26 Shkurt 2021

Oda Amerikane dhe USAID organizojnë ditët e drejtësisë komerciale

Prishtinë, 17 dhjetor - Oda Ekonomike Amerikane në Kosovë në bashkëpunim me Programin e USAID për Drejtësi Komerciale po organizojnë aktivitetin “Ditët e Drejtësisë Komerciale: Arbitrazhi në Fokus” në kuadër të të cilit po organizohen një serë forumesh virtuale përmes së cilave synohet rritja e ndërgjegjësimit së komunitetit të bizneseve rreth metodave alternative për zgjidhje të kontesteve komerciale.

Forumi i parë i kësaj jave trajtoi zhvillimin e arbitrazhit në Kosovë, si dhe benefitet që sjellë për bizneset e rrjedhimisht edhe për zhvillimin ekonomik.

Christopher Thompson, Shef i Programit të USAID-it për Drejtësi Komerciale tha se ky program, në bashkëpunim me Qendrat e Arbitrazhit në vend, po mbështesin përmirësimin dhe zhvillimin e legjislacionit për zgjidhjen e kontesteve komerciale përmes metodave alternative përkatësisht arbitrazhit dhe ndërmjetësimit, fuqizimi i të cilave luan rol edhe në mjedisin e investimeve në Kosovë.

Thompson tha se marrë parasysh ngarkesën e gjykatave, proceset burokratike, dhe kohëzgjatjen e zgjidhjes së kontesteve përmes procedurave gjyqësore, arbitrazhi ofron shumë përfitime dhe lehtësira në tejkalimin e këtyre barrierave për të ardhur në një vendim të prerë dhe një marrëveshje mes palëve në afat kohor më të shkurtër.

Duke iu referuar procesit të themelimit të Gjykatës Komerciale, Thompson theksoi se arbitrazhi nuk e pengon gjykatën por në fakt bashkëpunon me të njëjtën dhe lehtëson punën e saj, duke mundësuar shërbim më të gjerë dhe gjithëpërfshirës të komunitetit të bizneseve në vend.

Tutje, ai potencoi se aktualisht ekziston një nivel i ulët i njohurive rreth metodave alternative për zgjidhje të kontesteve ndërsa theksoi edhe nevojën për promovim dhe ngritje të ndërgjegjes rreth arbitrazhit si dhe metodave të tjera efikase, më të shpejta dhe me kosto më të ulët. Për fund ai gjithashtu këshilloi edhe përfshirjen e klauzolës së arbitrazhit në kontrata mes palëve.

Ardi Shita, avokat si dhe anëtar i Këshillit Drejtues të Qendrës së Arbitrazhit të Odës Ekonomike Amerikane potencoi se përgjatë viteve të fundit në Kosovë është shënuar progres i konsiderueshëm rreth zhvillimit të një sistemi funksional të arbitrazhit dhe metodave të tjera për zgjidhje të kontesteve.

Sipas tij, megjithëse kontratat e mëdha me investitorë serioz në parim përfundojnë në arbitrazh për shkak të klauzolës së përfshirë në këto kontrata, ende nuk është krijuar një praktikë e mirëfilltë që për kontestet më të vogla komerciale të përdoret kjo metodë.

Shita theksoi se përmes përpjekjeve të vazhdueshme të qendrave të arbitrazhit siç është ajo e Odës Ekonomike Amerikane për përfshirjen e kësaj klauzole është shënuar progres i madh që në mënyrë direkte reflektohet edhe në zgjidhjen e kontesteve.

Tutje, Shita theksoi se Gjykata Komerciale është një ndër iniciativave më të rëndësishme të drejtësisë komerciale në vend dhe duhet të trajtohet me urgjencë si rrjedhojë e paqëndrueshmërisë politike.

Ai po ashtu theksoi se Kosova njeh dhe ekzekuton të gjitha vendimet e arbitrazhit përfshirë edhe ato ndërkombëtare.

Ngjarjet që do të mbahen gjatë Ditëve të Drejtësisë Komerciale do të përfshijnë diskutime në panel për temat e tjera të lidhura me arbitrazhin sipas industrive specifike.

 

 

Kalendari

Ngjarjet e datës 26 Shkurt 2021

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në objektin e ri të komunës, ora 10:00)

- Këshilli Organizues ''Pranvera Shqiptare 81'' do të bëj nderime dhe do të vendos lule te varri i varri i Adem Demaçit. (Velani, ora 11:00)

- Organizata Etea, përmbyllë fazën e parë të projektit “Biblioteka Qarkulluese me strategjitë e lexim kuptimit”. (Kino Armata, ora 11:00)

- Ministria e Kulturës, Rinisë dhe Sportit organizon ceremoninë e ndarjes së çmimeve në fushën e trashëgimisë kulturore. (Parku arkeologjik "Ulpiana", ora 12:00)

- Këshilli Organizues ''Pranvera Shqiptare 81'' organizon tryezëm përkujtimore për Adem Demaçin në 85 vjetorin e lindjes. (Instituti Albanologjik në Prishtinë, ora 13:00)

- Partia Socialdemokrate do të mbaj një aktivitet pranë objektit të Komunës së Prishtinës. (Objekti i Komunës së Prishtinës, ora 13:00)

- Qendra për Raste Gjyqësore Strategjike platformë e themeluar nga Grupi për Studime Juridike dhe Politike mban konferencën për media me rastin e dorëzimit të Padisë për Konflikt Administrativ kundër Lejes Ujore për Hidrocentralin Brezovica në Shtërpcë të Lëshuar nga Autoriteti Rajonal i Pellgjeve Lumore në kuadër të Ministrisë së Ekonomisë dhe Ambientit. (Para Pallatit të Drejtësisë, Ndërtesa A, ora 14:00)

- Zëdhënësi i KQZ-së, Valmir Elezi mban konferencë lidhur me progresin në procesin e rinumërimit dhe të aktiviteteve tjera që po zhvillohen në këtë qendër. (Qendra e Numërimit dhe Rezultateve, ora 15:00)