26 Shkurt 2021

OEAK dhe USAID promovojnë franshizimin si model biznesi në Kosovë

Prishtinë, 11 nëntor - Oda Ekonomike Amerikane në Kosovë (OEAK) me mbështetje nga USAID/Programi i Qeverisjes Ekonomike në Kosovë organizon një forum virtual me transmetim të drejtpërdrejtë, për të promovuar franshizimin si një model biznesi në Kosovë, dhe për të inkurajuar ndërmarrësit ekzistues dhe ata të ardhshëm që të konsiderojnë shfrytëzimin e këtij modeli.

Ky forum virtual do të mbahet nesër dhe mund të ndiqet përmes transmetimit të drejtpërdrejtë në faqen e Odës Amerikane në Facebook: https://www.facebook.com/AmChamKosovo.

Franshizimi ka ndikime të dukshme ekonomike, duke përfshirë prodhimin dhe krijimin e vendeve të punës, rritjen e bazës tatimore, modernizimin ekonomik, përshtatjet në bilancin e pagesave, zhvillimin e ndërmarrjeve të vogla dhe të mesme, zhvillimin e ndërmarrësisë dhe ndihmën në zhvillimin e fuqisë punëtore.

Për këtë forum virtual janë ftuar përfaqësues të dhënësve të franshizës ekzistues dhe marrësve të franshizës në Kosovë, përfshirë Burger King, KFC, SushiCo, dhe Green and Protein.

Qëllim i këtij diskutimi është të informojë publikun e gjerë, duke përfshirë sektorin privat, OJQ-të, mediet, dhe palët e tjera të interesuara rreth franshizimit dhe potencialit për zhvillimin e mëtejmë të këtij modeli të biznesit në Kosovë.

Pas transmetimit të drejtpërdrejtë, videoja e përhershme e këtij forumi virtual do të postohet në faqen e Odës Ekonomike Amerikane në Kosovë në Facebook.

Kalendari

Ngjarjet e datës 26 Shkurt 2021

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në objektin e ri të komunës, ora 10:00)

- Këshilli Organizues ''Pranvera Shqiptare 81'' do të bëj nderime dhe do të vendos lule te varri i varri i Adem Demaçit. (Velani, ora 11:00)

- Organizata Etea, përmbyllë fazën e parë të projektit “Biblioteka Qarkulluese me strategjitë e lexim kuptimit”. (Kino Armata, ora 11:00)

- Ministria e Kulturës, Rinisë dhe Sportit organizon ceremoninë e ndarjes së çmimeve në fushën e trashëgimisë kulturore. (Parku arkeologjik "Ulpiana", ora 12:00)

- Këshilli Organizues ''Pranvera Shqiptare 81'' organizon tryezëm përkujtimore për Adem Demaçin në 85 vjetorin e lindjes. (Instituti Albanologjik në Prishtinë, ora 13:00)

- Partia Socialdemokrate do të mbaj një aktivitet pranë objektit të Komunës së Prishtinës. (Objekti i Komunës së Prishtinës, ora 13:00)

- Qendra për Raste Gjyqësore Strategjike platformë e themeluar nga Grupi për Studime Juridike dhe Politike mban konferencën për media me rastin e dorëzimit të Padisë për Konflikt Administrativ kundër Lejes Ujore për Hidrocentralin Brezovica në Shtërpcë të Lëshuar nga Autoriteti Rajonal i Pellgjeve Lumore në kuadër të Ministrisë së Ekonomisë dhe Ambientit. (Para Pallatit të Drejtësisë, Ndërtesa A, ora 14:00)

- Zëdhënësi i KQZ-së, Valmir Elezi mban konferencë lidhur me progresin në procesin e rinumërimit dhe të aktiviteteve tjera që po zhvillohen në këtë qendër. (Qendra e Numërimit dhe Rezultateve, ora 15:00)