ndërroi jetë pas një sëmundjeje të rëndë.

Duke e vazhduar mbledhjen e sotme, Qeveria e Kosovës ka miratuar vendimin për ndryshimin dhe plotësimin e Programit Legjislativ të vitit 2018 të Qeverisë së Republikës së Kosovës.

Në Programin Legjislativ të vitit 2018 të Qeverisë së Republikës së Kosovës do të përfshihen: Projektligji për Ratifikimin e Marrëveshjes Ndërmjet Qeverisë së Republikës së Kosovës, Ministrisë së Inovacionit dhe Ndërmarrësisë dhe GIZ (Agjencioni Gjerman Për Bashkëpunim Ndërkombëtar) për Bashkëfinancimin e Projektit Cetep, Projektligji për Tregti të Brendshme dhe Projektligji për plotësimin dhe ndryshimin e Ligjit  për Letërnjoftimin.

Në mbledhjen e sotme është aprovuar Projektligji për ndryshimin dhe plotësimin e Ligjit për financim e subjekteve politike.

Me plotësimin dhe ndryshimin e Ligjit parashihet që të sqarohen disa nga dispozitat ligjore, me theks të veçantë te kontrolli i financimit të subjekteve politike, auditimit të raporteve financiare dhe publikimi i tyre. Gjithashtu me projektligj përcaktohen edhe masat ndëshkuese për subjektet që nuk respektojnë kërkesat e dala nga ky ligj.

Nisma për ndryshimin e Ligjit për financimit të partive politike është bërë me qëllim të rritjes së transparencës dhe luftës së korrupsionit. Ligji ka marrë për bazë edhe opinionet e Komisionit të Venedikut që janë inkorporuar në ligj.

Edhe Projektligji për produktet biocide ka marr miratimin e kabinetit qeveritar. Projektligji rregullon funksionimin e tregut të brendshëm dhe bënë harmonizimin e rregullave për vënien në treg dhe përdorim të produkteve biocide, me qëllim të sigurimit të shëndetit të njerëzve, kafshëve dhe mjedisit.

Qeveria e Kosovës në mbledhjen e sotme ka miratuar edhe Rregulloren për procedurat e emërimit në pozita të larta drejtuese në shërbimin civil të Republikës së Kosovës. Kjo Rregullore përcakton procedurat me qëllim të kalimit nga sistemi ekzistues në sistemin e ri të emërimit në pozita të larta drejtuese të përcaktuara me Ligjin për shërbimin civil dhe aktet tjera nënligjore.

Qeveria e Republikës së Kosovës ka miratuar kërkesën për ndarjen e mjeteve financiare për Policinë e Kosovës, me qëllim të kompensimit të pagesave shtesë për zyrtarët policorë për punën e angazhimit jashtë orarit gjatë këtij viti.

Shuma e ndarë është 2 milionë e 600 mijë euro dhe bëhet me qëllim të ruajtjes së performancës, efikasitetit dhe efektivitetit në arritjen e objektivave kushtetuese dhe ligjore të Policisë së Kosovës.

Miratimin nga kabineti qeveritar e ka marr edhe Projektligji për ratifikimin e marrëveshjes ndërmjet Qeverisë së Republikës së Kosovës dhe GIZ (Agjencinë gjermane për bashkëpunim ndërkombëtar për bashkëfinancimin e projektit CETAP (Krijimin e punësimit përmes promovimit të eksportit).

Miratimin nga kabineti qeveritar e ka marr edhe Koncept dokumenti për valën e parë të racionalizimit dhe vendosjes së vijave llogaridhënëse për agjencitë të cilat funksionojnë në Kuvendin e Kosovës.

Koncept dokumenti synon hartimin e një plani të veprimit për racionalizimin e agjencive, me qëllimi uljen e numrit të përgjithshëm të tyre. Qëllimi i këtij ndryshimi është rritja e efikasitetit dhe efiqencës dhe përmirësimi i llogaridhënies dhe mbikëqyrjes së Kuvendit ndaj Qeverisë.

Qeveria e Republikës së Kosovës, ka miratuar vendimin për ndarjen e buxhetit shtesë prej 650 mijë eurove për Zyrën për Çështje të Komuniteteve.

Kabineti qeveritar ka miratuar plotësim ndryshimin e vendimit për tatimin e normës së akcizës në Kosovë, sipas të cilit norma e akcizës për cigaret e prodhuara në Republikën e Kosovës përllogaritet duke përdorur metodën sipas vlerës dhe përllogaritja bëhet në çmimin e shitjes me pakicë në normën 30 për qind të vlerës së shitjes me pakicë.

Tri vendime përfundimtare për shpronësimin e pronave të paluajtshme për interes publik, janë miratuar sot në mbledhjen e Qeverisë.

Me vendimet e aprovuara janë shpronësuar: Pronat e ish ndërmarrjes shoqërore “Ereniku” të cilat preken nga ndërtimi i “Zonës së Veçantë Ekonomike Amerikane”; Prona e paluajtshme e ish-Radio Televizionit të Prishtinës në Zabel të Ulët të komunës së Drenasit për ndërtimin e fushës së sportit “Stadiumi sintetik” dhe “Objekti afarist – Përdhes” ish-Barnatorja e qytetit të Prishtinës për nevojat e akomodimit të institucioneve shtetërore të Republikës së Kosovës.

Qeveria e Kosovës ka miratuar edhe vendimin për plotësim dhe ndryshim të vendimit për autorizimin e FC Prishtina, Sh.p.k. që të ndërmarr të gjitha veprimet e nevojshme për të siguruar dokumentacionin për dhënien në shfrytëzim të pronës.

Me vendimin e miratuar sot është përcaktuar kompensimi për anëtarët e bordit të drejtorëve të Ndërmarrjes së re Energjetike të Kosovës Sh.A./NKEC dhe të bordit mbikëqyrës të Trepça Sh.a.

Në parim kanë marr miratimin e kabinetit qeveritar nismat për nënshkrimin e marrëveshjes trepalëshe mes Bashkimit Evropian, Kosovës dhe Malit të Zi për bashkëpunimin ndërkufitar IPA II, që në total kap shumën prej 2 milionë eurove për të dyja vendet; nisma për nënshkrimin e marrëveshjes ndërkombëtare për shmangien e tatimit të dyfishtë në mes të Qeverisë së Republikës së Kosovës dhe Qeverisë së Mbretërisë së Belgjikës; dhe nisma për negocimin e “Marrëveshjes së Financimit për projektin e Forcimit të Sektorit Financiar” ndërmjet Qeverisë së Republikës së Kosovës dhe Asociacionit Ndërkombëtar për Zhvillim.

Me propozimin e Ministrit të Drejtësisë, është miratuar vendimi për përjashtim nga procedurat e Ligjit të prokurimit publik furnizimi dhe pajisja me armë e Shërbimit Korrektues të Kosovës.

Ministri i Administratës Publike, Mahir Yagcilar, ka informuar për pjesëmarrjen në konferencën rajonale për Dixhitalizimin e Ballkanit Perëndimor në Malin e Zi, që është organizuar nga RESPA (Shkolla Rajonale për Administratën Publike) dhe në të cilën ka marr pjesë edhe komisionerja për dixhitalizim e Komisionit Evropian.

Kalendari

Ngjarjet e datës 15 shkurt 2019 - Përfaqësues të Zyrës së Koordinatorit Nacional për Kulturë, Rini dhe Sport së bashku me Zëvendësministrin e Arsimit, Shkencës dhe Teknologjisë Azem Guri, do të mbajnë takim me drejtorët e shkollave të Komunës së Hanit të Elezit ku do të prezantohet Programi Nacional për Rininë. (DKA, Hani i Elezit, ora 9:00)

- Me rastin e shënimit te 49-të vjetorit të themelimit të Universiteti i Prishtinës “Hasan Prishtina” mbahet konferenca e rektorëve të universiteteve publike shqiptare. (Hotel Swis Diamand, ora 9:30)

- Kryetarit i Komunës, Lutfi Haziri, mban konferencë të jashtëzakonshme për media. (Zyra e krytarit Haziri, ora 9:45)
 
- Ministrisë së Shëndetësisë, Uran Ismaili raporton para Komisionit për Shëndetësi, Punë dhe Mirëqenie Sociale lidhur me Licencimin e institucioneve private shëndetësore. (Ndërtesa e Kuvendit, salla N 303, ora 10:00)

- Kryeparlamentari Kadri Veseli pret në takim bashkëkryesuesit e delegacionit shtetëror për dialog, Fatmir Limajn dhe Shpend Ahmetin. (Kabineti i Kryeparlamentarit, ora 10:00)

- Koordinatori  Nacional për Kulturë, Rini dhe Sport në Qeverinë e Kosovës, Rexhep Hoti do të mbajë takim me drejtorët e shkollave të Komunës së Prizren ku do të prezantohet Programi Nacional për Rininë. (Shkolla “Abdyl Frashëri”, Prizren, ora 10:00)

- Mbahet mbledhja e Komisionit për Mbikëqyrjen e Financave Publike në të cilën do të behët shqyrtimi i Raportit të Auditimit për Menaxhimin Financiar dhe Kontrollet e Borxheve Publike për periudhën 2009-2017. (Ndërtesa e Kuvendit, salla N 302, ora 10:00)

- Programi i Kombeve të Bashkuara për Zhvillim përmes Projektit për Siguri në Kosovë dhe me mbështetjen e Ambasadës Mbretërore Norvegjeze në Kosovë, do të lansojnë projektin "Lufta kundër Krimit Kibernetik në Kosovë". (Rezidenca e ambasadorit norvegjez në fshatin ndërkombëtar, ora 10:30)

- Përfaqësues të Zyrës së Koordinatorit Nacional për Kulturë, Rini dhe Sport së bashku me Zëvendësministrin e Arsimit, Shkencës dhe Teknologjisë Azem Guri, mbajnë takim me drejtorët e shkollave të Komunës së Kaçanikut  ku do të prezantohet Programi Nacional për Rininë.(DKA, Kaçanik, ora 10:30)

- Ministri i Mjedisit dhe Planifikimit Hapësinor, Fatmir Matoshi do të vizitojë Gjilanin, ku do të pritet në takim nga kryetari i komunës, Lutfi Haziri, me të cilin do të bisedojnë për realizimin e projekteve të përbashkëta në fushën e mjedisit. (Zyra e Kryetarit të Komunës së Gjilanit, ora 10:30)

- Lidhja Demokratike e Kosovës mban konferencë për medie. (Selia qendrore të LDK-së, Kompleksi Qafa, ora 11:00)

- Lëvizja Vetëvendosje! mban koferencë për media. (Zyrët e Vetëvendosjes, ora 11:00)

- Komuna e Gjilanit në bashkëpunim me MMPH-në mbjell njëmbëdhjetë drunjë dekorativ për nder të njëmbëdhjetë vjetorit të Pavarësisë së Kosovës. (Shkolla Fillore “Abaz Ajeti” në Gjilan, ora 11:00)

- Drejtoria e Shërbimeve Shëndetësore e Policisë së Kosovës në bashkëpunim me Qendrën e Kosovës për Transfuzionin e Gjakut mbajnë fushatën për dhurimin vullnetar te gjakut. (Kampi Vrella, tek pjesëtarët e Njësive Speciale të PK-së, ora 11:00)

- Ministri i Kulturës, Rinisë dhe Sportit, Kujtim Gashi do të ndajë Çmimin për vepër jetësore “Azem Shkreli” si dhe çmimet tjera vjetore në letërsi. (Kabineti i ministrit. ora 11:00)

- Komuna e Gjilanit organizon program nga fëmijët e shkollës fillore “Thimi Mitko” në Gjilan për shënimin e njëmbëdhjetë vjetorit të Pavarësisë së Kosovës. (Përballë Teatrit të Qytetit të Gjilanit, ora 11:30)

- Mbahet manifestimi qendror për 49-vjetorin e themelimit të Universiteti i Prishtinës. (Biblioteka Qendrore Universitare, ora 12:00)

- Kryetari i Komunes se Gjilanit, Lutfi Haziri dhe Ministri i Mjedisit dhe Planifikimit Hapësinor, Fatmir Matoshi do të inspektojnë vazhdimin e punimeve në lumin “Mirusha” në Gjilan. (Pjesa në Dardania 2, ora 12:00)

- Koordinatori Nacional për Kulturë, Rini dhe Sport në Qeverinë e Kosovës Rexhep Hoti do të mbajë takim me drejtorët e shkollave të Komunës së Ferizajit ku do të prezantohet Programi Nacional për Rininë. (DKA, Ferizaj, ora 13:00)

- Përfaqësues të Zyrës së Koordinatorit Nacional për Kulturë, Rini dhe Sport së bashku me Zëvendësministren e Kulturës, Rinisë dhe Sportit znj. Leonora Morina-Bunjaku do të mbajnë takim me drejtorët e shkollave të Komunës së Gjilanit ku do të prezantohet Programi Nacional për Rininë. (DKA, Gjilan, ora 13:00)

- Ministri i Arsimit, Shkencës dhe Teknologjisë, Shyqiri Bytyqi, do të presë në takim ministren e Arsimit, Sportit dhe Rinisë të Shqipërisë, Besa Shahini. (Kabineti i Ministrit, ora 14:00)

- Policia e Kosovës mban konferencën e jashtëzakonshme për media, e cila i dedikohet një rasti të suksesshëm policor si dhe prezantimit të disa raporteve statistikore në fusha të ndryshme policore. (Stacioni policor “Qendra” në Prishtinë, ora 14:30)

- Koordinatori  Nacional për Kulturë, Rini dhe Sport në Qeverinë e Kosovës Rexhep Hoti do të mbajë takim me drejtorët e shkollave të Komunës së Vitisë ku do të prezantohet Programi Nacional për Rininë. (DKA, Viti, ora 15:00)

- Në shënimin e njëmbëdhjetë vjetorit të Pavarësisë së Kosovës  Komuna e Gjilanit organizon program Festiv nga Gjimnazi  “Zenel Hajdini”. (Gjimnazi “Zenel Hajdini” në Gjilan, 15:00)

- Përfaqësues të Zyrës së Koordinatorit Nacional për Kulturë, Rini dhe Sport së bashku me Zëvendësministren e Kulturës, Rinisë dhe Sportit znj. Leonora Morina-Bunjaku do të mbajnë takim me drejtorët e shkollave të Komunës së Kamenicë ku do të prezantohet Programi Nacional për Rininë. (DKA,Kamenicë, ora 15:00)

- Fondacioni Lumbardhi dhe Fondacioni Kosovar i Arkitekturës organizojnë ligjeratën publike “Bukuria e asaj që mbetet” të arkitektes Aslıhan Demirtaş. (Kino Armata, ora 17:00)

- Hapet ekspozita “Të jetosh me kujtimet e të pagjeturve”, me rrëfime të familjarëve të të pagjeturve, fotografi të Atdhe Mullës dhe të kuruar nga Eliza Hoxha. (Kuvendi i Republikës së Kosovës, ora 18:00)

- Kryeparlamentari Kadri Veseli viziton klubin e basketbollit Prishtina me rastin e kualifikimit historik në garat përfundimtare të FIBA-s. (Klubi i basketbollit Prishtina në Pallatin e Rinisë, ora 19:00)

- Mbahet mbrëmje Festive në Hotelin “Kristal” nga Gjimnazi” Hydajet Lezha” dhe “Zenel Hajdini” në Gjilan. (Hotel Kristal në Gjilan, ora 20:00)