29 Maj 2020

Përderisa Kosovën e ka kapluar kriza politike shtetet tjera mendojnë për ekonominë

Prishtinë, 25 mars - Eksperti i ekonomisë, Safet Gërxhaliu ka shkruar se përderisa në Kosovë kriza ekonomike e shkaktuar nga virusi Korona po vazhdon te shoqërohet me një krizë të thellë politike, vendet tjera kanë filluar të mendojnë strategjinë dalëse nga kjo situatë.

Strategjia dalëse sipas tij synon të menaxhojë situatën #postcorona dhe të sanojë dëmet e përgjithshme ekonomike të shkaktuara nga kjo pandemi.

Gërxhaliu ka deklaruar se te gjitha vendet e botës të goditura nga koronavirusi e kanë vetëm një front atë se si të minimizohen pasojat nga ky virus.

"Kosova ballafaqohet edhe me jo stabilitet politik e me mocion për qeverinë, jo stabilitet ekonomik , mungesë të pakos emergjente për sektorin privat si dhe me një ndjenjë psikologjike që e rritë panikun dhe frikln tek qytetarët."

"Duhet me urgjencë të mshteten aktivitetet ekonomike dhe të mos paralizohet sektori privat aty ku ka mundësi për veprim. Edhe disa ditë është fundi i muajit dhe duhet të kryhen pagat për të punesuarit në sektorin privat."

"Do të jetë mjaft  sfiduese për pronarët e këtyre ndërmarrjeve dhe ata duhet të mbështeten. I mirëpres vendimet e qeverisë për të mbështetur ekonominë vendore, por një fondë emergjent është me se urgjent për pagat në sektorin privat", tha ai.

Kalendari

Ngjarjet e datës 29 Maj 2020

- Mbahet mbledhja e jashtëzakonshme e Kuvendit Komunal të Prizrenit, e thirrur nga kryesuesi i Kuvendit. (Salla e shtëpisë së kulturës "Xhemajli Berisha", ora 10:00)

- Mbahet mbledhje e Komisionit për Mbikëqyrjen e Financave Publike, shqyrëtohet  raporti vjetor i përformancës se Zyrës Kombëtare të Auditimit për vitin 2019. (Kuvendi i Kosovës, salla N302, ora 10:00)

- Mbahet mbledhja e pestë e rregullt e Kuvendit Komunal të Rahovecit për vitin 2020, në të cilën do të bëhët shqyrtimi i propozim vendimit për bartjen e tejkalimit të të hyrave vetanake nga viti 2019.  (Salla e mbledhjeve të Kuvendit Komunal, në objektin e ri të komunës, ora 10:00)

- Presidenti i vendit, Hashim Thaçi mbanë konferencë për media. (Hapësira në hyrje të Presidencës, ora 10:30)

- Mbahet mbledhja e radhës e Këshillit Gjyqësor të Kosovës. (Objekti i KGjK-së, ora 14:00)