07 Korrik 2020

Platforma Made in Kosova po vazhdon me sukses të ndihmoj prodhuesit

Prishtinë, 29 qershor - Klubi i Prodhuesve të Kosovës (KPK) përmes platformës Made in Kosova sot me sukses ka realizuar kontratën e radhës të shitjes për prodhuesit vendor.

Kësaj radhe kompania IMK - Industria Metalike e Kosovës shpk ka nënshkruar kontratë shitjeje me kompaninë Kovaci Termo  në Lezhë - Shqipëri, për shitjen e tubave të çelikut, në sasi prej 53 ton. Kjo kontratë u realizua falë pranisë së kësaj kompanie në platformën Made in Kosova. 

Platforma Made in Kosova është një panair i përhershëm online, ku secila kompani ka mundësinë që të prezantoj produktet e veta.

KPK i ka ftuar të gjitha kompanitë vendore që të jenë pjesë e platformës, ku do të bëhet dixhitalizimi i prezencës online dhe promovimi i produkteve të tyre.

Kjo platformë ka për synim që të ju shërbejë rritjes dhe zhvillimit të kompanive kosovare, të rris punësimin në Kosovë dhe do të ju mundësojë kompanive të bëhen pjesë e zinxhirit të vlerave globale.

Kompani IMK - Industria Metalike e Kosovës, u nda e kënaqur me shërbimet që ofron kjo platformë dhe përkrahjen që ofron për prodhuesit vendor.

IMK  - Industria Metalike e Kosovës është një nga fabrikat më të mëdha në Evropën Juglindore për prodhimin e tubave të çelikut me tegel, të cilat përdorën në sisteme të ndryshme të ujësjellësve, gazsjellësve dhe naftësjellësve në shumë vende të botës.

Kalendari

Ngjarjet e datës 7 Korrik 2020

- Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)