22 Janar 2021

Prezantohet dështimi i institucioneve në rastet e deklarimit të rrejshëm të pasurisë

Prishtinë, 25 nëntor - Drejtësia Sot, platformë e Grupit për Studime Juridike dhe Politike (GLPS) mban konferencën për media me temë “Si dështuan institucionet në trajtimin e rasteve të mosdeklarimit dhe deklarimit të rrejshëm të pasurisë”.  

Në këtë konferencë, Drejtësia Sot do shpalos të gjeturat e analizës të titulluar “Trajtimi institucional i rasteve të mosdeklarimit dhe deklarimit të rrejshëm të pasurisë ndaj zyrtarëve të lartë publik në Kosovë gjatë vitit 2019”.

Të gjeturat e analizës do të fokusohen në trajtimin e 20 rasteve nga institucionet e drejtësisë. Sipas analizës, në Kosovë ka mungesë të trajtimit të mirëfilltë të këtyre rasteve nga prokuroria dhe gjykatat.

Duke marrë parasysh se bëhet fjalë për një vepër penale me peshë në kuptim të rrezikshmërisë shoqërore, si pasojë e këtij trajtimi institucional përfundimet e proceseve gjyqësore janë simbolike me dënime minimale, përfundime këto të cilat nuk japin sinjal se po luftohet korrupsioni.

Kalendari

Ngjarjet e datës 22 Dhjetor 2020 - Kryeministri në detyrë Avdullah Hoti bashkë me përfaqësuesit e SBASHK-ut, mban konferencë për media. (Ndërtesa e Qeverisë, ora 9:00)

- Mbahet seanca gjyqësore ndaj Ibrahim Mustafes për peqpërdorimi i pozitës apo autoritetit zyrtar. (Gjykata Themelore në Ferizaj, Salla nr.II, ora 9:30)

- Nën patronatin e Kryeprokurorit të Shtetit, Aleksandër Lumezi do të mbahet konferenca vjetore e Prokurorëve, e cila këtë vit për shkak të situatës me pandeminë Covid-19, organizohet në formë virtuale. (Platforma “Zoom”, ora 10:00)

- Kryetari i Komunës së Prizrenit, Mytaher Haskuka dhe drejtori i Drejtorisë së Urbanizmit dhe Planifikimit Hapësinor, Beni Kizolli do të mbajnë konferencë për shtyp. (Shtëpia e Bardhë, ora 10:00)

- Komuna e Skenderajt së bashku me shoqatat e dala nga lufta e UÇK-së, për nder të 23 vjetorit të triumfit të familjes Jashari ndaj sulmit të dytë të forcave serbe, do të bëjnë homazhe në shenjë nderimi për heroizmin e jashtëzakonshëm të familjes Jashari. (Kompleksi Memorial “Adem Jashari”, në Prekaz, ora 10:00)

- Kryetari i komunës Xhafer Tahiri, prezanton Planin për Rimëkëmbje Ekonomike të Vushtrrisë. (Ndërtesa e komunës, ora 11:00)